Txapartegik salatutako torturak ziurtatu dituzte Suitzako bi adituk

  • Nekane Txapartegiren estradizioaren harira, bi adituk Txapartegik salatutako torturen inguruan sinesgarritasuna azaldu dute, Suitzako Le Temps egunkariari egindako adierazpenetan. Garak jaso duenez, kasu bakana ez dela azpimarratu dute, alegia, tratu txarrak ohikoak izan direla inkomunikazio aldian Espainiako polizia-etxeetan.

Sara Arruabarrena Azkarate @s8ara
2016ko irailaren 21a
Txapartegi estraditatu ez dezaten eskatzeko irailaren 20an elkarretaratzea egin zuten Bilbon, Suitzako kontsulatuaren aurrean. (Argazkia: Ecuador Etxea)

Txapartegiren tortura salaketari sinesgarritasuna azaldu ez ezik Guardia Zibilak atxilotutakoekin izan ohi duen jarreraz ohartarazi dute Jean-Pierre Restellinik eta Gerald Staberockek. Auzitegiko medikua da lehena, Europako Kontseiluko kide ohia eta Torturaren prebentziorako Suitzako Kontseiluko lehendakari izandakoa. Staberock, berriz, Torturaren Aurkako Mundu Erakundeko idazkari nagusia da.

“Espainiako Guardia Zibilaren jardunbidea ezaguna da. Zoritxarrez, emakume gazte honen torturaren inguruan zalantza gutxi dago. Buruan poltsa, elektrodoak eta sexu biolentzia ohikoak izan dira”, azaldu du Restellinik.

Staberockek gaineratu du litekeena dela “Txapartegiren aurkako kondena torturapean lorturiko frogetan soilik oinarritutakoa” izatea, “eta hori da auzi honen arazoa: egia balitz, Suitzak ezingo luke estraditatu, zuzenbide internazionalaren aurkakoa litzatekeelako, baita Giza Eskubideen Europako Hitzarmenaren kontrakoa ere”.

Espainiaratzeko arriskua

2015eko apirilean atxilotu zuten Nekane Txapartegi eta Suitzako epaileek erabaki beharko dute Espainiaratzeko egindako eskariari jarraituko dioten ala Suitzan gelditzeko baimena emango dioten.

Txapartegi estraditatu ez dezaten eskatzeko irailaren 20an elkarretaratzea egin zuten Bilbon, Suitzako kontsulatuaren aurrean, Nekane Libre! plataformak deituta. Irailaren 24an manifestazioa egingo dute Bernan (Suitza), estradizio prozesua salatu eta Txapartegi berehala askatzeko aldarrikatzeko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Tortura  |  Suitza

Tortura kanaletik interesatuko zaizu...
2018-07-15 | Adur Larrea
Ez hanka ez buru
Egia lege

Munduko Kopatik hamar kaletara

1978ko Munduko Futbol Kopa Argentinak etxean irabazi zuen, Buenos Airesko River Plate estadioan. Handik hamar kaletara zegoen ESMA (Escuela Superior de Mecánica de la Armada) eta bertatik selekzioak sartu zituen hiru golen burrunba entzun zen.


2018-07-13 | Estitxu Eizagirre
Hassana Aalia
"Espainiako poliziak errefuxiatuak ere torturatzen ditu, mugetan"

1988an jaioa, Saharan. 2011tik bizi da Euskal Herrian, Bilbon lehenik eta egun Hernanin. Saharar Kontseiluko Giza Eskubideen Komiteko kidea da. Mintzo zaigu bere kasuaz, torturaz, Saharaz, paperik gabe bizitzeaz, gero eta polizialagoa den Europaz...


42.300 euroko kalteengatik 41 urteko kartzela zigorra eskatzen diete bi burlatarri

2004 eta 2007an gertatutako kale borroka kasuak leporatzen dizkiete Jose Javier Oses eta Iñigo Gulinari. Leporatzen zaizkien kale borroka kasuak Nafarroako hainbat herritan egozten dizkiete. Horregatik, Osesi 23 urte eta erdi eta Gulinari 18 urteko kartzela zigorra eskatzen diete.


2018-07-06 | Nahia Ibarzabal
Former Spanish Police defends torture: "Basques are weak, they sing as soon as you touch them"

"I wouldn't offer somebody who's been arrested a coffee", former Spanish Civil Guard Manuel Pastrana said ironically during an interview on Catalan TV3 station, making an open case for the use of torture.


Grande Marlaska tortura salaketen inguruan: "Egia bakarra egia judiziala da"

Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.


Victor Jara musikaria hiltzeagatik bederatzi militar txiletar kondenatu dituzte

Txileko armadako bederatzi kide kondenatu dituzte 1973ko irailean Victor Jara kantautore ezkertiarra hiltzeagatik, baita orduko espetxe-zuzendari Littré Quirogaren hilketagatik ere.


2018-07-02 | Nahia Ibarzabal
Manuel Pastrana guardia zibil ohia torturaren apologia eginez: "Euskaldunak ahulak dira. Guztia kontatzen dute ukituz gero"

“Ez dut kafe batera gonbidatuko atxilotu bat”, adierazi zuen ironiaz Manuel Pastrana guardia zibil ohiak TV3n egindako elkarrizketa batean eta torturaren apologia argia eginez. ETAn nola infiltratu zen ere kontatzen du elkarrizketan.


2018-06-26 | ARGIA
Grande-Marlaska epaile zela 223 euskal herritarrek salatu zituzten torturak

Torturaren Biktimen Babeserako Nazioarteko egunaren harira, Fernando Grande-Marlaska instrukzio-epaile zenean torturatutako hamalau pertsonak, Amaia Izko abokatuarekin batera, agerraldia egin dute asteartean Bilbon.


2018-06-13 | ARGIA
Grande-Marlaskak galiziera "dialekto" gisa deskribatu zuenekoa

Fernando Grande-Marlaska Espainiako Barne ministro berria polemika-iturri izan da izendatu zutenetik, epaile zenean tortura kasuak ikertu ez zituelako besteak beste. Gutxiago aipatu da hizkuntza gutxituekin duen jarrera, baina Galizian behintzat, zenbaitek gogoan dute.


Azkenak
EGILEA
Eguneraketa berriak daude