Trump izango da AEBetako presidente berria. Garaipena lortu du askorentzat txarraren eta ez hain txarraren artekoak izan diren hauteskunde hauetan. Beharrezko zituen 270 delegatuak pasa ditu alderdi errepublikarreko hautagaiak, 290 ditu jada, Hillary Clintonen 228en aurrean. Presidente berriak, garaipena ospatzeko diskurtsoan, bozkaturikoaz "harro" egongo direla esan die herritarrei.
Clintonen zorion deia jaso ondoren atera da Trump jendartera. "Batera lan egingo dugu gure nazioaren berreraikitzeaz arduratzeko eta amerikar ametsa berritzeko", azaldu du garaipen hitzaldian. Kanpo politikara begira beraiekin erlazio ona izateko prest dauden estatu guztiaekin harreman onak izango dituztela adierazi du. Albo batera utzi ditu kanpainan zehar aginduriko erabaki polemikoenak eta hazkunde ekonomikoan, azpiegituretako inbertsioetan edo gerrako beteranoei laguntzeko beharrean zentratu da.
Florida, Ipar Carolina edo Ohio bezalako estatu klabeetan garaipena lortu du errepublikarrak. Clintonek, berriz, Obamaren erreleboa hartu ezinda geratuko denak, California, Oregon eta Washingtonen irabazi du besteak beste. Estatu klabe horietako garaipenari esker Trump AEBetako 45. presidentea izango da.
Zurien botoei esker lortu du gehiengoa, batez ere, industriako langile zuriak konbentzituz. Hauteskundeetan zehar eginiko deklarazioengatik arrazista eta matxistatzat hartua izan den arren, ez dia bera geratzeko nahikoa izan.
Emaitzek Europako burtsak beherakadekin hastea eragin dute, %3-4 arteko beherakadak espero dituzte gaurko. Europako hainbat agintarik ulergaiztzat jo dute gertaturikoa. Bestalde, Frantziako Frente Nazionalak eta Britainia Handiko UKIP alderdi ultra eskuindarrek Trump zoriondu dute lorturiko emaitzengatik.
Las Vegas hiri ezagunetik ordubetera Creech-eko aire-base militarra dago basamortuaren erdian. 1950eko hamarkadan, Gerra Hotzean, ia mila leherketa nuklear "esperimentalen" lekua izateagatik ospetsu egin zen. Creechen koordinatu dituzte azken 20 urteotan AEBek mundu... [+]
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.
Energia krisiak eta Ukrainako gerrak hauspotuta, Gas Natural Likidotua (GNL) bihurtu da munduko lehengai estrategiko eta preziatuenetakoa. AEBetako hegoaldean gasa modu horretan biltegiratu eta esportatzeko planta erraldoiak egin asmo ditu industriak, baina Joe Bidenen gobernuak... [+]
Killingworth (Connecticut, AEB), 1701. Collegiate School goi mailako ikasketa zentroa fundatu zuten. 1716an eskola berria New Havenera aldatu zuten eta handik bi urtera, 1718an, Yale izena hartu zuen gaur egun AEBetako eta munduko unibertsitate prestigiodunetakoa denak.
Urte... [+]