EH Bilduko parlamentari Hasier Arraiz da Sortuko presidente izateko hautagai nagusia, alderdiaren prozesu eratzailean parte hartzen ari diren kideek hala erabakita. Logroñoko kartzelan preso dagoen Arnaldo Otegik, bestalde, bermerik handiena lortu du idazkari nagusia izateko. Kargua hutsik geratuko da.
Zerrenda berean gainontzeko karguetarako arduradunak ere proposatu dituzte, GARAk jakinarazi duenez: Juan Joxe Petrikorena komunikazio arlorako, Idoia Aiastui barne antolaketarako, Marisa Alejandro finantza gaietarako eta Maite Ubiria nazioarteko harremanetarako. Herri batzarrek larunbat honetan egingo dute bozketa, eta aipatu hautagaiak onartuak izanez gero, hilaren 23an Iruñeko Baluarten egingo duten Kongresuan izendatuko dituzte.
Proposatutako hautagai guztiek ibilbide luzea egina dute ezker abertzalearen barruan. Nazioarteko harremanetarako hautagaiak izan ezik, gainontzeko lauek (Arraizek, Aiastuik, Petrikorenak eta Alejandrok) Kontseilu Nazionaleko Idazkaritza osatuko lukete, eguneroko erabakiez arduratuko den organoa.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Azora funts putrearena da bata, eta luxuzko etxebizitza turistikoa bestea; asteburuko erreserba amaitu eta bertan geratu dira, instituzioei eskatzeko etxebizitza eskubidea bermatzea. Exijitu diete, besteak beste, alokairuaren prezioa eta etxebizitza turistikoak mugatzeko, eta... [+]
Ehunka kide bildu dira Sorturen VI. Nazio Konferentzian, larunbatean. Iragan ikasturtea "emankorra" izan dela azpimarratu dute, eta datozen urteetarako erronkak berretsi dituzte.