Bizkaiko SOS Arrazakeria elkarteak Fiskaltzari eskatu dio Bilboko PPk banatutako liburuxka baten edukia ikertzeko, diskriminazioa eta gorrotoa bultzatzen duelakoan. Izan ere, Aurrena, Bilbokoak, etxebizitza publikoak emateko sistema justu baten alde izenburua duen dokumentuak dioenez, orain arte babes ofizialeko etxebizitzak banatzerako garaian Bilboko herritarrak diskriminatuak izan dira, atzerritarren mesedetan.
SOS Arrazakeriaren iritziz, liburuxkak "informazio faltsua" du bere baitan eta "aurreiritziak sustatzearen" arriskuaz ohartarazi du.
Bere aldetik, dokumentua sinatzen duen Cristina Ruiz PPren Bilboko bozeramaileak adierazi du salaketa "lekuz kanpo" dagoela eta "oinarri judirikorik" ez duela. Ruizen ustez gaia testuingurutik atera dute, PPren helburua "bilbotarrak informatzea" baitzen.
Pasa den astean, Antonio Basagoiti EAEko PPko buruak ildo bereko adierazpenak egin zituen osasun sistemaren inguruan. Basagoitik "etxekoek" atzerritarren gainetik lehentasuna izango luketen osasun publikoaren ereduaren alde egin zuen.
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
Tarte luze batez espazioa eraldatzen ibili ondoren, azkenik, 2021eko martxoan zabaldu zuten Borderline Fabrika; Hendaiako geltokiaren albo batean dagoen "lan egin eta topatzeko lekua". Proiektua ezagutzeko asmoz, bertako kide eta bultzatzaile den Ander Fernandezekin... [+]
GureHaizeak Donostiako Gros auzoan irekiko duten ileapaindegi komunitarioa da. Bost lagunek abiatutako proiektua da, baina kultura desberdinak elkartuko dituen eta auzoan sustraituko den proiektua izatea nahi dute.
Dorleta Mikeok esango digu elkarrekin baina nahastu gabe bizi garela, ez dagoela bizikidetzarik bertakoen eta beste jatorri batzuetatik etorritako familien artean. Mikeo eta Lola Boluda Donostiako Egia auzoan, Aitor ikastolako jolastokian, abiaburua izan zuen egitasmoa garatzen... [+]