Txetx Etcheverry Bizi! mugimenduko bozeramailea deklaratzera deitu dute Baionako polizia-etxera
Iazko udan egindako Alternatiba Itzulian, Alsaziako Fessenheim zentral nuklearraren aurrean egindako hitzartze batengatik joan beharko du deklaratzera Baionako polizia-etxera, maiatzaren 10ean.
2015eko udan egin zen klimaren aldeko Alternatiba Itzulia txirrindulari lasterketa; eta ekainetik irailera Frantzia, Belgika, Suitza eta Alemania zeharkatu zituen. Uztailaren 20an, Alsaziako Fessenheim zentral nuklearraren aurretik pasa zen, Frantzia eta Alemaniaren arteko mugan.
Geldiune “sinbolikoa” egin zuten bertan eta Txetx Echeverryk hitza hartu zuen komunikabideen aurrean. “Energia nuklearra gaitzetsi zuen”, eta adierazi zuen zentral nuklearraren sailean zeuden militarrei ordaintzeko dirua “xahutu” beharrean, diru hori erabil daitekeela energia berriztagarriak garatzeko. François Hollandek, Frantziako lehendakaritzarako hautagaia zela, hitz emanda zuen zentral nuklear hori itxiko zuela.
Jendarmeek identifikatu egin zituzten txirrindulariak, baina aurrera egiten utzi zieten. Tunsel-eko (Alemania) GartenCoop etxalde kooperatiboan gelditu ziren, eta Alemaniako poliziak identifikatu egin zituen Frantziako agintariek eskatuta. Kooperatibak kexa bat idatzi zuen “botere gehiegikeria” horren kontra, eta Alemaniako Administrazio Auzitegiak zigortu egin zuen herrialde horretako administrazioa. Hala ere, Fessenheimeko ekitaldiagatik deklaratu beharko du Etcheverryk.
Polizia-etxearen aurrean elkarretaratzea egitera deitu dute
Bizi! mugimenduko kideek salatu dute Frantziako Estatuak Etcheverryren aurkako prozesu judiziala martxan jartzea, “Alemaniako justiziak mugimendu ekologistari arrazoia eman bazion ere”. Mugimendu ekologistako kideek eskatu dute Etcheverry kargu eta akusaziorik gabe libre atera dadila eta maiatzaren 10ean Baionako polizia etxean biltzeko deia egin dute, goizeko 9:45ean. Enercoop elektrizitate hornitzailearen harpide egiteko aukera ere izango da bertan; energia berriztagarrien bidez sortutako argindarra banatzen du Enercoopek.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.