Irrikitaldia 2017 kronika

Turismoa eta tasak, Piraten Irrikitaldiaren jo puntu

  • Beste urte batez, Donostiako Piratek festa antolatzaileak baina zerbait gehiago direla erakutsi dute. Kritika politiko irudimentsua egin diote Irrikitaldian Udalari eta dakarren hiri ereduari.

Xalba Ramirez @xalbaram
2017ko abuztuaren 21a

Eneko Goia alkateak aurtengo Korrikan egindako hanka sartzearekin hasi da parodia. Lekukoa hartu behar zuenean geldirik geratu eta ihes egin zion joan den martxoan. Sare sozialetan burla andana jaso ostean, Irrikitaldiko eszena barregarrienetako bat bihurtu dute momentua. Bulebarreko kioskotik lekukoaren atzetik ibili da Goia, alkatearen zaindariek atxilotu eta bere ondora eraman duten arte.

Turismoaren Goia saria banatzeko bozketa egin da eta aho batez eman diote Ernesto Gascori. Bere buruari eskerrak eman dizkio, “hiriaren hurrengo alkateak”, hoteletako logeletako zerbitzuen aipamen lotsagarria eginez.

Ohiko paseilloa egin dute jarraian, Kale Nagusian zehar elizaraino, eta ohikoa den eran ere, mozorroetako pertsonaiek beren ekimenak egin dituzte ere. “Mujeres por la vida” alderdi politikoa sortu dute hainbat gaztek, abortuaren kontrako eta bizitzaren aldeko oihuekin paseoa betez. Ez dituzte urruti izan Hazte Oir plataforma ultrakatolikoko kideak, “Que no te engañen” autobus transfoboarekin. Higiezin agentzia bat izan da ere, izkina guztiak saltzen. 1928ko olinpiadetako kirolariek ere erakustaldia egin dute.

Kale Nagusian, turistentzako checkpointa jarri dute. Dirudunak alde batera eta behartsuak bestera. Egon da “tourist welcome, local go home” oihukatu duenik ere. Uda honetan turismo masiboaren gaia da nagusi Alde Zaharrean, eta Piraten kritika gehienak gaiarekin lotuta izan dira.

Eliza atarira iristean hasi da irrien ekitaldia eta Goia alkateak ekitaldia ireki du Munillari hitza emanez. Munillaren benetako esaldi homofobia eta sexistekin osatu dute hitzartzea; errealitateak fikzioa gainditzen duen une horietako. Piraten “rolloaren kultura” salatu du, homosexualen jarrera “desordenatua” eta emakumeek hilerokoa dutenean “garbitzea gustatzen zaiela”. Amaitzeko keinu bat egin dio elizaren sexu abusuen gaiari, aurten Alde Zaharreko apaiz pederastaren kasua oroituz.

Summa aldapetako umezurtzek zozketa egin dute eta hainbat hotel eta obra publikoren lizitazioak banatu dituzte Gascok eta Goiak. 20 Hotel berri eraikitzeko baimena kritikatu dute honela Piratek. Atzean pankarta erraldoia zabaldu dute: Donostia ez dago salgai, oparitu egiten da.

Fermin Muguruza ere izan da ekitaldian. Goiak aurten Adarra Saria eman zionean egindako kritikak gogoratzeko momentua izan da. “Hurrengo urtean ondo pentsatu beharko dugu nori eman” esan dio alkateak Gascori.

Jaurlaritzak Piratei inposatu dizkien tasak salatu dituzte ere, “Piratarik gabeko, bainurik gabeko eta bertakorik gabeko kaia nahi dugu”.

Amaitzeko, eskuin ukabila altxatuta, donostiarren ereserkia abestuz amaiera eman diote ekitaldiari: txuri-urdin maitea. Ekitaldiaren amaierarekin inor ez da etxera joan, ordea. Bi txarangen erritmora, Alde Zaharrean barrena jarraitu du 500dik gora lagunek osatutako performanceak, Piraten egun irudimentsu eta dibertigarrienean.

Irutxuloko Hitza-k egindako bideoa.

Kanal honetan artxibatua: Donostiako Piratak

Donostiako Piratak kanaletik interesatuko zaizu...
Euskaldunak aktibatzeko ekimena antolatzen ari bazarete gida hau irakurtzea komeni zaizue

Donostiako Bagera elkarteak informazio bilketa lana egin du. Batetik, hizkuntza ohituretan eragiteko hamar esperientzien berri jaso du, eta bestetik, halako zerbait egiteko gogoz direnentzat gida prestatu du.


2017-08-11 | Markel Ormazabal
Turismoaren festak

Ez hain antzina, hiru mende atzera gehienera, kostako herri baten ur territorialak kanoi baten tiramenaren arabera zehazten ziren: jaurtigaia noraino heldu, lehorretik harainokoa izango zen ur territoriala. Lurraldearen zedarritzeko, ordea, kanoia baino hobea da festa, eta hain zuzen ere, kanoikada batek emango dio hasiera Donostiako abuztuko festari.


2017-08-10 | ARGIA
Sara Majarenas eta Izar etxera ekartzeko eskatuko dute Donostiako Piratek aurtengo txupinazoan

Ostegun arratsaldean Donostiako Piratek jakinarazi dutenez, Sara Majarenas eta Izar izango dira aurtengo Aste Nagusi Piratako txupinazoko protagonistak. Larunbatean ezingo dira Alde Zaharreko "La Flamenka" gunean egon, etxean preso baitaude Madrilen. Beren presentzia beste modu batera bermatuko dute jai herrikoien aldeko kideek.


2017-08-08 | Lander Arbelaitz
Piratek salatu dute jaiak antolatzeagatik 14.000 euro kobratu nahi dizkiela Jaurlaritzak

Donostiako Piratek prentsaurrekoa egin dute, Aste Nagusia hasteko egun gutxiren faltan. Salatu dute Eusko Jaurlaritzak iaz Aste Nagusi Pirata egiteagatik 21.500 euro kobratu zizkiela eta aurten beren kalkuluen arabera beste 14.300 izango direla. "Herri mugimendu batentzat onartezinak" dira tasa hauek beren ustez.


2017-08-07 | ARGIA
Donostiako Aste Nagusian erraustegiaren aurkako ekimena deitu dute

Erraustegiaren aurkako performania deitu dute abuztuaren 16rako Donostian, asteazkena. 19:00etan abiatuako da Sarriegi plazatik, Donostiako Aste Nagusi betean. Gaixotu nahi ez dutenen martxa gisa bataiatu dute. Erraustegiaren Aurkako Mugimenduak antolatu du, Donostiako Piratetako Aingura kofradiaren laguntzarekin.


2017-07-28 | ARGIA
Abordatzean izen emateko epea ireki dute Donostiako Piratek

Donostiako Piratek jakinarazi dutenez, zabaldu dute abuztuaren 14an egingo duten abordatzean izen emateko epea.


2017-07-19 | ARGIA
Eusko Jaurlaritza Aste Nagusi Pirata "kolokan jartzen" ari dela salatu dute

Aste Nagusirako hiru aste eta erdi falta direnean, Donostiako Piraten mugimenduak prentsaurrekoa eman du kaian. Bertan salatu dute azken urteetan administrazioaren partetik "oztopoak" jasotzen ari direla eta "beren poltsikoak betetzeko interesa besterik ez duten enpresak bezala tratatzen" dituztela.


2017-07-12 | Udaltop topaketak
Euskaldunak aktibatzeko esperientziak zein beste esparrutan aplika daitezke?
MULTIMEDIA - solasaldia
2017ko Udaltop jardunaldietan egindako mahai-ingurua: Garikoitz Goikoetxea (Berria), Arrate Illaro (Euskaltzaleen Topagunea), Asier Arroita (AEK), Elias Zumalde (Emun) eta Idoia Trenor (Donostiako Piratak).

Euskaldunak aktibatzen: "Egia Euskaraz estiloa" hedatzen ari da

Euskaldunak pizteko donostiarren egitasmoak arrakasta izan duela dirudi. Donostiako Piratek eta añorgarrek kopiatu zuten, eta udazken honetan antzeko ekimenak izango dira Hernanin, Lasarte-Orian, Agurainen eta Astigarragan.


2016-08-05 | Lander Arbelaitz
Bi errefuxiatuk botako dute Aste Nagusi Piratako txupinazoa

Donostiako Piratek jakinarazi dute jaien irekiera errefuxiatuen egoera ikustarazteko baliatuko dutela. Bi errefuxiatu arduratuko dira txupina botatzeaz. Aurten orduz aldatu dute deialdia indartze aldera: abuztuaren 13an izango da, 18:30ean Flamenka gunean, kaian.


Eguneraketa berriak daude