Sopelako elizan egindako pintaketa bere gain hartu du Tranku gazte erakundeak

  • "Min handiagoa egingo dizue honek babesten duzuen biolentzia eta zapalkuntzak baino" zioen San Pedro eliza indarkeria matxistaren aurka egindako pintaketak. 24 ordutan udal langileek eliza berriz zuritu zuten.

Hiruka .eus
2016ko azaroaren 24a

Sopelako San Pedro eliza indarkeria matxistaren aurkako pintaketakaz agertu zen, astelehen goizean; 24 ordutan udal langileek eliza berriz zuritu zuten, Sopela.net agerkari digitalak nabarmendu duenez. Egun hauetan, Tranku gazte-erakundeak bere gain hartu du elizan egindako pintaketa, sare sozialetan zabaldutako idatzi baten bitartez.

Trankuk zabaldutako adierazpena:

Datorren astean emakumeenganako indarkeriaren aurkako eguna izango da. Zalantzarik ez daukagu, instituzio eta erakundeek ekitaldi eta adierazpenak egingo dituztela indarkeria horren kontra.

Baina, zalantzarik ere ez daukagu, adierazpenotan emakumeonganako indarkeria kontzeptu abstraktu edo gertakari isolatu moduan tratatuko dutela. Ez da indarkeria horren errudunik seinalatuko. Eta jakina, ez dira indarkeria hori babesten duten pertsona, erakunde, ideologia eta jarrerak kondenatuko.

Guk, ordea, argi daukagu emakumeon aurkako indarkeria eta diskriminazioa sistematikoak direla. Horregatik, hori eragiten duten hezkuntza, kultura eta balore arkaikoak salatuko ditugu. Eta horregatik, hori guztia babesten dutenak seinalatuko ditugu, gizartearen bidegabekeriaren erantzule direla erakusteko.

Elizak mendeetan zehar gure gizarte matxista eraiki du. Hezkuntza, kultura, erlijioa eta boterearen jabe izanda, beste inork baino erantzukizun handiagoa dauka emakumeak bigarren mailako pertsona bihurtzen. Eta bide berean jarraitzen du eta jarraituko du, horregatik barkamenik eskatu, erantzukizunik adierazi edo hausnarketarik egin barik.

Are gehiago, Elizaren jarraitzaileei larriagoa irudituko zaie eraikina margotzea, salatzen dugun indarkeria sistematikoa baino. Min handiagoa egingo die ordena tradizionala apurtzeak emakumeak diskriminatuta bizitzeak baino.

Baina, guk badauzkagu hitz bi zapaltzaileak babesten dituztenak deskribatzeko: bata konplize da eta bestea errudun.

 

Albiste hau Hirukak argitaratu du eta CC by-sa lizentziari esker ekarri dugu ARGIAra

Kanal hauetan artxibatua: Indarkeria matxista  |  Eliza Katolikoa

Indarkeria matxista kanaletik interesatuko zaizu...
2017-12-07 | Miren Osa Galdona
Nagore Laffagen hiltzailea lanean dabilenez, legea berrikusteko eskatu dute

Kolektibo feministek sendo borrokatu dute Nagore Laffagen hilketa ahaztu ez dadin. Aste honetan jakin da Laffage hil zuen Jose Diego Yllanes mediku gisa dabilela lanean Madrilgo klinika batean. Aurrekari penalak kontuan hartu eta legea “gogortzeko” eskatu dute bi taldeek.


"Putazaleek isiltasuna erosten dute"

Azala norbere bizipenen liburua balitz, Amelia Tiganusena (Galati, Errumania, 1984) beldurrezko eleberria izan liteke. Nerabezaroa ezagutu baino lehen ezagutu zuen matxismoaren aurpegirik makurrena, baina talde-bortxaketa hura ez zen lehen kapitulua baino izan, indarkeriak gidatutako historia bat gorpuzteari ekiteko. Merkantzia nola, Espainiara bidaiatu eta bost urtez 40 prostituzio etxetan aritu zen, azpimundu hori guztia benetako munduaren motorretako bat dela aldarrikatu aurretik.


2017-11-28 | Estitxu Eizagirre
Ez dugu gezurrezko testigantzen beharrik, eskerrik asko

Justizia egin nahi izan zuten bi bertsolarik Donibane Lohizuneko kartzelako ariketan, "gezurra esan duzu. Merezi izan du" gaiari erantzunez: bertsotako rolean, indarkeria matxistako epaiketa batean gezurrezko testigantza emateko prest agertu ziren. Borondate onenez ere injustiziak egiten ditugu maiz.


2017-11-27 | Miren Osa Galdona
Emakumeen hitza aintzat hartzeko aldarrikapen indartsua Euskal Herriko kaleetan

“Zure egia geurea eginez” lelopean, manifestazio jendetsuak egin dituzte Euskal Herriko hiriburuetan. Herri gehienetan ere elkarretaratzeak, mural pintaketak eta protesta ekintzak izan dira emakumeen aurkako indarkeriari ezetz esateko.


2017-11-26 | Nora Barroso
Azalaren memoria

Hamar urte inguru nituela helduagoa zen mutil batek modu jarraituan gehiegikeriak eragiten zizkidan. Lagunekin ikusten nuenean dardarka hasten nintzen, gaur ez mesedez, pentsatzen nuen. Baina debalde, bere lagunei “Voy a por ella” esan eta atzetik etortzen zen. Korrika joaten nintzen baina segituan harrapatzen ninduen. Bazterrean atzetik heldu eta oso gogor estutzen ninduen “Como grites…” esaten zidan. Ez zuen beste ezer gehiago esan beharrik. Orduan gorputz... [+]


Sinesten dizugu

Aurrena, atari batean bost gizonek bortxatzen zaituzte, bideoz grabatu eta aldean zenituen gauza apurrak lapurtu. Ondoren, espiatzen zaituzte, umiliatuta ere,  bizitza “arrunta” daramazula esateko.


2017-11-24 | Miren Osa Galdona
Indarkeria matxistari aurre egiteko, manifestazioak antolatu ditu Euskal Herriko Mugimendu Feministak

Nazioarteko Indarkeria Matxistaren aurkako eguna da larunbatean. Euskal Herriko Bilgune Feministak manifestazioak antolatu ditu Euskal Herriko hiriburuetan,  “zure egia gurea eginez” lelopean.


"Hedabideek masiboki zabaltzen dute terrore sexuala"

Asteazken honetan, 15:15ean, 'Sexu indarkeriaren trataera komunikabideetan' hitzaldia eskaini du Nerea Barjola Ramos genero gaietan aditua den ekintzaile feministak, Anoetako udal liburutegian


"Sinesten zaitugu", hainbat hiritako kaleak bete dituen garrasia

"Nazkatuta gaude, ikusteaz nola sexu-indarkeriaren biktima den etengabe auzitan jartzen dena". Sanferminetako bortxaketaren epaiketako gehiegikeria judizialak salatzeko, milaka pertsona bildu dira azken egunotan Irun, Madril, Bartzelona, Sevilla edo Valladolid bezalako hirietan.


2017-11-19 | Dabi Piedra
"Kontrasalaketekin, erasotzailea eta biktima maila berean jartzen dira"

Indarkeria matxistagatik salatutako gizonezkoek biktimaren aurkako kontrasalaketa jartzea gero eta ohikoagoa dela nabaritu dute genero indarkeriaren aurka lanean ari direnek. Juana Balmaseda Ripero abokatuaren esanetan, emakumearen salaketari sinesgarritasuna kentzeko estrategia da. Elkar salatu badute, maiz etxe barruko liskartzat jotzen da gertatutakoa, indarkeria matxistatzat hartu ordez. Genero indarkeriari eta sexu erasoei aurre egiteko Emakundek koordinatutako lantaldean, abokatuen... [+]


Azkenak
EGILEA
Eguneraketa berriak daude