Parisko karrikek sutan diraute poliziek Theo L. bortxatu eta astebetera

  • Paris metropolitanoa biltzen duen Ile-de-Franceko hirietan jarraitzen dute iskanbilek ilunabarrero, lau poliziak kaleko kontrol batean Theo L. gaztea borraz bortxatu zutela zabaldu ostean. Berriro 2015eko liskarrak errepikatuko diren beldur dira asko, zenbait soziologok azpimarratu du oraingo protestek "matxinada politiko" baten osagaiak dauzkatela eta Front Nationaleko buruzagiek errepresioa gogortzeko eskatu diote gobernuari liskarrak gehiago indartu baino lehen.

Pello Zubiria Kamino @pellozubiria
2017ko otsailak 14
Gazteak larunbatean, otsailak 11, Bobignyko auzitegiari erasotzen manifestazioaren amaieran. (Argazkia: Yann Foreix)

Bart gauean, otsailaren 13tik 14 artekoan, istiluak izan dira Seine-Saint-Denis, Yvelines eta Hauts-de-Seine departamenduetako zenbait hiritan, poliziak gutxienik 25 gazte atxilotu ditu. Aurretik beste asko arrestatu dituzte, berriro entzuten hasi diren Paris inguruko hiri-auzune handietan: Clichy-sur-Seine, Bondy, Bobigny, Seine-Saint-Denis... Joan den larunbatean Bobignyn Justizia Auzitegiaren aitzinean hasitako manifestazioa handia izan zen eta haren osteko borrokak ere bai, zenbait txikizio barne.

 

Manifestazioak eta ondoren polizia eta gazteen arteko borrokak ez dira itzali otsailaren 2an lau poliziek kaleko kontrol ohiko batean Theo L. borraz bortxatu zutenetik. Irudi haiek sututako haserrea ez da oraino baretu, ezta Theo L. berak François Hollande presidentearen bisitan bakea eskatuagatik ere. "Berriro 2005ekoak bezalako istilu larriak ikustera ote goaz?", entzuten da galdetzen batetik eta bestetik. 

Europe-1 kateak galdezkaturik, Sylvie Tissot soziologo eta irakasleak berretsi dio 2015eko gertakizunekiko antzekotasuna. Orduan bi gazte transformadore elektriko batean harrapaturik hil ziren poliziek lagundu gabe, eta geroztik herritar beltz edo magrebiar koloreko askok jasan dituzte polizien gehiegikeriak.

"Baina gaur egoera ezberdina da. Ez da gazterik hil, eta polizien bortizkerien inguruan mugimendu politiko bat eraikitzen ikusten dugu. 'Matxinada politikoa' dela esan dezakegu. (...) Polizien bortizkeriok estrukturalak dira, lotuta daude bai poliziaren lan egiteko moduekin eta baita banlieu auzuneetako gazteen irudiarekin. Ezin dugu esan gazteen mugimenduok kontrolik gabeak direnik, horrek mobilizazio irrazionalak oroitarazten baititu, jende multzoek zentzurik gabe haserre hutsez egindakoak. Ez da hori oraingo kasua, gaur mobilizatzen diren gazteek hein batean adorea eta arrazionalitatea erakusten dutelako. Kolektibo eta elkarte asko bildu dira protestetara, loturak ari dira sortzen alderdi eta egitura politiko tradizionalagoekin".

 

Oso bestelako analisia egin du Frantzian agintea hartzeko aukera handiak dituen Front Nationalak "Egin dezagun zerbait istiluak Ile-de-France osoan zabaldu baino lehen": "Bobignyn ikusi dugu espektakulu lotsagarria, jendilajea (racaille) eraikin publikoak hondatzen, azpiegitura kolektiboak, besteren kotxeak erretzen, ia neska txiki bat bizirik erretzeko puntura iristen. (...) Gure babes guztia, dudarik gabe, polizientzako, egunero egin behar baitiete aurre alde batetik jendilajearen ekintzei eta bestetik auzitegien utzikeria kulpadunari, denek aspalditik ezagutzen dituzten gaizkileak behin eta berriro kalean utziz".

Kanal hauetan artxibatua: Frantzia  |  Frantziako polizia

Frantzia kanaletik interesatuko zaizu...
2017-08-11 | Xalba Ramirez
Zuhaitz Errasti presoaren hurbilketa eskaera onartu du Frantziako epaile batek

Euskal Herritik 750 kilometrora dagoen Tarascon-go kartzelatik, Mont-de-Marsango kartzelara hurbildu dute Zuhaitz Errasti presoa. Administrazio epaitegi batek euskal preso baten hurbilketa eskaera onartzen duen lehen aldia da.


Gurseko kontzentrazio esparruko 500 nafarrei omenaldia eginen die Nafarroako Gobernuak

Exekutiboa hildakoen 40 familiarekin harremanetan jarri bada ere, gehiagorekin kontaktua lortzea du xede. Irailaren 30ean izanen da omenaldi instituzionala, egia, justizia eta erreparazioa lortzeko.


2017-08-01 | Moha Gerehou
Eskuin muturraren gorakadaren aurrean geratzen zaiguna

"Gerrarte" sasoian, Frantziako Estatuko hauteskundeen lehenengo eta bigarren itzuliaren artean alegia, fenomeno interesgarri baten lekuko izan ginen, garbi islatzen duena Europan eskuin muturrak bizi duen egoera eta horren aurrean gainerako indar politikoek duten papera, bereziki ezkerrak.


2017-07-27 | Unai Brea
2040tik gasolina eta gasolio bidezko autoak debekatuko dituela dio Erresuma Batuak

Erresuma Batuko Gobernuak iragarri du 2040tik aurrera galarazi egingo dituela gasolinazko motorrekin edo dieselarekin dabiltzan auto berriak. “Ezin dugu gasolina eta gasolio bidezko autoekin jarraitu, batetik osasun arazoak sortzen dituztelako, bestetik klima aldaketa azkartzen dutelako”, esan du Michael Gove Ingurumen ministroak.


"Azken mohikanoen sindromea kausitzen dut hainbat abertzalerengan"

Baionan sortu zen 1973an, baigorriar familia batean. Alabaina, Donibane Lohizunen hazi eta hezi da tipitatik. Herri Berri taldeko hautetsia da bere herrian. EH Baiko hautagaia izan da azken bi hauteskunde legegileetan, VI. barrutian. Historialaria da. Elkar argitaletxeko editore lanetan ari den politikaria: “Historialariaren eta politikarien funtzioak ez dira erraz uztartzen, politikak anitzetan erabiltzen du historia, eta ez honen mesederako preseski” erran digu.


2017-07-16 | Jakes Bortairu
Monarkia errepublikanoa

Sorpresaz beteriko frantses ziklo elektoralak aspaldiko panorama instituzionala hankaz gora utzi du. Hauteskunde presidentzialen ondoren, Macron-zaletasun uhin azkarra altxatu da. Komunikazio plangintza eraginkorra garatu du presidente berriak, Frantziaren “handitasuna” eta bere autoritatea islatzen ahal zituzten ekintzak hautatuz. Hilabete batez hedabide handiek haren deklarazio, keinu eta ekimen guztiak laudatu dituzte, Emmanuel Macronen gaztetasuna, berritasuna eta ausardia... [+]


2017-07-11 | Xalba Ramirez
Frantziak 17 erreaktore nuklear itxi nahi ditu 2025 baino lehen

Nicolas Hulot Frantziako Ekologia ministroak iragarri du hamazazpi erreaktore nuklear itxiko dituztela 2025 baino lehen. Aurkeztu duen bost urterako klima planaren barruan aurreikusten da neurria.


Parisen izandako bakegile taldea, egindako bilerekin baikor

Bake prozesuaren berri eman eta euskal presoen aferan urratsak ematea izan du helburu Parisera joandako euskal ordezkaritzak, eta izandako zortzi bilkuren balorazio "baikorra" egin du.


"Inork ez zuela idazten esaten zigun Andimak, eta idazten hasi nintzen"

Hainbat liburu idatzia da 85 urte beteak dituen idazle paristar zuberotarra. Baionan bizi da, lasai, idazten, Andima Ibiñagabeitiak iragan mendearen erdi aldera emandako agindua betez oraindik: “Idatzi, idatzi!”.


2017-07-05 | ARGIA
"Eta orain presoak" izango da abenduaren 9an Parisen egingo den manifestazioko leloa

Abenduaren 9an Parisen Bakearen Artisauek antolatuko duten manifestazioko leloa aurreratu dute: Eta orain presoak. "Milaka herritar Parisen biltzea ezinbestekoa da; gaurdanik data gorde zure agendan", adierazi dute.


Azkenak
EGILEA
Eguneraketa berriak daude