"Sistema osoari egindako pintaketak" aldarrikatu ditu emakume talde batek Tolosan

  • Joan den ostiral goizaldean Tolosako zenbait dendatan egindako pintaketen egileek ekintzaren zergatiak azaldu dituzte idatzi batean; gaiak zeresan handia piztu du.

Tolosaldeko Ataria @tolosaldeataria
2017ko urtarrilaren 03a

Hizketa-gai ia bakarrak agurtu zuen 2016. urtea Tolosan, joan den abenduaren 30ean zenbait komertziotan azaldu ziren pintaketen harira. Margo morez, «kontsumismo matxista» salatu zuten, besteak beste, eta iritzi eta erreakzio sokaren ondoren iritsi da egileen adierazpena, Tolosaldeko Ataria-ra: «Uste dugu ostegun gaueko pintaketen ekintza ez zela ondo ulertu, eta gure helburua argi utzi nahi dugu».

Colors, Saberri, La Ratita Presumida, Inside eta Leize komertzioen erakusleiho eta hormak izan ziren Kontsumismo matxistarik ez! eta Ez gara panpinak! leloen mihise, eta egileek estereotipo matxistak salatzeko bidetzat deskribatu dute pintaketen ekintza: «Mendebaldeko Eguberrien ospakizunak dakarren kontsumismo frenetikoa aitzaki hartuta, urte osoan barrena indarrean egoten diren estereotipo matxisten gorazarrea salatu nahi izan dugu (...). Gure ustez, komertzioen erakusleihoak dira estereotipazio irreal hori argien islatzen dutenak, eta horregatik egin dugu ekintza berauetan», diote.

Herria esnatzerako, pintaketen berria eta haien argazkiak ia eskualde osora zabaldu ziren, eta iritzi, erreakzio, kritika nahiz laudorioen soka luzea ekarri zuen horrek. Batzuek, komertzio txikien defentsan gaitzetsi zuten pintaketen ekintza, baina emakume taldeak azaldu du beren borroka ez dela komertzioen aurkakoa: «Argi dugu eredu ideal horiek inposatzea multinazionalen nahia dela, eta komertzio txikiek eskumen urria dutela hori eraldatzeko. (...). Estereotipazio anker hori salatzeko, berau irudikatzen duten erakusleiho zenbait erabili ditugu, baina ulertzen dugu kanon horiek ez dituztela merkatari horiek ezartzen; erreproduzitu egiten dituztela, baizik (...) Gure borroka ez da komertzioen aurkakoa, baizik eta erakusleihoek islatutako sistema oso baten aurkakoa».

Bide beretik, aldarrikapen moduaren inguruan egunotan jasotako kritikei ere erantzun nahi izan diete pintaketen egileek, «aukeraketa egokia» iruditzen zaiela nabarmenduz. Beren arabera, gaur egungoa «bake faltsua» da, eta hori «desnormalizatu» eta «ezinegon kolektibo bat zuzenki» azaldu nahi izan dute ekintzaren bitartez.

Horrela, abenduaren 30ekoa ekintza feministatzat deskribatu dute, baina pintaketek jasotako hainbat kritikak salatu dute, aldarrikapen bide horrek feminismoa kaltetzen duela. Egileei, ordea, «ulergaitza» zaie kritika hori: «Zergatik ez dio feminismoari mesede egiten? Ekintza feminista gaur egungo bake parametroetara mugatu behar baldin badugu, hori ez da gure borroka. Gure ustez, horrelako ekintza zuzenak tresna gisa gaitzesteak egiten dio kalte feminismoari (...). Horrekin ez dugu esan nahi borroka molde hori lehenesten dugunik, baina zilegia iruditzen zaigu, testuinguru egokietan».

Izan ere, «bide pedagogikoetatik lortu ez dena» plazaratu nahi izan dute erakusleihoetako pintaketekin: «Ezaba daitezkeen pintaketen 'indarkeria' gaitzetsi beharrean, gure nahia da, ezabatu nahi dugun benetako indarkeria heteropatriarkala salatzea», nabarmendu dute.

Azkenik, ATARIAra helarazitako testuan, pintaketen egiletza aitortzearekin batera, emakume taldeak adierazpena baliatu du «norbere burua askatasunean eraikitzera» dei egiteko: «Inposatutako arauek ez dute aniztasunerako tokirik uzten, eta horren aurkako jarrera hautu politikotzat dugu (...). 'Errespetua' edo 'adierazpen askatasuna' bezalaako kontzeptuen izenean zapaltzen gaituen sistema baten aurrean, ez gaude geldirik egoteko prest (...). Deseraiki ditzagun, behingoz, 'emakumetasun' eta 'gizontasun' eredu inposatuak».

Salaketa "irmoa" eta bateratua

Pintaketak agertu eta egun berean, beren iritzi eta gaitzespena plazaratu nahi izan zuten, elkarrekin idatzitako ohar batean, Tolosako Udalak eta Tolosa&Co merkatari eta ostalari elkarteak.

Lehenik, feministen aldarrikapen moldea «desegokitzat» jo zuten, zehaztuz, adierazpen askatasunak ez duela arrazoitzen «herriko zenbait dendari egindako jazarpena» .

Era berean, erakusleihoetako pintaketek zerbitzuen sektoreari «kalte zuzena» egin diotela ere salatu zuten, udalak eta elkarteak: «Merkataritza Tolosako garapen ekonomikoaren motorretako bat da, eta pintaketa horiek kalte zuzena eragiten diete saltzaileei, denbora eta esfortzu handia baliatzen baitute saltokia hornitu, kanpaina prestatu eta erakusleihoak atontzen».

Horrenbestez, ohar bateratuan dei egin zuen, joan den abenduaren 30eko aldarrikapen ekintzak azaleratutako gaia «beste bide batzuetatik heltzeko». Besteak beste, «herriko merkatariei kalte materialik sortu gabe» aritzea zehaztu zuten bi erakundeek.7

Kalean nahiz sarean, eztabaida bizi-bizirik

Goizean denda atarietan piztutako eztabaida lantoki, taberna, Whatsapp talde nahiz sukaldeetaraino iritsi zen, Tolosan, eta internetek ere jaso zuten iritzi-talka horren oihartzuna.

www.ataria.eus-en, kasu, 2016. urteko albiste irakurrienen zerrendan sartu zen pintaketena: 5.000 bisitatik gora jaso ditu aferaren kontakizunak.

Jarraipen masibo horren haritik, gainera, Tolosaldeko atariaren irakurle askok beren ekarpena utzi zuten Facebooken, iruzkinez iruzkin auziaren inguruko eztabaida elikatuz.

Hitz desberdinak erabiliagatik, iritzi bertsu zenbait nagusitu ziren irakurleen artean, eta irudipen horien guztien isla irakurgai da jarraian. Halaber, gaiak emandako iruzkin guztiak www.facebook.com/tolosaldekoataria orrialdean daude irakurgai.

«Berdintasunaren aldeko borrokak eguneroko ekintzetan eta jardunean behar du tinko, eta ez egun konkretu batean pareta batzuk margotzen»

«Nola askatuko dugu gure burua langile klase bezala eta emakumeak genero bezala, gure jardun praktiko-politikoa eredu legalista batean soilik kokatzen badugu?»

«Aldarrikapenaren muinarekin bat eginda ere, zein izan dira ondorioak? Gehiengo handi bat kontra jartzea eta mezua desitxuratzea»

«Emakumeok jasaten dugun egoeraren inguruan eztabaidatu beharrean, ekimenaren inguruan eztabaidatzea lortu dute. Zein ekarpen egiten dio honek feminismoari?»

«Emakume zein gizon, gizarteko pertsona oro errespetatzeko eskatzen ari garen aldetik, ezinbestekoa da guk ere gainontzekoak errespetatzea»

«Sistema heteropatriarkalak emakumeak erailtzen ditu, bortxatu, objektibizatu, ixildu eta zapaldu. Errealitate horren aurrean erantzunak nolakoa izan behar du ba?»

«Erronka berriei aurre egiten dieten emakumeak zapaltzea ez dago feminismoaren oinarrietan. Sor ditzagun eztabaidak, baina egin dezagun guztion artean, jazarpenik gabe»

«Kristal batzuk aldarri zilegiekin marraztea salatu beharrean, salatu dezagun benetako indarkeria heteropatriarkala; bollera, trans eta emakumeok bizitzako esparru guztietan zapaltzen gaituena».

Albiste hau Tolosaldeako Atariak argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Feminismoa  |  Kontsumismoa  |  Tolosa

Feminismoa kanaletik interesatuko zaizu...
2018-07-22 | Malen Aldalur
Etxeko langileak
XXI. mendeko esklabotza

“Euskal Herriko atari guztietan egiten du lan esklaboren batek, eta ez zaigu inporta”. Hala dio Silvia Carrizok. Malen Etxea elkartean egiten du lan; emakume atzerritarren eskubideak bermatzea du helburu elkarteak. Maiz hitz egiten da etxeko lanetan eta zaintzan lan egiten duten emakumeen lan baldintza txarrez, baina ez dira asko Carrizoren gisan aho bilorik gabe hitz egiten dutenak: “Emakume atzerritarrak menpekotasun eta esklabotza egoeran behar ditugu, Euskal Herriko gure... [+]


"Nikaraguako borrokaren lidertzan emakume asko daude"

Tantaka eta lerroburuka heltzen dira, Euskal Herrira, Nikaraguan azken hilabeteotan gertatzen ari direnak. Herri-matxinada baketsua defendatzen dute batzuek, eta estatu kolpea egotzi, besteek, eta gatazkaren hiru bertsio daude gutxienez, mahai gainean: Daniel Ortegaren eta Rosario Murilloren gobernuarena, eskuin muturrarena eta ezker kritikoarena. Bitartean, lau gazte Europan barrena dabiltza, Nikaraguari Elkartasunezko Nazioarteko Informazio Karabanarekin, eta EAEko koordinatzailea da Sayuri... [+]


'Magdalenak', neska bekatariak zigortzeko makinaren biktimak

1996an itxi zuten Irlandako azken Magdalenen garbitegia, ustez bide okerretik abiatutako emakumeak moja katolikoen agindupean zerratuta  lan derrigortuan edukitzen zituen komentu-lantegia. Ingelesekiko gatazka armatuaz bezala apaiz katolikoek haurren kontra erabilitako bortxaz, oroimen historikoan bide luzea egina du Irlandak azken urteotan, baina justizia egin ezinik dabil mende luze batez elizak estatu independentearen laguntzaz emakumeei eginiko zanpaketaz.


2018-07-15 | Amaia Lekunberri
Iruņeko mugimendu feminista
Jaiak plazeretik borrokatuz

2016ko Sanferminetan bost gizonezkok emakume bat taldean bortxatu zutenetik, hedabideek tarte zabala eskaini diete ‘La Manada’ izenez bataiatu duten kasuaren nondik norakoei. Beste behin, informazio kantitatea eta kalitatea ez dira eskutik joan ordea, eta kasuari egindako jarraipena desegokitzat jo dute askok, Iruñeko mugimendu feministak eta herri mugimenduak adibidez.


2018-07-15 | Xabier Letona
Laura Berro. Iruņean, berdintasunaren talaiatik
"Iruņeko Udal Gobernu Taldea nahiko feminista da"

Uztailaren 4ko goizean zazpi graduko lurrikara izaten ari zen Iruñeko Udaletxean elkarrizketa egiten ari ginen bitartean. Bere bulegoa, ordea, bare-bare zen artean. Eguerdian jakin zen albistea: Aranzadi eta Ezkerra Udal Gobernutik kanpo ziren. Aranzadiko zinegotzia da Berro eta Berdintasuna eta LGTBI saileko arduraduna zen elkarrizketa egiten ari ginen bitartean. Dagoeneko oposizioan da.


Kiropraktika
Garunaren eta gorputzaren arteko komunikazio bidea

Bizkarrezurra da nerbio sistema babesten duena, garunaren eta gorputzaren arteko komunikazio bidea. Jakitun ez garen arren, edozein osasun arazoren iturburua izan daiteke. Hala kontatu digu Xabier Mendiaraz kiropraktikoak.


FIFAk telebista kateei eskatu die "emakume ederrak" apropos ez enfokatzeko

Federico Addiechi-k, diskriminazioaren aurkako eta aniztasunaren FIFAko arduradunak, 45 eraso sexista egon direla jakinarazi du, horietatik hamabost emakumezko kazetarien aurkakoak izan dira.


Begoņa Zabala:
"The Spanish police's attack during the 1978 San Fermin festivities was part of an overall repression plan"

Begoña Zabala (Algorta, Basque Country, 1950) reached Iruñea in 1977 and was a first-hand witness of the police attack in the bullring and outside it.  She is a lawyer by profession, a member of the committee for establishing what took place, and she has worked on the legal side of the matter.  She took a very active part in the feminist movement in the 1970's, and has just published the book Feminismo, Transición y Sanfermines del 78 ('Feminism,... [+]


2018-07-11 | Erran .eus
Igande honetan inauguratuko dute Emakumearen Oroimen Baratzea Arantzan

Emakumeen historia idazteko garaia dela iritzita, isilaraziak izan diren emakumeen ahotsei eskaini nahi diete baratzea. Azken asteotan iganderako dena prest egon dadin, lagun talde bat egunero biltzen da Arantzan. Goizez aritzen dira lanean, 08:00etatik 14:00etara. Norbaitek auzolanean parte hartu nahi badu, 678 115820 telefonora deitu beharko du.


'EraStop' aplikazioa, eraso sexistak berehala salatzeko

Erasoren bat egonez gero, unean bertan salatzeko aukera egonen da Iruñeko Udalaren aplikazioaren bitartez. Geolokalizazio zerbitzuaren bidez, Udaltzaingoa abisatu daiteke, beharrezko baliabideak martxan jar ditzan.


Eguneraketa berriak daude