Tubos Reunidoseko enpresariek langileak salatu dituzte kaleratze masiboaren aurka "oldarkor" jokatu dutelakoan
Tubos Reunidosek salaketa aurkeztu du Productos Tubulareseko langileen aurka, “desordena publikoa, irainak eta mehatxuak” argudiatuta, ostegun goizean Bilboko egoitzaren parean izandako istiluen harira.
Martxoaren 8tik greba mugagabean, Trapagarango Productos Tubulareseko langile-batzordea asteazken honetan bildu da zuzendaritzarekin eta azken honek bere asmoak jakinarazi dizkie. 430 langileko enpresan, 157 kaleratu nahi dituzte. Geldituko diren beharginei soldata %25 murriztea eta urtean lanorduak 1.680tik 1.704ra igotzea planteatu du zuzendaritzak.
Productos Tubulareseko langileak haserre agertu dira zuzendaritzako erabakiekin, eta elkarretaratzea egin dute ostegun goizean, Tubos Reuinidosen Bilboko egoitzaren parean. Manifestari batzuk erakinera sartzea lortu dute, eta zuzendaritzako bulegoen ateetaraino hurbildu dira. Tubos Reunidosek salatu duenez, “mehatxuak eta irainak” oihukatu dituzte, eta jarrera “oldarkorra” izan dute.
Larunbatean langileek manifestazioa egingo dute Sestaon, Productos Tubularesentzat materiala ekoizten duten enpresa baten parean.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.