"Tosuko obra atzeratzen dugun egun bakoitzeko, gertuago dago proiektua geratzeko aukera"

  • Larunbatean Ibarbengoako parkingaren aurkako manifestazioa egin zuten Getxon. “Pozik” agertu dira antolatzaileak herritarren erantzunarekin.


2017ko azaroaren 13an - 11:43
Andra Marin amaitu zen manifestazioa. / Arg: Tosu Betirako

Ehunka lagun elkartu ziren larunbatean Ibarbengoako Parkingaren aurka Tosu Betirako asanbladak deitutako manifestazioan. Aurreko manifestazioekin alderatuta jende kopurua ez bada ere asko handitu, “jende ezberdinak” eta aurrekoan baina getxotar gehiagok parte hartu izana “positibotzat” jo dute antolatzaileek.

Urriaren 17an Ertzaintzak deitutako erresistentzia kanpaldia hustu ostean, urriaren 21ean berriz okupatu zuten Tosuko landa eremua. “Ez dugu mugimendu handirik nabari”, diote asanbladako kideek hondeamakinez galdetuta.

Aurreko etxola jada botata zegoen, eta beraz, berri bat eraikitzeari ekin zioten herritarrek. Etxola berria, lur pribatuan dago kokatuta, obra eremutik kanpo. Herritar batek erroldatze prozesua martxan jarri du, etxola berrian erroldatzeko. “Obra atzeratzen dugun egun bakoitzeko, gertuago dago proiektuaren suspentsioa” gaineratu dute asanbladako kideek.

Larunbatean Getxoko lau puntu ezberdinetatik zutabe bana abiatu zen: Hezetasunetik, Itzubaltzetatik, Andra Maritik eta Algortatik, zutabe guztiek Telletxeko plazan egin zuten bat. Telletxetik Andra Marira abiatu ziren ehunka herritar, eguraldi txarrari aurre eginez. Manifestazioa Andra Marin amaitu zen eta bertan egin zuten ekitaldia.

Tosu Betirako asanbladak salatu zuenez, “orain arte gobernu taldearen aldetik mespretxuak eta utzikeria baino ez dituzte jaso herritarron aldarriek, ez dute ulertzen beraien proiektu espekulatiboez nazkatuak gaudela”.


Kanal honetatik interesatuko zaizu: Tosuko borroka
Getxoko Ibarbengoako aparkalekuaren "porrota" azpimarratu du GuNe kolektiboak

Plaza bakarra okupatuta, aparkalekuak dituen 304etatik. Horrela deskribatu du GuNe kolektiboak Getxoko Andra Mari auzoko Tosu landa eremuan eraiki duten Ibarbengoako metro-geltokiaren ondoko aparkalekuaren egoera, "irailaren 2an, lanorduetan". Idatzi ironiko batean,... [+]


Getxoko Ibarbengoako aparkalekua bezalako "makroproiektuei" aurre egiteko borrokan segituko dutela iragarri dute

Hiru urteko obren ondoren, ekainaren 15ean inauguratu zen Getxoko Ibarbengoako aparkalekura bizikleta-martxa egin zuten 60 pertsona inguruk, GuNe kolektiboak deituta. Protestaldi horretan, kotxeari begirako planak ez diren alternatibak egon badaudela aldarrikatu gura izan zuten,... [+]


"Tosuren Itxialdi Jaia" egingo dute zapatuan Txorimalo gaztetxean

Getxoko Tosu landa defendatzeko urteetako borrokari behin betiko amaiera emateko, egindakoak gogoratzeko eta horretan parte hartu zutenei "eskerrak" emateko jaia egingo dute zapatuan.


2019-08-13 | Topatu.eus
Tosuko borroka gogoratu dute Algortan

Zortzi urtetako borroka omentzeko ekitaldia antolatu zuten igandean Algortako Portu Zaharrean. 2011an okupatu zuten lehen aldiz Tosuko landa. Geroztik, ibilbide luzea egin dute ekologistek.


2018-09-04 | Hiruka .eus
"Tosutik Uribe kostara" jardunaldiek eskualdera zabalduko dute hirigintzaren eztabaida

Tosu Betirako Asanbladak irailaren 10etik 22ra egingo den "Tosutik Uribe Kostara" ekimena iragarri du. "Herrien etorkizuna gutxi batzuek, herritarren iritzia kontuan hartu gabe" planifikatzen dutela salatu gura dute. Erandio eta Gorliz arteko martxa eginez... [+]


Eguneraketa berriak daude