Michael Sheehan-ek, AEBetako Operazio Berezietarako Defentsaren alboko idazkariak, Zerbitzu Armatuen Batzordeari adierazi dionez, Pentagonoak ez dauka duela 12 urte hasitako atzerriko borroka bertan behera uzteko asmorik.
Pentagonoko funtzionarioaren arabera, Al Qaedaren kontrako misioak beste bi hamarkada iraungo lituzke.
RT webgunearen arabera, “Terrorismoaren kontrako gerrak" zenbat iraun dezakeen galdetu zioten Sheehani eta hark erantzun: “Gutxienez 10-20 urte gehiago”. Amerikako Estatu Batuetako presidente Barack Obamak esandakoaren arabera, Afganistango azkeneko tropak 2014an aterako dira.
“Terrorismoaren edo terrorearen kontrako gerra” Bushen lehenengo administrazioak hasi zuen Irailaren 11ko gertaeraren ondoren. 13 urte igarota, hainbat senatarik AUMF kritikatu dute, alegia, indar militarra erabiltzeko baimena ematen duen ebazpena. Horren arabera, presidenteak baimena dauka nazioen, organizazioen eta pertsonen kontra indarra erabiltzeko, uste badu nazioarteko terrorismoarekin nolabaiteko zerikusia dutela. Erresoluzioa ontzat hartzen ez dutenen ustez, AUMF ebazpena gero eta handiagoa den gerra justifikatzeko erabiltzen ari dira.