'Sortuko dira besteak' kantaldiak Beasainen eta Andoainen
Sortuko dira besteak kantaldia Beasaingo (Gipuzkoa) Antzizar kiroldegian eta Andoaingo Bastero kulturunean izango dira ekainaren 9an eta 15ean hurrenez-hurren. Eñaut Elorrieta, Mikel Urdangarin, Alex Sardui, Pier Paul Berzaitz, Arantxa Irazusta, Petti eta Amets Arzallus arituko dira kantuan Andoainen, eta Amets ez beste guztiak Beasainen. Besteak beste, Xabier Leteren abestiak berreskuratuko dituzte kantariek, bakarka eta taldeka. Bideoan Petti birako kontzertu batean, Haizea dator abesten.
Kontzerturako sarrerak 15 euroan daude salgai Kutxaren webgunean (www.kutxasarrerak.net) eta hainbat taberna eta dendatan. Beasaingo emanaldia 22:30ean hasiko da, eta Andoaingoa 21:30ean.
Sortuko dira besteak emanaldiari buruz GipuzkoaKulturak egindako erreportaje zabala:
Kantu eta Hitza zikloa antolatzen du urtero Iruñeko Udalak. Aurten, kontzertuak Alde Zaharreko O plaza eder eta (gaurkoan) eguzkitsuan dira. Nafarroa Garaiak egun duen ahots ahaltsuenetako baten txanda izan da honakoan: Petti. Kontzertuaren eremura hurbildu ahala ikusi... [+]
Kultura ezinbestez defendatu eta elikatu behar dugu altxorra eta bizipoza delako. Eta aurten ere, oztopoak oztopo, Mutrikuko Rock Kolektiboak antolatu du AbenduRock jaialdia: dokumentalak eta kontzertuak gaztetxean eta kiroldegian. Horiek guztiak profesionaltasun eta mimo handiz... [+]
Lan bikaina egin du Pettik, orain arte egin duen diskorik biribilena, osoena, berak ere hala onartu du. Bai musikaren aldetik, doinuak, musika tresnen erabilera, moldaketak eta ekoizpena, bai hitzen eta mezuen aldetik.
Doinua, poesia eta pentsamendua batzen ditu diskoak... [+]
Berako bakarlariak Tolosan emango duen kontzertu bakarrean erregistratuko du bakarkako zazpigarren diskoa izango dena.
Beran badakite Borrokanekin zer daukaten, agian gainontzeko guztiak ez gara enteratu oraindik. Laster iristekoa da Bidasoaldekoen disko berria. Kanta bat sarean entzun daiteke jada.