Fagor CNAko langileak:

"Susmoa dugu beldurra erabili nahi dutela guk onartzeko enpresaren dimentsioa txikitzea"

  • 12:00etan dute hitzordua bihar, eguena, Fagor CNAko langileen ordezkariek CNA Taldeko zuzendaritzakoekin, negoziazioari ekiteko. “Enpresa bat ez da konpontzen murrizketekin”; hori abiapuntu, 350 lanpostuak eta enpresaren bideragarritasuna defendatzera bertaratuko dira langileen ordezkariak. Ezustekorik ezean, ez Jaurlaritzako ez Fagor Taldeko ordezkaririk ez da batzarrean izango.

Goiena @goiena
2017ko uztailaren 26a
Edesaren Garagartzako planta.

Hain justu, gaur-aurkoz, Eusko Jaurlaritzako zein Fagor Taldeko inork ez du baieztatu Edesa Industrialen etorkizuna negoziatzeko mahai horretan egongo direnik. "Jaurlaritza ahoz gonbidatu genuen mahaira, eta erantzun zuzenik ez dugu jaso, bakarrik komunikabideetan azaldu dena dakigu, esanez, ez direla egongo. Orain formalki egin diegu gonbidapena. Eta ez dugu erantzunik jaso. Hala ere, uste dugu Jaurlaritza mahai horretan egon egin beharko litzatekeela Industria politika bere gain dagoelako. Eta finantzazio bideak lortzeko, balizko proiektu berria bermatzeko, edozein proiektu babesteko, inbertsore berriak bilatzen laguntzeko…", adierazi dute LAB sindikatutik.

Fagor Taldeari dagokionez, berriz, LAB sindikatutik diote haiei ere jakinarazi dietela mahaiaren berri, eta uste dutela Fagor Taldea izanda Fagor markaren jabe, negoziazio mahaian egotea badagokiela: "Kontratuan jartzen du, gutxienez, 350 langilek lanean egon behar dutela, eta hortik behera bada, ezin dela marka erabili".

"Beldurra erabili nahi dute"

Oraingoz, baina, sindikatuen zein langileen ordezkariek bakarrik parte hartuko dute biharko batzarrean. "Gu ez goaz kaleratze batzuk negoziatzera. Jakin beharra dugu CNAk ze asmo duen, eta bere ezintasun horretan, ea proiektua bermatuko duen edo beste proiekturen bat lantzeko asmoa duen. Langileek oraindik ez dute bideragarritasun planik jaso. Era berean, jakin beharra dugu inbertsorea zein den, ze asmo duen… guretzat errazagoa da inbertsorearekin zuzenean negoziatzea, ze inbertsoren batentzat Fagor markak balio handia du merkatuan (…). Baina susmoa dugu beldurra erabili nahi dutela guk onartzeko enpresaren dimentsioa txikitzea, eta behin txantaje hori egin eta gero etortzea inbertsorea. Eta Fagor Taldeak berak onartzea alokairuak merkatu beharra… haiekin ere txantajea baliatu nahi dutela pentsatzen dugu, marka erabiltzen utz diezaieten nahiz eta enpresaren dimentsioa txikitu. Guri dagokigunez, jarraitzen dugu konbentzituta hemen produzituta, hemen komertzializatuta eta hemen merkaturatuta, negozioa bideragarria dela", diote LABetik.

Albiste hau Ubane Maderak argitaratu du Goienan eta CC-by-sa lizentziari esker ekarri dugu ARGIAra

Kanal hauetan artxibatua: Fagor  |  Industria  |  Eusko Jaurlaritza

Fagor kanaletik interesatuko zaizu...
2017-10-27 | ARGIA
Edesa industrialek hartzekodunen lehiaketa aurkeztu du, 100 milioi euroko zorrarekin

CNA Group-eko filiala den Edesa Industrialek gaur goizean aurkeztu du hartzekodunen lehiaketa Donostiako merkataritza auzitegian. Dituen zorrak 100 milioi eurotik gorakoak dira.


2017-10-24 | ARGIA
Jarraitu zuzenean berrikuntza sozialaz Emunek antolatutako jardunaldiak

Berrikuntza sozialean lanean ari diren hainbat ekimen ezagutzeko aukera izango da urriaren 25eko jardunaldietan. ARGIAk zuzeneko emisioa eskainiko du.


Zer da CNA? Edesaren zartagina eskutik duen taldea

Edesa Industrialeko langileen etorkizuna Luxenburgon finkaturik dagoen talde horren eskuetan dago. Baina ELA eta LAB sindikatuek salatu dutenez, apenas daukagu daturik konglomeratu horren inguruan.


2017-09-12 | Goiena
CNA taldeak enplegua suntsitzeko espedientea aurkeztu du

Iragarritako moduan, CNA taldearen Edesa Industrialeko zuzendaritzak gaur aurkeztu du enplegua suntsitzeko EREa, langile guztiendakoa. Ostiralean jakinarazi zen bezala, zuzendaritza Edesa Industrial eta Geyser-Gastech enpresetako ordezkariekin batu da; bilera horretan enpresako 327 langileen kaleratze prozesua aurkeztu duela jakinarazi die.


Edesako langileak: "Fagor markarekin 'pelotazo' bat egin nahi dute"

Ez dute CNAk egindako proposamena onartu, euren ustez “xantaia” egiten ari delako eta konpainia katalanak “txeke zuri bat” besterik ez duelako nahi.


Fagor-CNAk Garagartzan ekoizteari utzi eta langileak kalera botatzeko planari eutsi dio

Zuzendaritzak kaleratze gutxiago egiteko aukera azaldu du enpresa batzordearekin egindako bileran, baina aldi berean dio "gehienez" 160 lanpostu mantendu ditzakeela, hasierako proposamenean bezala.


CNAk Arrasateko planta itxi eta 200 langile kaleratu nahi ditu

Konpainiak katalanak aurkeztu du Edesa Industrialentzako bideragarritasun plana: produkzioa doitu, Garagartzako planta itxi eta langileen erdia kalera.


2017-07-20 | Goiena
"Zuzendaritzaren kudeaketa negargarriek ekarri gaituzte gauden lekura"

Edesa Industrial-eko eta Geyser Gastech-eko langileek, bizi duten egoera salatzeko, elkarretaratzea egin dute asteazkenean Arrasateko Herriko Plazan. Ez dute esperantza larregi bihar aurkeztuko dieten bideragarritasun planaren inguruan: "Gure susmoa da plan horrek murrizketa gehiago ekarriko dituela".


Industria politikari adarretatik heltzeko unea

Enpresa ezagunek itxierak eta murrizketak iragarri dituzte azkenaldian Euskal Herrian. Altzairuaren iazko krisiarekin gertatu bezala, industria sarearen ahultasuna agerian geratu da eta administrazioak darabilen politika ezbaian dago berriz.


2017-07-11 | Goiena
Mobilizazioetan hasiko dira Edesa Industrialeko langileak

Egosketa lerroko eta Basauriko produkzioak etenda, Edesa Industrialeko Garagartzako plantako langileek mobilizazioak iragarri dituzte, eguenean hasita. "Jendea urduri dago, ez da gertatzen den lehen aldia; ematen du historia bera errepikatzen dela", adierazi du Langile Batzordeak.


Azkenak
EGILEA
Eguneraketa berriak daude