Tunisiako arrantzale talde batek C-Star itsasontzi faxista blokeatzea lortu du

  • Errefuxiatuak laguntzeko GKEek itsasoan dituzten barkuak oztopatzea da C-Star itsasontzi faxistaren helburua beraiek adierazi izan dutenez. Protesta eta oztopoak jartzen ari dira hainbat ekintzaile Mediterraneo osoan zehar. Tunisiako arrantzale talde batek portura sartzea galarazi die abuztuaren 7an nazioarteko hedabideen arreta bereganatuz.

Xalba Ramirez @xalbaram
2017ko abuztuaren 10a

Tunisiako Zarzis portuko arrantzaleek urteak daramatzate itsasoan ondoratzen ari diren iheslarien barkuak erreskatatzen laguntzen. C-Star barku faxistak lan hori oztopatzeko helburua duenez, beren portuan ez direla sartuko erabaki dute.

“Arrazistarik ez” eta “C-Star? Gasoilik ez, urik ez, janaririk ez” leloak dituzten pankarta eta afixekin egin dute mobilizazioa UGTT sindikatuari lotutako hainbat arrantzalek, eta lortu dute barku faxista portura ez sartzea.

Generation Identity talde faxistak abiatu zuen uztailean itsasontzia “Defend Europe” lelopean, “legez kanpoko inmigrazioa” ekiditeko. Mezu arrazista eta xenofoboz jositako kanpainak ordea, hainbat portutan ekintzaileen aurkakotasuna topatu du. Tele Sur-eko erreportaje honetan hainbat gora behera azaltzen dira:

 

Frantzian sortu arren batez ere Alemanian antolatzen da Generation Identity taldea. Alt-right edo eskuin alternatiboaren etiketa erabili arren, nazismoaren ideiak lantzen dituen kolektiboa da: zurien gailentasuna, “Europaren defentsa” eta migrazioaren kontrako kanpainak dira beraien ikur. Komunikazio estrategia landuak eta diskurtso eta estetika berritzaileek faxismoaren gorakada ekarri dute Europan, eta mugimendu hau beste ikur bat baino ez da.

 

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Errefuxiatu krisi globala kanaletik interesatuko zaizu...
2018-07-16 | Bizi Mugimendua
200 pertsona Baionatik Hendaiara oinez etorkinenganako elkartasunez

Baionatik Hendaiaraino Bizik antolatutako etorkinekilako elkartasunezko ibilaldian 200 pertsonatik goitik parte hartu dute uztailaren 13 eta 14an. Etapaz etapa, pasarazten zen lekuko-makil batek bazuen barnean Cédric Herrou militanteak idatzitako mezu bat, Hendaiako Erretentzio administratibo zentroaren aitzinean irakurria izan dena. Honek hobengabeen presondegiratzea eta gizatasunaren eta haurridetasunaren baloreen ukoa salatzen zuen. Ibiltariek, une honetan legebiltzarrean... [+]


2018-07-13 | Hiruka .eus
Italiako politika "xenofobo hiltzailea" salatuko du aurten Mugak Zabalduz karabanak

Hirugarren urtez segidan, Europako mugetan giza eskubideak urratzen direla salatzeko bat egingo dute Euskal Herriko, Espainiako, Galiziako eta Herrialde Katalanetako 100 erakundek baino gehiagok, uztailaren 13tik 22ra. Hala, aurten, Italiako hiru gune bisitatuko dituzte: Frantziarekiko muga, Sizilia eta Calabria.


2018-07-13 | Estitxu Eizagirre
Hassana Aalia
"Espainiako poliziak errefuxiatuak ere torturatzen ditu, mugetan"

1988an jaioa, Saharan. 2011tik bizi da Euskal Herrian, Bilbon lehenik eta egun Hernanin. Saharar Kontseiluko Giza Eskubideen Komiteko kidea da. Mintzo zaigu bere kasuaz, torturaz, Saharaz, paperik gabe bizitzeaz, gero eta polizialagoa den Europaz...


2018-07-12 | Uriola.eus
Gurutze Gorriak Bilboko migratzaileentzako zentroa lekualdatu du, baina arazoak hor dirauela dio OEEk

Bilbora iritsitako etorkin oldeari aurre egiteko ekainaren 29an irekitako aterpea itxi eta gune berria ireki du Gurutze Gorriak Bilboko beste auzo batean. Migratzaileek gehienez hiru egun igaro ditzakete bertan.


2018-07-05 | ARGIA
OEE plataformak migratzaileei harrera egiteko baliabideak eskatu dizkie instituzioei

Asteazken eta ostegunean Bilboko Udalaren aurrean mobilizatu da plataforma. Erakunde publikoek 48 oheko aterpetxea eskaini dute, eta 40 oheko beste bat promestu.


Xenofobia mugazain

Nazioarteko Errefuxiatuen munduko eguna izan berri da. Munduan barrena herri mugimenduek migratuekiko babes handiagoa eskatu dute, baina egunotako albisteak kontrako norabidean etorri dira.


2018-06-25 | Nahia Ibarzabal
Italiak eta Maltak ehunka etorkinen erreskatea oztopatu dute berriz Mediterraneoan

Joan den asteburuan ere ehunka migratzaile saiatu dia Europako kostaldera iristen. Open Arms Kataluniako Gobernuz Kanpoko Erakundearen Itsasontzi bat haiek laguntzeko saioan ibili da, baina Italiak laguntza ukatu du eta Libiari agindu dio haren itsasontzi batek jasotako ehun bat etorkin berriro Afrikara itzultzeko. EBko agintariak Bruselan egiten ari diren ezohiko goi-bileran ez dira heldu ondorio esanguratsuetara.


Kontzentrazio-esparru erraldoia Europara ihes egin nahi duten migratzaileentzat?

"Zenbat eta urrutiago, hobe" premisapean, Afrika iparraldean edo Balkanetan gune itxi bat altxatu eta zaborra bailiran Europara ihes egin nahi duten migratzaileak bertan kontzentratzea da Europar Batasunaren azken proposamena.


2018-06-20 | Uriola.eus
Mugak Zabalduz karabanak Italiara joko du aurten, errefuxiatuei elkartasuna adierazteko

Gaur Errefuxiatu eta Migratzaileen Nazioarteko Eguna da. Horregatik, Mugak Zabalduz Italiara abiatuko den Karabana aurkeztuko du arratsalde honetan Bilboko Bira Kultura elkartean. Italian "politika xenofobo erailtzaileak eta elkartasunaren kriminalizazioa" salatuko dituzte.


Azkenak
EGILEA
Eguneraketa berriak daude