"Kalea guztiona da" ekimena Zumaian

Sindikatu guztiek zentsura salatu dute, Udalak balkoi pribatu batetik pankarta bat kendu ostean

  • Zumaiako Udalaren jarrera salatu dute sindikatu guztietako kideek (CCOO, UGT, ELA, LAB eta ESK), garbiketa brigadak CCOOren sindikatuaren egoitzako balkoitik kendu ostean "Kalea guztiona da" zioen pankarta.

ARGIA @argia  |  Jon Torner Zabala @jtorner
2017ko urtarrilaren 20a

Bi bider joan ziren garbiketa brigadako langileak pankarta kentzera. Aurrenekoan (pasa den abenduaren 31n) lortu zuten, baina bigarren saiakeran (urtarrilaren 6ean) "Kalea Guztiona Da" kolektiboko bi kidek in fraganti harrapatu zituzten, eta langileekin izandako solasaldia bideoz grabatu.

Brigadako langileei ohartarazi zieten leku pribatua dela hori, eta kartela kentzeko eskubiderik ez zutela. "Badakigu leku pribatua dela", erantzun zien langileetako batek, "baina guri pankarta guztiak kentzeko agindu digute eta hori da egiten duguna".

Hau da bideoa:

Sindikatu guztiak bat zentsuraren aurka

Gertaera horien aurrean, sindikatu guztietako eta Kalea Guztiona Da kolektiboko kideek euren haserrea agertu dute. "Oso larria iruditzen zaigu, garbitasunaren aitzakiaren izenean, Udalaren gustukoa ez den edozein ideia ezabatzeko etxeko sukalderaino sartzeko prest egotea. Horri zentsura deitzen zaio, hemen eta Turkian", salatu dute prentsaurrekoan, Baleike.eus webgunean irakurri daitekeen moduan.

CCOO, ELA, LAB eta ESK sindikatuek, UGTko kide batzuek maila pertsonalean eta Kalea Guztiona Da ekimenak salatu dute Udal gobernuaren jarrera.

"Otsail amaiera aldera, urtebete izango da Zumaiako Udal Gobernuak bere kabuz erabaki zuela kaleetatik pankartak, pegatinak eta muralak kentzea", diote. "Zumaiarrok erabaki gogor horren berri prentsa ohar labur baten bidez jakin genuen, 'edozein delarik euren edukia, helburua edo mezua kenduko ditugu' zioen oharraren bidez. Debeku horiek ez ziren aipatu ere egiten gobernuan den alderdiaren hauteskunde programan; egun batetik bestera erabaki zituzten, eta gainera, Udaleko oposizio politikoarekin, sindikatuekin, eragileekin eta herritarrekin hitz egin gabe ezarri ziren".

Sindikatuetako eta kolektiboko kideek jarrera aldatzeko "exijitu" diote Udalari, eta utz dezala "frentismoa" alde batera: "Gaiak behar duen lasaitasunarekin har dezala eta adostasuna lortzeari lehentasuna eman diezaiola, arazorik ez zegoen lekuan arazo gehiago sortu beharrean. Zumaiako eragile guztiekin eta interesa duen herritar ororekin eser dadila, denon artean konponbide bat lortzeko".


Adierazpen askatasuna kanaletik interesatuko zaizu...
2018-01-05 | Miren Osa Galdona
La Haineko 'Boro' kazetaria kartzelan sartzeko arriskuan dago beste epaiketa bat dela eta

Autoritatearen aurkako delituak egotzita, Madrilgo Lurralde Auzitegian deklaratu beharko du Boro ezinenez ezagutzen den kazetariak. Apirilaren 16an izango da epaiketa.


2017-12-28 | Miren Osa Galdona
PPk txio anonimoen atzean nor dagoen jakin nahi du, kosta ala kosta

 “Sare sozialetako profil eta kontuen atzean nortasun bat egotea nahi dugu eta erabiltzaileek jakin dezatela identifikatuta daudela”. Hitz horien bidez iradoki du Rafael Hernando PPren Espainiako Kongresuko bozeramaileak sare sozialetan anonimotasuna errotik kendu nahi dutela. Hau da, internet sarean dabilen ororen identifikazioa kontrolpean izan nahi du, NAN zenbakia barne.


2017-12-11 | Baleike
Adierazpen askatasunaren mugei buruzko eztabaida Gipuzkoako Batzar Nagusietara eraman du Kalea Guztiona Da-k

Gipuzkoako Batzar Nagusietaraino iritsi da Zumaian kartel, pankarta, hormairudi eta abarren inguruan dagoen eztabaida. Kalea Guztiona Da kolektiboak izan zuen agerraldia egiteko aukera azaroaren 29an, Kultura, Turismo, Gazteria eta Kirol Batzordean. Azalpenak eman ondoren, alderdien galderak eta iritziak jaso zituzten. Adierazpen askatasunaren mugen inguruko eztabaida aberasgarria osatu zuten denen artean. Hona ekarri ditugun hiru bideoetan daukazue saioak eman zuena.


2017-12-06 | Andoni Mikelarena
Hamabi raperori bina urte eta egun bateko kartzela zigorra ezarri die Espainiako Auzitegi Nazionalak

La Insurgencia kolektiboko kideak dira hamabi raperoak. Euren abestietan “terrorismoari gorazarre” egiteagatik zigortu ditu auzitegiak. Errekurtsoa jarriko dute Auzitegi Gorenean.


2017-12-03 | Axier Lopez
Agur eta ohore adierazpen askatasuna

Adierazpen askatasunaren mugei buruzko eztabaida gosea baino zaharragoa da. Ezin konta ahala iritzi daude, gaia filosofiaren mailaraino eramanez. Espainiako erregimenean, ordea, ez dago zalantzarako tarterik. PPren eskutik, arauz –Mozal Legeak– eta epaiz josten ari da autozentsura ideologikoa. Gurpil errepresiboaren azken itzuliak Andeka Jurado harrapatu du: Twitterren bertxiotzeagatik lehen zigortua da.


2017-11-29 | Miren Osa Galdona
930 kazetari hil dituzte hamar urtean munduan

2006tik 2016ra bitartean 930 kazetari hil dituzte mundu mailan Unescoren arabera. Bataz beste, astero bi kazetari hiltzen dituzte adierazpen askatasunaren aurkako indarkeriaren ondorioz. Hilketa gehienak ez dira ikertzen eta hamar kasutatik bat baino ez da iristen epaitegietara.


2017-11-29 | ARGIA
Blogari bat espetxeratu dute Vietnamen, istripu kimiko baten berri emateagatik

22 urteko blogari bati zazpi urteko espetxe zigorra jarri diote iaz Vietnamgo kostaldea kutsatu zuen ihes kimiko baten berri emateagatik, Democracy Now-k jaso duenez.


2017-11-28 | Axier Lopez
Agur eta ohore adierazpen askatasuna

Adierazpen askatasunaren mugei buruzko eztabaida gosea baino zaharragoa da. Ezin konta ahala iritzi daude, gaia filosofiaren mailaraino eramanez. Espainiako erregimenean, ordea, ez dago zalantzarako tarterik. PPren eskutik, arauz –Mozal Legeak– eta epaiz josten ari da autozentsura ideologikoa. Gurpil errepresiboaren azken itzuliak Andeka Jurado harrapatu du: Twitterren bertxiotzeagatik lehen zigortua da.


2017-11-24 | ARGIA
Pertsona bat atxilotu dute Bartzelonan Maza fiskal ohiaren heriotzaren harira idatzitako txioengatik

Juan Ignacio Zoido Espainiako Barne ministroak zabaldu berria, twitter bidez. Bartzelonan herritar bat atxilotu dute José Manuel Maza Espainiako Fiskal nagusiaren heriotza "ospatu" izanagatik sare sozialetan.


2017-11-22 | ARGIA
La Haineko 'Boro' kazetariaren aldeko elkartasun kanpaina abiarazi dute

Azaroaren 30ean egitekoa da Espainiako Auzitegi Nazionalean Armiarma operazioaren barruan auzipetutako Boro kazetariaren aurkako epaiketa. Haren aldeko elkartasun kanpaina hasi da Twitterren, #AplastaLaAraña (Zanpatu armiarma) etiketarekin. Urtebete eta zortzi hilabeteko espetxealdia eskatu du fiskaltzak La Haine eta Kaos en la Red-eko kazetariarentzat.


Eguneraketa berriak daude