The New York Times egunkaria, marihuana legeztatzearen alde
“Alkohola marihuana baino kaltegarriagoa da osasunerako”. Premisa horretatik abiatuta The New York Times egunkaria AEBetan marihuana legalizatzearen alde agertu da, pasa den igandean argitaratutako editorialean.
Marihuanak osasunean, gizartean, auzi legaletan eta ordena publikoan duen eragina ez dela esanguratsua dio egunkari estatubatuarrak. Editorialaren arabera, marihuana debekatzeak “kostu sozial oso handiak ditu, ematen dituen abantaila eskasekin konparatuta”.
Marihuanak eragiten duen menpekotasuna ez dela larria defendatzen du The New York Timesek, alkohola, tabakoa edota beste drogek eragiten dutenarekin konparatuta. Beraz, egunkariko buruek argi dute, marihuana legalizatu beharko litzateke.
AEBetako estatuen %75ean marihuanaren kontsumoa legezkoa dela nabarmendu dute, bai orokorrean, bai medikuntzako erabileretan. Egunkariak proposatu du marihuanaren erabilerari eta baimenei buruzko erabakiak estatu mailan hartzea. Dena den, salmenta 21 urtetik gorakoentzat mantentzea defendatu du.
Ondoko grafikoan ikusi daiteke marihuanaren status legala AEBetako estatu bakoitzean
Kanadako Columbia Britaniar probintziak programa pilotu berri bat hasi du, kokaina eta heroina bezalako droga gogorren jabetza despenalizatzen duena kopuru txikitan. Kanadako gobernu federalak mendebaldeko kostaldeko probintziaren eskaera onartu ostean, hiru urte iraungo duen... [+]
Martxoaren 10ean, kalamuaren kontsumoa legeztatzeko lege ekimena onartu zuen Mexikoko Kongresuko Behe Ganberak, eta ondoren Senatuak. Hala, Uruguai eta Kanadaren atzetik, aisialdirako erabili ahal izango dute kalamua Mexikon, baina legalizazioa bermatu gabe. Narkotrafikoak... [+]
Asteazkenean Vienan egindako bozketan, Nazio Batuen Erakundeak kalamuaren ezaugarri medizinalak onartu ditu, El Salton jaso dutenez.