Orain artean ia 3.000 hektarea erre dira. Puiutik Añorbera doan frontea kontrolpean dute, eta Artaxoara doan su ilaran ari dira lanean hegazkinak.
Ostegun eguerdian zigarro baten hondakinek piztutako sutea “egonkortzen” ari dela jakinarazi du Nafarroako Gobernuak. Horretarako, suhiltzaileen 18 talde aritu dira lanean gauean, eta aireko laguntza gehitu zaie 8:30ak aldera: hiru hegazkin, hiru abioneta eta bi ur hegazkin abiatu dira. Egunaren lehen orduetarako haize gutxi dago iragarrita, eta horrek lana erraztu dezake.
Seina kilometroko bi fronte ditu suteak. Eskuinekoa, Puiutik Añorbera doana, kontrolpean dutela jakinarazi du Nafarroako Gobernuak. Orain, Artaxoara doana ezkerreko frontea kontrolatu nahian dabiltza hegazkinak, eremua bustiz.
Guztira ia 3.000 hektarea erre dira orain artean, baina Nafarroako Gobernuak kalteak jasan dituen eremua txikiagoa izatea espero du. Hiru hamarkadetan lur eremu zabalena kiskaldu duen sutea da hau, edo bestela esanda, ohiko urte batean uda osoan kiskaltzen den lur eremua erre da egun bakarrean. Herritarrei eskatu die kontuz ibiltzeko, sute gehiago piztu ez daitezen. Hirigunetik urrun zegoen etxe bat erre da Artaxoan, baina sutearen ondorioz ez da inor zauritu.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]