"Tripontzia" zozketak 102.000 euro utzi ditu Urduñan
09550 da zenbaki irabazlea. Zenbaki horren zortzi serieak saldu dira Urduñan. 60.000 eurokoa da sari nagusia eta 6.000 euroko beste 7 ere banatu dituzte Sutegi Tabernan
Urduñan saldu da Tripontzia zozketaren zenbaki irabazlea: 09550. Gauzak hala, zozketak 102.000 euro utzi ditu hirian.
Sutegi Tabernako jabeak, Jon Ander Muñozek, eskuratu du sari nagusia, 60.000 eurokoa. Horrez gain, zenbaki eta serie irabazleak ez ezik, zenbaki bereko gainontzeko 7 serieek ere, bakoitzak, 6000€-ko saria izango dute.
Kontseiluak eta Gure Esku Dagok bultzatutako ekimena da Tripontzia, “Euskal Herriko zozketa izateko anbizioarekin” sortua. Bi erakunde horien jarduna finantzatzeko baliatuko da zozketaren zenbakien salmentarekin eskuratutako dirua. “Elkarrekin lanean, komunitate gisa zer egiteko gai garen erakusteko balio dezaketen proiektuak jarri nahi ditugu martxan eta Tripontzia zozketa horren adibide bat da”, adierazi du egitasmoaren bultzatzaileek.
Albiste hau Aiaraldeak argitaratu du eta CC-by-sa lizentziari esker ekarri dugu ARGIAra.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agur Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]