Grebak, erregai biltegien blokatzeak, bide mozketak, zentral nuklearretako mobilizazioak… El Khomri legeari aurre egiten ari zaizkio zortzigarren egunez sindikatuak, CGT buru dutela, maiatzaren 26 honetan, ahaztu gabe Nuit Debout mugimenduak egunero antolatzen dituen batzar eta manifestazioak.
Nuit Debouten ahaleginak arren lan erreformaren aurkako mobilizazioak ahultzen ari zirela zirudienean, maiatzaren 19an hasi ziren ostera berotzen, Manuel Valls lehen ministroak legea bozketarik gabe 49.3 dekretuz pasarazi zuenean. Egunotako greba eta blokatzeek tentsioa aspaldi ikusten ez zen mailaraino eraman dute.
Herritarren eguneroko bizimoduaren konplikatzea hedabide nagusiek egotzi dioten arren CGTk François Hollanderekin daraman gudu partikularrari, hori ez da aski esplikatzeko Hexagono osoan –Ipar Euskal Herria barne- ugaritu diren greba, manifestazio, bide mozketa eta blokatzeak.
Gasolina hasi da agortzen leku askotan eta gobernuak erreserba estrategikoetara jo behar izan du. Birfindegi nagusien atariak zerratu dituzte harriz eta barrikadaz langileek, eta zenbait portu nagusitako beharginak ere solidarizatu dira haiekin, hornidura arazoak handituz. Zentral nuklearretan ere badira gora beherak, nahiz eta greba jarraitzen ez duten sindikatuetako langileek bermatzen duten elektrizitate produkzioa. Egunkari nagusi gehienak ere faltatu dira gaur kioskoetan.
Orain artean herritarrek protestak begi onez ikusi dituzte, eta RTL katearentzako soziologia enpresa batek egindako ikerketak azaldu du frantsesen %62 ados dagoela Hollanderen lege berri honen kontrako mugimenduarekin. Ostegun goizean bertan lehenbiziko aldiz Vallsek iradoki du legearen zenbait atal aldatu edo “hobetzeko” posibilitatea, baina negoziaketa mahaian berriro esertzeari uko eginez.
Pentsioen erreforma kontserbadoreak eragindako herri mugimenduen grebak 44 egun bete ditu, eta milioitik gora pertsonako manifestazioak antolatu dituzte. Grebaren aldeko elkarretaratzeetan eta deialdietan izan den polizien indarkeria salatu dute.
Frantziako Estatuko presidente Emmanuel Macronek SNCF trenen enpresa publikoaren erreformaren aurka manifestazioak izan dira Ipar Euskal Herrian. Trenbideetako langileak, energiaren alorrekoak eta funtzionarioak atera dira kalera.
Irailean, hainbat greba, manifestaldi eta mobilizazio iragarrita zeuden Frantzian, eta langileria erantzuten ari da. Atzo, garraiolariek gogor egin zuten Lan Kodearen erreformaren aurka. Garraiolariek erregaien geltokietan ondorio latzak eragin litzakete... [+]
Milaka langile, frantziar zein euskaldun, kalean erakusten ari dira greba eta manifestazioekin Macronek Frantziako Estatu osoan inposatu nahi duen lan erreformaren kontra daudela.
Biriatuko autobideko ordainlekuan egindako protestekin abiatu dira Lan erreformaren aurkako ekimenak. Mobilizazio bateratua hasi aitzin, sindikatu batzuetako kideek ordainlekua blokeatu dute eskubide sozialak aldarrikatuz.