Parisko atentatua, "terrorismoaren kontrako gerra" berrirako aitzakia?

  • Frantziak goi bilera deitu du iganderako "terrorismoaren kontra". Bertan izango dira Europar Batasuneko eta Estatu Batuetako ordezkariak.


2015eko urtarrilaren 09an - 09:22
Azken eguneraketa: 2015-02-26 13:37:33
Jean-Claude Juncker Europar Batzordeko presidentea. (Argazkia: www.eldiario.es)

Charlie Hebdo aldizkariaren aurkako erasoaren ondoren iragarri du goi bilera egiteko erabakia Frantziako Bernard Cazeneuve Barne ministroak, El País egunkariak argitaratu duenez.

Bileran izango da, besteak beste, Jorge Fernández Díaz Espainiako Barne ministroa. Baita, Europar Batasuneko koordinatzaile antiterrorista eta Europako Barne komisarioa ere.

“Europak erantzun egin behar du Charlie Hebdoren aurkako erasoaren aurrean. Gure bizi ereduaren kontrako erasoa ere bada”, esan du Jean-Claude Juncker Europar Batzordeko presidenteak.

Estrategia berria

Junckerrek aurreratu du “terrorismoaren” aurkako estrategia berri batean lanean ari direla. Abenduan iraungi zen orain arte indarrean zegoena.

Europar Batzordeko buruak esan du herrialdeen arteko mugetan kontrol handiagoa ezarri dezaketela hurrengo hilabeteetan. Europar Batzordea eta Europar Batasuneko herrialdeak segurtasuna nola bermatu ikertzen ari dira.

Europar Batasunaren barruan libre mugitzeko askatasuna bermatu nahi dutela esan du Batzordeko buruak, bertako herritarrei sistematikoki kontrolik egin gabe. Hala ere, bidaiaria "arriskutsutzat" hartzen den kasuetan nortasun agiria eskatu ahal izango da datu polizialekin alderatzeko.


Kanal honetatik interesatuko zaizu: Charlie Hebdo atentatua
2020-09-03 | Mikel Eizagirre
Charlie Hebdoren aurkako atentatuaren epaiketa hasi da

Bost urteko ikerketaren ostean, Parisko Epaitegi Judizialak ustez erasoan lagundu zuten hamalau lagun epaituko ditu. Bien bitartean, adierazpen askatasunaren inguruko eztabaida berpiztu da Frantziako Estatuan.


2020-03-31 | ARGIA
"Charlie Hebdo"-ren aurkako atentatuaren epaiketa udazkenera atzeratu dute

Maiatzaren 4an hasi eta uztailaren 10era bitarte egitekoa zen. Epaitegiko lehen auzialdiko presidenteak adierazi du ez dagoela baldintza egokirik horretarako, osasun krisia dela-eta.


Atenasko porrotetik Parisko sarraskietara, garai konplikatuak Europako ezkerrentzat

Ezkerraren itxaropen zaharberrituekin ekin urte berriari eta alde guztietako kontserbadore eta inmobilistek aldarrikatutako Zibilizazioen Talkaren edizio odoltsuekin burutu, horra zein izan den 2015 honen patua. Disney World edo Port Aventurako txirrista erraldoietako batean... [+]


2016-03-06 | Sustrai Colina
Alfonso Zapico, komikilaria
"Bigarren eskuko arropa bezalakoa naiz"

Hitza eta marrazkia. Marrazkia eta hitza. Hitzak marraztu eta marrazkiak esan. Ahotik lapitza atera eta mingaina eskuan hartu. “Santa Barbara bendita, tralaralaralaralai...”.


Dena ez da Charlie: prekarietateak ere hiltzen ditu komikiak Frantzian

500 komikigilek manifestazioa egin dute Anguleman euren erretreta osagarriaren kotizazioa neurtzerakoan egin azken aldaketez kexu.


Eguneraketa berriak daude