Sindikatu guztiak mahaitik altxata, kolokan geratu da EAEko elkarrizketa soziala
Araba, Bizkaia eta Gipuzkoako UGT sindikatuaren zuzendaritzak erabaki du elkarrizketa sozialerako mahaia uztea, CCOO sindikatuak ere beste hainbeste egin ostean. ELAk eta LABek hasieratik ez zuten parte hartu. Horrenbestez, sindikaturik gabe, kolokan geratu da organoa.
Raul Arza UGTko idazkari nagusiak asteartean azaldu duenez, Eusko Jaurlaritzak Confebaskekin “gauez eta azpikeriaz” sinatutako akordioak eraman du sindikatua mahaia uztera. Arzak kritikatu du Urkulluren gobernuak enpresariekin aldebiko harremana bultzatzen duela, eta ez hiru aldetako elkarrizketa erakunde, patronal eta sindikatuen artean.
Gainera, Arzak nabarmendu du patronalarekin egindako akordioak alde batera utzi duela Jaurlaritzako Enplegu eta Justizia saila bera ere –Maria Jesús San Jose PSE-EEko kideak zuzendua–. EAJk eta PSEk osatzen duten gobernuari dei egin dio, “dagokien debatea” egin dezaten, gai horren inguruan.
Sindikalistak iradoki duenez, Confebaskekin sinatutako akordioak ez du eduki Enplegu sailaren oniritzirik.
Laguntza publikoak eta afiliatuen kuotak gordetzen zituen kontu korronte batetik lapurtu zuten dirua goi-kargudunek. 2019 eta 2021 artean, 114.175 euro banatu zituztela uste da.
Nafarroari dagozkion Lan Arriskuen Prebentziorako Estatuko Fundazioaren funtsen kudeaketa antolatzean, “agerian geratu da UGT eta CCOO parte izan direla dirua kobratzea eta banatzea bermatzen dieten pleguen prestaketan”, salatu du LABek.
Bost urte baino gehiagoz luzatu da borroka, eta 50 bilera baino gehiago egin dituzte. Enpresa esleipendunen eta Osakidetzaren blokeoa eta Poliziaren jarrera salatu dituzte, besteak beste.
Negoziazio mahaiaren zortzigarren bileran etorri da akordioa ostegun honetan eta 30.000 bat langileri erangingo die. ELAk (ordezkaritzaren %47,8) eta UGTk (%4,3) sinatu dute, eta LABek (%35,8) eta CCOOk (%12.2) ez. Akordioak lau urteko iraupena izango du.
Erosahalmena ez duela bermatzen kritikatu du, besteak beste, sindikatuak.