"Tafalla oso herri solidarioa da eta epaiketa honen bitartez hori galarazi nahi dute"

  • Gorka Labat, Oier Araiz eta Fernando Sota Espainiako Auzitegi Nazionalean epaituko dituzte asteazkenean. Iazko udan Tafallako festetan presoen alde egindako ohiko brindisean parte hartzeagatik epaituko ditu Angela Murillok. Bi urteko kartzela zigorra, hiru urteko zaintzapeko askatasuna, bederatzi urteko inhabilitazioa eta 4.800 euroko isuna eskatu ditu fiskaltzak. Araizek erantzun dizkigu galderak.

Lukas Barandiaran San Roman
2017ko martxoaren 03a
Ezkerretik eskuinera: Gorka Labat, Fernando Sota eta Oier Araiz

Zer leporatzen dizuete?

Terrorismoa goraipatzea egozten digute. Jaietan urtero egiten dugu presoen aldeko brindisa. Ihaz Guardia Zibila agertu zen, argazki batzuk egin, txostena idatzi eta epaileari bidali zioten. Urriaren 24an deklaratu genuen Tafallan bideokonferentzia bitartez, ez genuen Madrilera jaitsi behar izan. Deklarazio horretan epaileak erabaki zuen delitu zantzuak egon zitezkeela eta epea ireki zuen fiskaltzak salaketa mahai gainean jartzeko. Fiskalak salaketa jarri zuen, eta herenegun deitu gintuzten esateko epaiketa martxoaren zortzian izango dela.

Epaiketaren salbuespen egoera salatu duzue.

Ikusarazi nahi genuen auzia ez dela gure kontrakoa, pertsona bezala, baizik eta Tafallan ezarri duten salbuespen egoeraren testuinguruan ulertzen dugula. Azken urteetan, behin eta berriro, iskanbila sortu dute brindisaren harira. Tafalla beti izan da oso herri solidarioa, eta ez soilik presoekin, eremu guztietan baizik. Hori galarazi nahi dute kartzela zigorren bitartez. Herriarekiko jazarpen eta eraso bezala ulertzen dugu.

Urtero egiten da brindisa jaietan. Zergatik epaituko zaituzte orain?

Egiten dugun irakurketa da ez zaiela gustatzen urtero ekitaldia egiten jarraitzea nahiz eta haien erasoak jaso. Aurten “honaino” esan dute, eta muturreraino eramaten saiatuko dira. Urtero saiatzen dira brindisa zapuzten, beldurra sortuz eta jendea auzipetzen, baina ez dutenez lortu elkartasun oihu hori isilarazten, aurten ahal duten guztiarekin etorri dira.

Zer asmo duzue egoera salatzeko?

Plan bat genuen pentsatuta, uste baikenuen epaiketa bi edo hiru hilabete barru izango zela. Baina azkenean astebete daukagu epaiketa prestatu eta herrian mobilizazioak antolatzeko. Gure apustua igandean egingo dugun manifestazioa izango da, Tafallako plazan bilduko gara 13:00etan. Sare sozialetan eta prentsan ere salatu nahi dugu gertatzen ari zaiguna, baina lau egun ditugu soilik. Epaiketaren ostean ikusiko dugu zer ondorio ekarri dezakeen, irakurketa egin eta behar duen erantzuna emango diogu.

Kanal hauetan artxibatua: Epaiketak  |  Euskal preso politikoak  |  Tafalla

Epaiketak kanaletik interesatuko zaizu...
2018-06-22 | Guaixe .eus
"Auziak sortu duen harriduraren isla: funtzionario eta guardia zibil batzuek ere elkartasuna adierazi didate"

Altsasuko auziagatik kartzelan behin-behinean preso 19 hilabete darama Jokin Unamuno Goikoetxeak. Estremerako espetxetik erantzun du Guaixe astekariak bidalitako galdetegia. Epaia jakin berritan, baina fiskaltzaren helegitearen eta Iruñeko manifestazioaren berri ez zituela.


Fauna publikoa
Erregimenaren tenperatura

Kaleko mobilizazioak zerbaiten termometro badira, UPNren tenperaturak baxu xamar egon behar du, berri txarrak jasotzen ari baita azkenaldian: asteburuan milaka lagun elkartu dira Iruñean Altsasuko gazteen aurkako sententzia arbuiatzeko eta muntaia polizial-mediatiko-judiziala salatzeko. Beste sententzia batek, 2016ko Sanferminetako talde bortxaketaren kasukoak, milaka lagun atera zituen Iruñeko kaleetara aurtengo apirilean eta haserrea metropoli foraletik askoz harago sumatu zen.


Har ditzagun kaleak, injustizia hau gelditzeko

2 eta 13 urte arteko espetxe zigorrak, herriaren okupazioa, espetxeratzeak, isunak… hori da Altsasun egun hauetan ikusitakoa. “Kalteak, desordena publikoa eta mehatxuak” eta “agintearen aurkako atentatu” delituak leporatu dizkie Espainiako Auzitegi Nazionalak Altsasuko zortzi gazteei. “Nagusitasun abusu eta gorroto” larrigarriak ezarri dizkiete, gertakariak “arrazoi ideologikoengatik eta Guardia Zibilarenganako gorrotoagatik” eman zirela... [+]


Tortura salaketak ez ikertzeagatik ezaguna den Grande Marlaska epailea, Espainiako Barne ministro

Giza Eskubideen Europako Auzitegiak (GEEA) bederatzi aldiz kondenatu du Espainia torturak ez ikertzeagatik eta horietako seitan Grande Marlaska zen epaile instruktorea.


2018-06-01 | ARGIA
Bina urteko kartzela zigorra ezarri diete Iru˝eko istiluengatik auzipetutako lau gazteei

2017ko martxoaren 11n Iruñean Errepresioari Autodefentsa dinamikak deitutako manifestazioaren ostean gertatutako istiluetan parte hartzea leporatzen zaie. Maiatzaren 21 eta 23an egin zen epaiketa, eta gaur egin da publiko sententzia.


2018-05-23 | ARGIA
Terrorismoa egotzita, zazpina urteko espetxealdi eskaera berretsi du Fiskaltzak Iru˝eko istiluengatik

Iruñeko istiluen harira auzipetuta dauden Errenteriako eta Beasaingo lau gazteentzat zazpina urteko espetxe-zigorra mantendu du Fiskaltzak. “Ez zen iskanbila hutsa izan, izua sortzeko helburu terrorista zuten ekintza aurrez planifikatuak izan ziren”, adierazi du. Lauen absoluzioa eskatu dute defentsek.


2018-05-21 | Ahotsa.info
Elkartasuna eta babesa astelehenetik aurrera epaituko dituzten Oreretako gazteei

Nabarreria plazan egindako kontzentrazio batekin, astelehen honetatik aurrera Iruñean Errepresioari Autodefentsa ekimenak deituriko manifestazioan izandako istiluetan atxilotu zituzten Oreretako gazteei elkartasuna eta babesa erakutsi nahi izan zioten "Iruñeako 4 Gazteak" ekimenetik.


2018-05-18 | ARGIA
Astelehenean hasiko da Oreretako eta Beasaingo gazteen aurkako epaiketa

Iazko martxoan atxilotu zituzten Iruñean izandako liskar batzuen harira. “Desordena publiko terroristak” egotzi diete Oreretako hiru laguni eta Beasaingo bati. Espainiako Auzitegi Nazionalean izango da epaiketa, eta fiskalak zazpina urteko espetxe zigorra eskatu du guztientzat.


Agus Rodriguez, barrako barrikadatik
"Metroa, AHTren geltokia... Donostia zer izango da, Montecarlo bat?"

Inoiz joan bazara Donostiako Alde Zaharreko Rekalde tabernara, seguru barraren atzean ikusiko zenuela Agus Rodriguez, irribarrez, batekin edo bestearekin hizketan. Nor da, ordea? Bere hitzetan: “45 urteko gazte bat, euskaldun berri zaharra, donostiarra, semea, aita, anaia, lankidea, batzuetan nagusia, eta militantea”. Tabernaren azken urtearen atarian hitz egin dugu berarekin.


2018-04-18 | Axier Lopez
Altsasuko auzia
Guardia Zibil baten emaztearen bertsioa gezurtatzen duen argazkia

Altsasuko gazteen aurkako epaiketan, asteartean Guardia Zibileko teniente baten emazteak –Maria Jose izenekoa–, behin baino gehiagotan adierazi zuen auzipetuetako bat, Adur Ramírez de Alda, kamiseta gorriz jantzita zegoela erasoak gertatu ziren gauean. Altsasuko gazteen gurasoek igorri duten argazki honetan argi ikusten da hori ez dela egia.


Azkenak
EGILEA
Eguneraketa berriak daude