Taberna batzuek ijitoei sarrera debekatzen dietela-eta, neurriak iragarri ditu Iruñeko Udalak

  • Ijito izateagatik Iruñeko taberna batzuetan sarrera debekatzen dietela salatu dute herritar batzuek eta salaketekin bat egin dute Udaleko talde guztiek: “Diskriminazio eta arrazakeria bolada” honi aurre egiteko, zigorrak, kontrol neurriak eta salaketa errazteko tresnak jarriko dituzte martxan.

Mikel Garcia Idiakez @mikelgi
2018ko otsailaren 14a

Udalak adierazi du zigortu egingo dituela jaiotze, arraza, sexu, erlijio, iritzi edo bestelako baldintza pertsonal edo sozialengatik sarrera debekatzen duten tabernak. Aho batez onartu duten testuak dio biktimei eragindako kalteei erantzuteko neurriak hartzera eta berriz gerta ez dadin kontrol mekanismoak jartzera konprometitzen direla, adibidez salaketarako bideak erraztuz, “inpunitate eremurik gera ez dadin”.

Nafarroako establezimenduetako sarrera-irizpideak arautzen dituen 33/2011 Foru Dekretua berrikusteko erabakia ere hartu dute.

“Diskriminazioetatik aske den hirian bizi nahi dugu”

Nafarroako Sos Arrazakeriatik eta Gaz Kaló ijitoen elkartetik jakinarazi dutenez, urtetako arazoa da, baina azken boladan kasuak ugaritu egin dira: “Egoera hauek pertsonen duintasunari kalte egiteaz gain, arrazakeria eta xenofobia sustatzen dute. Diskriminazioetatik aske den hiri batean bizi nahi dugu, inpunitate eremuetatik aske, denok, berdintasunean, eskubide eta zerbitzuetarako sarbidea bermatua izango dugun hirian, gure aniztasuna aintzat hartua eta baloratua izango den hirian”.

Kanal hauetan artxibatua: Arrazakeria  |  Ijito herria  |  Iruñea

Arrazakeria kanaletik interesatuko zaizu...
2018-05-22 | Amaia Lekunberri
Adin txikiko migratuen babesgabetasuna diskurtso arrazisten abiapuntu

Astelehenean publiko egin duen “Bakarretan bakarrak” txostenaren bitartez adineko inoren laguntza barik migratzea erabakitzen duten adin txikikoen egoeraren berri eman du  Save The Children-ek. “Europar ametsa” bilatu asmoz, zeharo zaurgarri egiten dituen babesgabetasun egoeran ekiten diote hainbat eta hainbat adin txikikok sarri urteak irauten dituen baldintza gogorreko ibilbideari.


Kolore bizia, faxismoa ezkutatzeko?

Gauza batek arreta deitu dit ETBk gazteentzako saio batean egin duen Negu Gorriaken Kolore bizia kantaren bertsioan: abestiaren letra zikiratu dutela, Lucrecia Pérez eta haren hiltzaileak aipatzen dituena, hain zuzen.


"Amets erradikal bat dut"

Washington (AEB), 1963ko abuztuaren 28a. Martin Luther Kingek Amets bat dut hitzaldi ezaguna bota zuen. Hitzaldi horretan oinarritzen da edo, hobe esanda, hitzaldi horretara mugatzen dute gehienek hark utzitako ondarea.


Bilboko kale-saltzaileak
"Proiektu sendoa daukagu, ongi ari gara, eta zergatik eskatzen digute bete ezin duguna?"

Baldintza guztiak bete dituzu herritar legal bihurtzeko (kontzeptua bera gogorra da), autonomo gisa kotizatzen zabiltza kale-saltzaile, eta bat-batean administrazioak esaten dizu irabazi dezakezuna baino gehiago kotizatzen ez baduzu, berriz ere paperik gabe utziko zaituela, berriz ere poliziaren aurrean ihes egitera kondenatuko, Afrikara itzularaziko. Horixe egin berri dute Senegaletik migratu zuten kale-saltzaileekin. Bilbon bizi diren horietako hirurekin hitz egin dugu.


2018-04-04 | ARGIA
Arrazakeriaren kontrako mezuak jarri dituzte ume beltz batek erasoa jasan zuen Bilboko parkean

Sarean asko zabaldu da Bilboko parke batean gertatutako eraso arrazistaren bideoa. Gertaera horren aurkako mezuak jarri dituzte erasoa gertatu zen parkean.


2018-03-21 | ARGIA
Manteroak eta etxeetako langileak protagonista, Arrazakeriaren Kontrako Egunean

Etxebizitza, osasuna eta lana bezalako eskubide funtsezkoetan eta eguneroko beste makina bat errealitatetan herritar askok bizi duten arrazakeria eta xenofobia salatuko dute egun hauetan Euskal Herrian, martxoaren 21 Arrazagatiko Diskriminazioaren Aurkako Nazioarteko Eguna dela-eta.


2018-03-21 | Miren Osa Galdona
'Delinkuentzia kanpora' taldeko kide bat zigortu dute SOS Arrazakeria mehatxatzeagatik

Delinkuentzia Kanpora taldeko kide bat zigortu du Bilboko Epaitegiak Facebook bidez Federico Garcia Arabako SOS Arrazakeria taldeko burua mehatxatzeagtik. 150 euro ordaindu beharko ditu.


Tristezia eta haserrea Madrilgo Lavapiés auzoan Mame Mbaye kale saltzailearen heriotzagatik

Mantero eta Lateroen Sindikatuak kontzentrazioa deitu du ostiralerako Mame Mbayeren omenez, Madrilgo erdigunean ostegunean hil zen. Deialdiak hainbat hiritan oihartzuna izango du, eta Euskal Herrian, Iruñean kontzentrazioa deitu dute 18:00etan Navarreria plazan.


2018-03-15 | ARGIA
Marielle Franco feminista eta giza eskubideen aldeko ekintzailea hil dute Rio de Janeiron

Asteazken gauean Brasilgo Rio de Jaineiroko erdigunetik auto batean zihoala, tiroz hil dute Marielle Franco, hiri hartako zinegotzia eta giza eskubideen aldeko ekintzailea.


2018-03-11
Nicole Lougarot. So kritikoa maskaradei
"Gaizki uzten nau maskaradetan buhameak nola agertzen diren ikusteak"

Berez gustuko baditu ere, maskaradei buruzko ikuspegi kritiko bat plazaratzen dabil zuberotar antropologoa. Buhameei buruzko arrazismoa antzemanik, maskaradetako diskurtsoa aldatzeko deia egin du: “Maskaradak betiere maskaradak ditukezu hori aldatuz gero ere”. Tradizioaren karga eta Euskal Herriko buhameen historiaren inorantzia dira batez ere aldaketarako oztopo. Haren ekarpenak ez dira, ordea, denen gustuko.


Eguneraketa berriak daude