Turkiak harresi bat eraiki du Siriarekin duen mugan, errefuxiatuei sarrera eragozteko
Azkenaldian hizpide izan da Trump Estatu Batuetako presidenteak Mexikoko mugan eraiki nahi duen harresia. Baina estatubatuarra ez da bere herrialdearen mugak hormigoiarekin babestu nahi dituen bakarra: Turkiako gobernua murru bat eraikitzen ari da Siriarekin duen mugan, gehiengoa Kurdistango lurretan, errefuxiatuen sarrera eteteko. 2017ko udan amaituta egongo dela iragarri dute herrialdeko autoritateek.
Siriaren eta Turkiaren arteko muga puntu gatazkatsua da aspalditik. Siria gerra zibilean sartu zenetik kaosaren ihesbide izan dute muga hau siriar askok, eta ez dira gutxi izan han gertatutako istiluak. Adibide gisa, 2015 urtean gerratik ihesi zihoazen 100.000 pertsona baino gehiago atxilotu zituzten Turkiako segurtasun indarrek puntu honetan.
Gatazka dela eta, Turkiako autoritateek harresi bat eraikiko zutela jakitera eman zuten, haien esanetan “Daeshen eta PKKren mehatxuei” aurre egiteko. 2015eko uztailan Suruq mugako herrian gertatutako atentatu baten ondorioz hartu ei zuten erabakia, Daesh-en eraso suizidak 33 hildako utzi zituenean.
Harresiaren lehenengo sekzioa eraiki dute dagoeneko, Idlib probintzia siriarraren mendebaldean. Zazpi metroko eta zazpi tonako hormigoi blokeekin osatuta dago eta alanbre arantzadunarekin sendotuta, eta paretaren inguruan mina zelaiak daude.
KurdisCast elkartasun komiteak Twitter bidez zabaldutako argazkiak:
.jpg)
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Irakurleak badaki 2015eko Parisko atentatu izugarrien auzia hurbiletik segitzen dudala, eskura dauzkadan prentsa baliabideei esker. 130 herritarren herioa eragin zuten komandoetatik bizirik ateratako kide bakarra Salah Abdeslam izan zen eta bere bizkar datza justizia egin... [+]
Urtarrilaren 20an Siriako Ipar eta Ekialdeko Autoadministrazioaren menpe dagoen Hasake hiriko espetxeari eraso diote auto suizidekin, milaka islamista askatzeko. YPGk kontrola berreskuratu arren, tiroketek jarraitzen dute, Daex-eko zenbait kide ezkutatu baita.
Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko... [+]