Soldataren %5 itzultzeko eskatzeko lanuzteak EITBn

  • Langileek eskatu diete zuzendaritzari eta Jaurlaritzari itzul diezaietela soldatatik kendu zieten %5.

Ane Urkola Agirrezabala @irrikaz
2016ko maiatzaren 31
Astelehenean elkarretaratzea egin zuten Bilboko EITBren egoitzan, administrazio kontseiluko bilera egiten ari zirela-eta. Argazkia: LAB EITB

Arabako, Bizkaiko eta Gipuzkoako erakunde publikoetako langileei %5eko soldata jaitsiera ezarri zien Patxi Lopezen Jaurlaritzak 2010. urtetik aurrera, Espainiako Gobernuaren dekretu bat erabilita. Dekretu horrek, ordea, funtzionarioei eragiten zien, ez enpresa publikoei.

Ondorioz, EITBko enpresa publiko guztiek –Eusko Irratiak, EITBnet, EITB Erakundea, ETB– salaketa jarri zuten Bilboko auzitegian. Bilboko auzitegiak Eusko Jaurlaritzaren aldeko erabakia hartu zuen.

Bi salaketa jarri zituzten Espainiako Auzitegi Gorenean; bata, EITBk eta Eusko Irratiak; bestea, ETB Erakundeak, Patxi Lopezek hartutako erabakia Konstituzioaren aurkako erabakia zela argudiatuta.

Gorenak eskatu zion Espainiako Konstituzio Auzitegiari azter zezala Eusko Jaurlaritzaren erabakia Konstituzioaren aurkakoa ote zen. Auzitegi horrek adierazi zuen Eusko Jaurlaritzak gaizki aplikatu zuela dekretua. Erabaki horrek ETBko langileei soilik eragiten die, eta berreskuratu egingo dute 2010etik 2015era galdutako soldata guztia.

Ez, ordea, Eusko Irratiko, EITBneteko eta ETB Erakundeko kideek. Ondorioz, salaketa berriak jarri dituzte, eta ekainaren 6an eta 13an izango dira epaiketak Bilboko auzitegian.

Borondate politikoa eskatu dio LABek Eusko Jaurlaritzari

Andoni Basabe EITBko LABeko arduradunaren ustez, Bilboko auzitegiak Espainiako Konstituzio Auzitegiaren epaia berretsiko du. Ondorioz, 2015eko uztailaren 31tik hona aplikatuko litzateke, eta 2015eko abuztutik aurreragoko soldata soilik berreskuratuko lukete. Basabek borondate politikoa eskatu dio Eusko Jaurlaritzari, 2010etik aurrera “lapurtu diguten" diru guztia berreskuratzeko.

Presio modura, hainbat mobilizazio deitu dituzte azken asteetan. Astelehenean elkarretaratzea egin zuten Bilboko EITBren egoitzan, administrazio kontseiluko bilera egiten ari zirela-eta.

Ekainaren 10ean, berriz, lanuzteak egingo dituzte: irratietan eta EITBren webgunean, 8:00etatik 10:00etara eta 18:00etatik 20:00etara, eta EITB Erakundean 10:00etatik 12:00etara. Elkarretaratzeak ere egingo dituzte EITBren egoitzen aurrean.

EITBko administrazio kontseiluko bileran eztabaidatu zuten astelehenean gaia. LABek eskatu zuen langile guztiei itzultzeko soldataren zatia, eta ez zezatela jarraitu %5eko murrizketa aplikatzen. Iñigo Iturrate EAJko kideak beste testu bat aurkeztu zuen. Testu horren arabera, administrazio kontseiluak EITBko zuzendaritzari eskatu dio betetzeko epaileen sententziak. LABen proposamena ez zen onartu, bai ordea, EAJrena. Ondorioz, EITBk ez du inolako urratsik emango epaia ezagutu arte.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Langile borroka

Langile borroka kanaletik interesatuko zaizu...
2018-07-18 | ARGIA
Gipuzkoako hondartzetako sorosleak grebara deitu dituzte uztaila bukaeran

Uztailaren 29, 30 eta 31n Gipuzkoako hondartzetako sorosleek greba egingo dutela adierazi du ELA sindikatuak. “Bizi duten egoera prekarioa” salatu nahi dute.


2018-07-17 | ARGIA
Amazonen milaka langile greban daude salmentarik handieneko 'Prime Day' egunetan

Amazon banaketa konpainiaren Europako milaka langile greban daude gaur enpresak 'Prime Day' promozio bereziko egunak ospatzen dituela aprobetxatuz. Liburu eta diskoetatik hasita edonolako kontsumo gaien banaketa eta komertzializazioa kasik monopolizatu duen Amazoneko langileek soldaten igoera eta lan baldintzen hobetzea eskatzen dute.


2018-07-12 | Gorka Quevedo
Modan dago esplotazioa

Esnatu, leihotik begiratu, ikusi zein eguraldi egiten duen, armairua ireki eta arropa aukeratu. Ohikoa den ekintza horren atzean kasu askotan miseria eta zapalkuntza istorioak daude. Izan ere, modan dago esplotazioa.


2018-07-12 | Jon Torner Zabala
FIATeko langileak greban, Juventusek Ronaldo fitxatu duela-eta

FIAT konpainiak Italia hegoaldean duen fabrika bateko langileak grebara deitu ditu USB sindikatuak, salatzeko Agnelli familiak 300 milioi eurotan fitxatu duela Cristiano Ronaldo futbolaria, eurei "sakrifizio ekonomiko handiak" eskatzen dizkietenean.


LHK-ren txostena
Enplegu kalitate eskasaren bizkar handitu dituzte etekinak EAEko enpresek

Lan Harremanen Kontseiluak bere urteko txostenean argi gorri ugari dakartza Araba, Bizkaia eta Gipuzkoako ekonomia hazkundearen aurrean. Haren presidente Tomas Arrietak ohartarazi du behin-behinekotasuna “egiturazko” arazo bihur daitekeela.


Meatzeetako harri bitxiak

Cork (Irlanda), 1837. Mary Harris Jones (1837-1930) ekintzaile sindikalista, gerora Mother Jones izenez ezagun egingo zena, jaio zen. Txikitan, familiarekin batera Ipar Amerikara joan zen, Irlandako Gosete Handitik ihesi.


Sanferminetako uniforme zuriaren jatorria: langileen aurkako errepresioaren salaketa

Iruindar gehienak (eta beraiekin batera turistak), uztailaren 6an zuriz jazten dira, pentsatu ere egiten ez duten ohitura automatiko batekin, festak horrela eskatuko balu legez. Hau da, kontu askorik eman gabe.


2018-07-05 | ARGIA
Greba deialdia Gipuzkoako autobus enpresetan, "patronalak ez duelako hitza bete"

Gipuzkoako 30 autobus enpresatako 5.000 lagun inguru daude deituak grebara, hilaren 13,14, 20 eta 21ean. Sindikatuen hitzetan, "patronalak hitza bete ez duelako" daude derrigorturik erantzun bat ematera.


2018-07-04 | Goiena
Etxez etxeko langileen greba legezkoa dela ebatzi du epaileak

Ute Clece Zaintzen enpresak epaitegira eroan zituen etxez etxeko langileak, greba "legearen aurkakoa" zelakoan. Kontrakoa ebatzi du epaileak. Hala, berdinean segitzeko asmoa berretsita, langileek udaletxe aurrean egingo dute protesta eguenean.


Azkenak
EGILEA
Eguneraketa berriak daude