Txillardegiren omenezko horma-irudia egin dute bere sorlekuan

  • Urtarrilaren 14an Jose Luis Alvarez Enparanza "Txillardegi" hil zeneko 6. urtemuga izango da, eta urtero bezala, Txillardegi Udal Liburutegia herri-ekimenak hainbat ekitaldi antolatu du. Udal Liburutegiari "Txillardegi" izena jartzeko lanean ari dira hizkuntzalari, idazle eta ekintzaileari sorterrian aitorpena egiteko. Momentuz ez dute lortu, baina aurrerantzean Antiguan Txillardegiren figura presente izango da Gaskuina Plazan margotu duten muralaren bitartez.

Axier Lopez @axierL
2018ko urtarrilaren 12a
Txillardegiren omenez Antiguan margotu berri duten horma-irudia (Lander Arbelaitz)

Igandean, 12:00etan, ekitaldia egingo dute Txillardegiren horma-irudia inauguratzeko. Antiguako Gaskonia Plaza aukeratu dute Txillardegi baserria han zegoelako, eta lur horietan, hain zuzen, jaio zelako Jose Luis Alvarez Enparantza. Bere figurarekin ez lotzeko, Udal Gobernuak plaza horri ez ziola Txillardegi izena jarri nahi izan gogorarazi du egunotan Fito Rodriguez taldeko kideak. Mikel Herrero artistak margotu du eta Udalaren baimena lortu dute horretarako. “Euskara da euskaldunon aberria” esaldia gehitzea besterik ez da falta horma-irudia bukatzeko.

Horma irudiaren inaugurazioaz gain, bi hitzaldi antolatu ditu elkarteak Donostian. Urtarrilaren 11n izan zen lehenengoa, "Txillardegi, errotikako gogoeta" izenekoa. Lorea Agirre Jakin aldizkariko zuzendariak eta Alaitz Aizpuru filosofo eta Lilleko Unibertsitateko irakasleak eskaini zuten. Urtarrilaren 18an, 13:00etan EHUren Filosofia mintegian, Txillardegi intelektualaz hitz egingo du Fito Rodriguez idazleak.

Kanal hauetan artxibatua: Txillardegi  |  Donostia

Txillardegi kanaletik interesatuko zaizu...
Sorlekukoen aitortza

Donostian Txillardegi izeneko baserria zegoen tokian omendu dute Jose Luis Alvarez Enparantza. Sorlekuak eman zion ezizena idazle, hizkuntzalari eta militante euskaltzaleari. Euskara batuaren bultzatzaile eta sortzaile nagusietako batek aitorpen ofizialik gabe jarraitzen du sorterrian. Donostian EAJ, PP, PSE-k ez dutelako nahi. Naziotasunaren oinarrian hizkuntza dagoela oroitarazten duelako, agian. Boteredunentzat pertsona deserosoa izaten jarraitzen du Txillardegik, baita hil ondoren ere.


2018-01-15 | Maddi Alvarez
Azkenean, lortu dugu, aita!

Azkenean, 6 urteren buruan bada ere, Donostian zuk egindako lan mardularen nolabaiteko aitortza herritarra da Antiguako Gaskuña Plazan Mikel Herrerok eginiko oroimen horma irudi ederra. Gorka Erastorbe kazetariak esan duen moduan, “ofiziala da iristen ez den aitortza”.


Txillardegi omentzeko ekitaldi sorta prestatu dute haren heriotzaren 5. urteurrenean

Jose Luis Alvarez Enparantza “Txillardegi” euskal idazle, hizkuntzalari, pentsalari eta politikariaren heriotzaren 5. urteurrena dela eta, ekitaldiak antolatu ditu Txillardegi liburutegia kultur ekimenak.


2012-04-24
Txillardegiri buruzko saiakera kaleratu du Fito Rodriguezek

Txillardegiren ekarpen zabala biltzeko asmoarekin, Fito Rodriguezek Txillardegi liburua kaleratu du Erein argitaletxeko Haran bildumaren barruan. Idazle, politikari eta hizkuntzalariaren pentsamendu eta ekinbidera hurbiltze bat da Rodriguezek idatzitakoa.


2012-03-20
Txillardegi nobelagintzan
MULTIMEDIA - solasaldia

Hiru hizlari aritu ziren Txillardegiren nobelagintza aztertzen. Jesus Maria Lasagabaster: Txillardegik euskal eleberrigintzari egindako ekarpena aztertu zuen. Pruden Gartzia: Kundera etorri duk hitaz galdezka. Markos Zapiain: Txillardegiren nobelagintzaren eduki filosofikoa.

2004an Koldo Mitxelena Kulturunean antolatutako jardunaldiak


2012-03-06
Txillardegi euskalgintzan
MULTIMEDIA - solasaldia

Hiru hizlarik Txillardegik euskalgintzan egindakoa aztertu zuten: Maria Jose Azurmendi: Txillardegiren lan soziolinguistikoa. Gotzon Aurrekoetxea: Txillardegi eta Euskara Batuaren kondaira. Jose Luis Ormaetxea "Txipi": Euskararen aldeko borroka.

2004an Koldo Mitxelena Kulturunean antolatutako jardunaldiak.


2012-02-15
Txillardegiren testuak irakurriko dituzte hemeretzi idazlek Victoria Eugenian

Jose Luis Alvarez Enparantza Txillardegi zendu berriari omenaldia egingo diote igandean Donostiako Victoria Eugenia Klubean. Idazle eta herrigile antiguotarraren testuak irakurriko dituzte hemeretzi idazlek Bakarrik Nago ZerubidenLeturiaren egunkari ezkutua eleberriko lehen esaldia– ekitaldian.


2012-01-30
Ezkerreko abertzaleek elkarrekin omendu zuten atzo 'Txillardegi' Donostian

Bi aste bete ziren atzo Jose Luis Alvarez Enparantza Txillardegi hil zela eta egindako lana omendu asmoz, omenaldia egin zion ezker abertzaleak. Abertzaleen Batasuna, EA, Alternatiba, Aralar, Egin Dezagun Bidea, Gazte Independentistak edota LABeko kideak zeuden Donostiako Victoria Eugenia bete zutenen artean. Txiki geratu zen aretoa 'Txillardegi' omentzeko. Hiru hitz hautatu zituen Pernando Barrena ezker abertzaleko kideak 'Txillardegi' deskribatzeko: "Euskal Herria... [+]


2012-01-27 | Axier Lopez
Argia Sariak 2012ko ekitaldia
MULTIMEDIA - erreportajea

Saridunak

Sei sari banatu ditu ARGIA astekariak Usurbilgo Atxega Jauregia jatetxean bazkal ostean burututako ARGIA Sarien banaketa ekitaldian. Ohi bezala, ARGIAk euskarazko komunikazioan nabarmendu diren talde, enpresa, profesional edo produktuei eskaini dizkie sari hauek.

ARGIA SARIEN XXIII. edizio honetan hauek izan dira sarituak:

Karlos Zurutuzak irabazi du PRENTSA IDATZIKO ARGIA SARIA, Berria egunkarian egindako Libiako gerrako kronikengatik. Kronika horien kalitateaz gain,... [+]


Azkenak
EGILEA
Eguneraketa berriak daude