Elkarrekin-Podemosek notarioaren aurrean aurkeztutako aktak erakusten duenez, azterketa egin orduko erabakita zegoen notarik altuenak nortzuk aterako zituzten eta ospitalean plaza lortu.
Aktan idatzita zeuden bost izenak izan dira azterketan notarik altuena atera eta Debagoienako ospitaleko traumatologia zerbitzuan plaza finkoa eskuratu dutenak El Diariok jakitera eman duenez.
Debagoienako traumatologia zerbitzuan guztira zortzi pertsona daude: hiruk plaza mugiezina dute, bi azterketa ebaluatu duten tribunaleko kideak dira eta gainontzeko bostak aktan izendatutakoak.
Iruzur zantzu nabarmenak erakusten dituen bigarren akta da traumatologiakoa, anestesiologia espezialitatean ere aurkitu zituztelako irregulartasunak, antzeko bidea erabiliz.
Eusko Legebiltzarrera joango da Jon Darpon Osasun sailburua ostegun honetan, Osakidetzako lan eskaintza publikoan izandako irregulartasunen azalpen gehiago ematera.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.