Titiriteroen atxiloketak kriminalizazioaren aurkako mobilizazioak piztu ditu

Zuzeneko jarraipena
  • Madrilen ihauterietan titiriteroak atxilotu izanak, estatu mailan mobilizazio ugari eragin ditu. Euskal Herrian ere antolatu dira adierazpen askatasunaren aldeko deialdiak.

'Titiriteros desde abajo' elkarteko bi kideak.
Titiriteroak kartzelaratu zituzten epailea eta fiskalaren kontra kereila abiatu dute

Auzitegi Nazionaleko epaile Ismael Moreno eta Carmen Monfort fiskalaren kontrako kereila jarri dute Auzitegi Gorenean Contrapoder alderdiaren izenean, Eldiario.es atariak jakinarazi duenez. Prebarikazio delitua leporatzen diete eta "erresoluzio esperpentiko bat" egitea.

 

Estatu mailan kontzentrazio ugari

Sarean zabaldu duten mapa honetan ikus daitezke estatu mailan antolatzen ari diren kontzentrazioak. Bilbo eta Donostiakoak ez daude sartuta.

 

Gasteizen larunbatean kontzentrazioa

Kontzentrazioa deitu dute Gasteizen ere titiriteroekin elkartasunez. Correos Plazan izango da 19:00etan.

Bilbon kontzentrazioa "Kultura ez da delitua" lelopean

'Kultura ez da delitua' lelopean ostiralerako kontzentrazioa deitu dute 19:30ean Plaza Bibiribilean. Uriola.info-n jaso dutenez, Bilboko hainbat eragilek 'Asanblada express' bat egin zuten Zirika Erronda kaleko Kultur Gunean. Bilboko hainbat sortzaile elkartu ziren elkarte ezberdinekin batera, ostiralean egingo den kontzentrazioaren deia zehaztuz.

Donostian elkarretaratzea ostiralean

Auziperaturiko bi titiriteroen kargu gabeko askatasuna eskatzeko eta adierazpen askatasuna aldarrikatzeko elkarretaratzea antolatu du Donostian herritar talde batek. Ostiralean izango da, otsailak 12, 19:00etan Boulebardean. Leloa:  "Guztiok gara titiriteroak. Adierazpen askatasuna. Egin barre botereari. Gora txuleta eta pandereta!"

Adierazi dutenez, elkarretaratzea bukatzeko txontxongilo ikuskizuna egonen da.

 

Madrilgo titiriteroak askatu dituzte, baina

Espainiako Auzitegi Nazionaleko Ismael Moreno epaileak “alde egiteko arriskua”, eta “delitua errepikatzearen arriskua” txikiagotu dela argudiatu du. Informazio gehiago albiste honetan.

Iruñean elkartasun kontzentrazioa larunbaterako

Larunbatean kontzentrazioa deitu dute Iruñean, Madrilgo titiriteroen atxiloketa salatzeko. Adierazpen askatasuna aldarrikatuko dute, Ahotsa.info-n irakur daitekeenez. 13:00etan izango da Udaletxe Plazan.

 


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude