Txiletik kanporatu duten Iban Gartziaren bizipenak bideo batean

Sara Arruabarrena Azkarate @s8ara
2016ko abuztuaren 03a

Maputxe herria edo bere hizkuntzan Wallmapu eremuko proiektu batean parte hartzera joan zen Iban Gartzia Txilera, “herri maputxearekin harremanetan jarri eta esperientziak elkarbanatzera”. Antxeta irratiaren bidez Radio comunitaria Kimche Mapu-n ibili da boluntario gisa lanean, esaterako.

“Herri maputxearen errealitatea nire begiekin ezagutzea”, “gaur egun bizi duten egoera ondo ikustea” eta “Estatuarengandik jasaten duten errepresioa zein den” ezagutzea ziren Gartzia Txilera eraman zuten helburuak, irundarrak berak bideoan azaldu duenez.

Valdiviara eta Temucora bidaiatu zuen eta azken hiri honetan egin zuen topo FEMAE-rekin (Federación Mapuche de estudiantes). Erakunde horrek antolatzen dituen maputxera ikastaro batean atxilotu zuten. Hasieratik identifikatu ez ziren hiru poliziak azaldu zioten kanporatze agindua zegoela bere aurka eta Santiagora eraman behar zutela. Salatu du polizia batek azaldutako hainbat aurrekari penal preskribaturik zegoela eta informazioa ez zela zuzena.

Tentsio uneak gora-behera Txileko hiriburuan egon zen atxiloturik Gartzia egun batez. Azaldu du ez zela inkomunikaturik egon eta gertukoenei egoeraren berri emateko aukera izan zuela. Kideek itzulera oztopatzeko jarritako helegiteak helegite, Txileko Estatuko bi poliziarekin itzuli zen Gartzia Espainiako Estatura hurrengo egunean. “Anaia maputxe batek oparitutako trariloncoa” eraman zuen Gartziak bidaia guztian zehar, jendeak bere atxiloketaren arrazoien berri izan zezan.

Beste bideo batean maputxeen borrokari buruz aritu da Gartzia:

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Internazionalismoa kanaletik interesatuko zaizu...
Greziako brigadaren bideokronika: Thessalonikako borrokak ezagutzen

Atenasen ostean Thessalonika eta bertako mugimenduak ezagutzeko aukera izan dugu azken hiru egunetan. Biome fabrika okupatua, Omnes errefuxiatuak artatzeko elkartea, uraren pribatizazioaren aurkako mugimendua eta Halkidikiko mehatzeen aurkako mugimenduak ezagutu ditugu zehazki.


2018-05-18 | ARGIA
Europaz hausnartzeko hitzaldi bira egingo du Askapenak

Maiatzaren 23an hasi eta ekainaren 2ra bitartean Euskal Herriko hainbat txokotan hitzaldiak antolatu ditu Askapenak. Europar Batasunaren inguruko kritika zabala den arren, ezjakintasuna handia dela ondorioztatu dute.  Azken aldian Askapenak begirada Europan du eta egoeraren aurrean, auziaz jarduteko hitzaldiak iragarri dituzte. Gonbidatu berezien laguntzaz, egungo egoeraz hausnartuko dute. 


Al Nakba

Amesgaizto batetik esnatzen gareneko itolarri sentsazioa bularraldean, irudika al dezake inork itolarri horrekin bizitzea, bizirautea. Irudika al dezake inork norbere herrian bertan deserriratzea, etxea utzi behar izan eta 70 urte luzez itzuli ezin izatea. Maiatzaren 15a Nakba edo hondamendiaren eguna da palestinarrentzat. Palestina ez da lokartzen, eta ez daude ametsetan, errealitate gordina dute parez pare eta begi bat ez, bi begi zabalik izanagatik ere makinaria sionistak kontrolatzen dizkie... [+]


2018-05-15 | Topatu.eus
"Europar Batasunean burujabe?" izenpean, hitzaldi bira antolatu du Askapenak

Europar Batasunaren aurrean herrien burujabetza aldarrikatzeko asmoz, "Europar Batasunean burujabe?" jardunaldiak antolatu ditu Askapenak maiatzaren 23tik ekainaren 2ra bitartean Euskal Herriko txoko desberdinetan


2018-04-27 | I˝aki Etaio
Kurdistan: existitzea nahi ez duten herria

2018ko udaberrian Ipar Kurdistanera –Bakur– euskal delegazio bat joan zen hango egoera lehen eskutik ezagutzera. Iñaki Etaio partaideetako bat izan zen eta bidaian ezagututakoa bederatzi artikulutan jaso du. Hau da lehena.


2018-04-15 | Jabi Zabala
Ahilan Waradarajah eta Viraj Mendis
"Negoziazioak ondo badoaz, Mandela bihur zaitezke, baina gerra galtzen baduzu, zure bila etorriko dira"

Askatasun Tigreak gerrillaren amaiera izan zen 2009ko maiatzeko sarraskia. Sri Lankako armada sinhalarraren garaipenak amaiera eman zion de facto independentea izan zen Tamil Eelam-eko estatu saiakerari. Genozidioa ere izan zen hura, Viraj Mendis eta Ahilan Waradarajah ekintzaileen arabera. Sinhalarra bata, tamil etniakoa bestea, hori azaltzera etorri ziren otsailean Euskal Herrira Alemaniatik.


2018-03-26 | Aitor Aspuru Saez
Borrokan hildakoek eta lagunek piztu zuten Newroz-aren sua Bilbon

Martxoaren 23an ospatu zuten Newroza, urte berri kurdua, Bilbo Zaharreko plazan hainbat lagunek. Ekitaldi xume eta hunkigarria izan zen. Une latzak dira Kurdistango Askapen Mugimenduarentzat, baina zapalkuntzari ohitu den herri horrentzat inoiz ez dira garai oparoak, eta horrek ez dio dantzatzeko gogoak kentzen.


Argazki bilduma
"Euskaldunok elkartasuna adierazi eta kurduekin batera Newroz bizi izan dugu"

Martxoaren 21ean kurduen egun handiena ospatu zuten. Amed hiriko ospakizunetan parte hartu zuen Euskal Herritik joandako ordezkaritza batek. Handik bizi izandakoaren berri eman dute kronika eta argazki bilduma honetan.


2018-03-18 | Aitor Aspuru Saez
Herri kurduaren min eta bizipozarekin sei egunez Europan barrena

Kurdistango Askapen Mugimenduak ibilaldia egin zuen otsailaren 8tik 17ra bitartean Europako bihotzean, salatzeko Abdullah Öcallan preso isolatuaren egoera eta Turkiak abiatu duen erasoaldia Afrinen –Siriako kantoi kurdu autonomoan–. Zenbait euskaldunok parte hartu genuen ekimenean elkartasuna adierazteko eta herri kurduaren izaera hobeto ezagutzeko aukera izan genuen.


2018-02-27 | Zebrabidea
Iraitz (Askapena)
"Garrantzitsua da brigadista izaera izatea"

“Internazionalismotik Euskal Herria eraikitzen” lemapean antolatu ditu Askapenak aurtengo brigadak. Hiru eremu geografikotan jarri dute fokoa aurtengoan: Latinoamerika, Ekialde Hurbila eta Europa. Iraitz izan dugu estudioetan honen guztiaren berri emateko.

 


Azkenak
EGILEA
Eguneraketa berriak daude