TRWn lan uzteak deitu dituzte behin behineko 189 langile kontratatu dituztela salatzeko
Martxoan, 123 behargin kaleratu zituen enpresak, Enplegu Erregulazio Txostena baten bidez, irabazirik ez zuela argudiatuta. LABek eta ELAk deitu dute protestara.
"Irainduta" sentitzen dira botatako langileak, multinazionala pertsona gehiago hartzen ari dela ikusirik, "suminduta", ELAko Txabi Martinezen hitzetan.
LABek eta ELAk Enplegu Erregulazio Txostena bertan behera uzteko aldarrikatu dute, bai eta kaleratutako horiek berriz ere kontratatzeko. Horregatik, lan uzteak iragarri dituzte, eta astelehenean bertan batzarretan bilduko dira, bide orri bat zehazte aldera.
Martinezen hitzetan, enpresaren argudioa da oporrei aurre egiteko behar dituela behin behineko 189 lagunak. Hark ez dio baliorik eman Alemaniako erraldoiaren arrazoiketari: "enpresak kontratazioak egin behar baldin baditu, horrek zuzenean egiten du talka 100 lagun kontratatzearekin".
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.