Turkiako armadak Kurdistango Afrin hiriari eraso egin eta hamazazpi zibil hil ditu
Larunbatean hasi zuen Turkiako Gobernuak Siriako lurraldean dagoen Kurdistango Afrin hiriaren aurkako erasoa. Estatu Islamikoaren aurka borrokan ari diren YPG gerrilari talde kurduaren aurkako operazioa dela adierazi du Turkiako Gobernuak.
Turkiako armadak 17 zibil eta 14 miliziano hil ditu larunbatean Kurdistango Afrin hiriaren aurkako oldarraldia hasi zuenetik, Rudaw.net hedabideak jaso duenez. Turkiako Gobernuak zabaldu duen oharrean, YPGak “antolakunde terrorista” gisa definitu ditu eta horregatik hauen aurkako erasoa defendatu du. Herritarren babeserako sorturiko miliziak dira YPGak. Azken urteetan Estatu Islamikoaren aurkako borrokan aritu dira.
3/ Turkish operation against Afrin has officially started. Here a video of Turkish airstrikes against Kurdish targets. @akhbar pic.twitter.com/sonWmuq9ym
— Jenan Moussa (@jenanmoussa) 20 de enero de 2018
Afrin hiriaren “okupazioa” gogor salatu du HDP alderdiak. Bere esanetan, Kurdistango herriaren askatasun nahiaren aurkako erasoa da asteburu honetan Turkiako armadak burutu duena. Egoeraren berri emateko prentsaurrekoa antolatu zuen alderdiak Dyarbakir hirian, baina Turkiako poliziak eraikina inguratu eta prentsaurrekoa ematea galarazi zien.
Turkish police surrounds HDP headquarters in #Dyarbakir to prevent press conference on ongoing military invasion of #Afrin pic.twitter.com/m7DJu7oEyu
— francesco strazzari (@franxstrax) 21 de enero de 2018
Siriako ingururik egonkor eta seguruena zen orain gutxira arte Afrin. Azken urteetan populazioa bikoiztu egin da eskualde honetan, nazioarteko laguntza handirik gabe, milaka Siriar errefuxiatu jaso baititu Kurdistango eskualde honek.
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]