"Tour de force" Espainiaren eta Kataluniaren artean
Erreferendumak informatiboen lehen lerroburuak “irabazi” ditu Frantziako hedabideetan. TF1 eta France2 telebista kateek hala nola egunkari nagusiek “indarren arteko neurtze” gisa ekarri dute gertatzen ari dena. Kezkaz begiratzen diote Estatuko poliziek indarra erabiltzeari.
Kataluniako Prozesuaren eta Espainiako Legearen arteko talka une lazgarrienera iritsi da. Frantziako egunkarien eta hedabideen iritziz “arazoa estatu afera bilakatu da”. Frantziako analisten iritzi nagusien arabera, gaurko egunean biziko denak –gertakarien izaeraren eta muntaren arabera– eraginen du Govern-ek datozen egunetan hartuko dituen erabakietan.
Frantziako agintarien eta politikarien iritziak ez dira artean plazaratu, gertakariek hartu dezaketen jitearen zain, nonbait. Poliziaren eta herritarren arteko talkak batetik, eta bestetik, bozka kolegioetan herritarren jarduera lasaiak interpretaziorako hainbat aukera ematen dute eta.
Le Monde-k dioenez, Madrilgo Gobernuak eta Estatuko botereek “burdinazko jarrera”-ri eusten diote tinko.
L’espress-ek honela zabaldu du: “Espainiako polizia indarrez sartu da Carles Puigdemont presidente erregionalak bozkatu duen bulegoan”.
Le Figaro-k Puigdemont-en jarrera setatsua azpimarratu du boza eman ondoren, baita Govern-eko beste agintariena ere.
L’Humanité-k berriz, itauntzen ditu irakurleak: nola atera ateka gaitz honetatik? Elkarrizketa jotzen du modu bakartzat.
Libération-ek bozkatu nahi duten hainbat katalanen iritzia ipini du lerroburutzat: “Francoren garaian bezala sentitzen gara”.
Analista politikoen galdera da: erreferenduma gauza al daiteke egoera horretan?
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.
Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.