Nafarroako Legebiltzarrak Altsasuko gazteen aldeko martxan parte hartzera deitu du

  • Datorren larunbatean Iruñean Altsasuko gazteei sostengua emateko deitutako manifestaziora joateko deia egin du astelehen honetan Nafarroako Legebiltzarrak. Gobernua sostengatzen duten lau alderdiek alde egin dute eta oposizioak aurka.

Maddi Txintxurreta @mtxintxurreta
2018ko apirilaren 09a
Sakana, Arabako Lautada eta Goierriko alkate eta ordezkariak bildu dira asteburuan Arbizun, Altsasuko Gurasoekin batera (Arg: Altsasuko Gurasoak)

Sakana, Arabako Lautada eta Goierriko alkate eta ordezkariak bildu dira asteburuan Arbizun, AltsasuMartxan herri ekimenaren seigarren etapan. Altsasuko auziperatuei eta gurasoei sostengua eta berotasuna emateko asmoz Nafarroa zeharkatzen ari dira AltsasuMartxan ekimeneko parte hartzaileak. Oraingoan, aipatu hiru bailaretako alkate eta ordezkariak bildu dira Altsasun auziperatuen gurasoei elkartasuna adieraztera.

Arbizuko alkate Karmele Marañonek adierazi du Altsasuko tabernan jazotakoa ez dela terrorismoa, aitzitik, “justizia behar dugula” esan du eta Altsasu, Sakana eta Euskal Herria “bakean uztea” eskatu du. Iritzi berbera eman du Urdiaingo alkate eta Sakanako Mankomunitateko Lehendakari David Orozek.

Altsasuko Gurasoen izenean Gotzon Urrizolak hartu du hitza, eta azken hilabeteetan jasotako elkartasuna eskertuz “justizia” aldarrikatu du.

Nafarroan zehar Altsasuko zortzi gazte auziperatuen aldeko martxa egin dute, eta Ahotsa.infok martxaren laburpena jaso du bideo honetan.

Altsasuko gazteen auziaren epaiketa apirilaren 16an izango da, eta Martxako parte hartzaileek hil bereko 14an Iruñean egingo den manifestaziora joateko dei egin dute.

Sindikatuak auziaren aurka

CCOO, ELA, LAB, ESK, CGT, STEILAS, HIRU eta EHNE sindikatuek ohar baten bidez jakinarazi dute Altsasuko gazteen aurkako auzia arbuiatzen dutela. “Terrorismotzat jotako gertakarien kalifikazioari, 375 urte batzen dituzten 12 eta 62 espetxe zigorren eskaerari eta duela 16 hilabete presoaldi prebentiboan dauden hiru gazteen egoerari gure errefusa adierazten diogu”, jakinarazi dute.

 “Gertakariei ezarritako kalifikazio penalaren desegokitasunak, leporatze horiek eutsi ahal izateko behar diren betebehar juridikoak ez betetzeak, proportzionaltasun-faltak eta tipo penalen interpretazio hedakorrek pertsona guztiak babestu behar gaituzten askatasunak berme prozesalak eta segurtasun juridikoa urratzen dituzte”, adierazi dute, eta horregatik, eskatu dute presoaldi prebentiboko kautelazko neurriak kentzea eta auzia Nafarroan epaitzea.

Kanal honetan artxibatua: Altsasuko gazteak

Altsasuko gazteak kanaletik interesatuko zaizu...
Altsasuko auzia: sarjentuaren bertsioa ezbaian utzi duen bideoa

Altsasuko auzian auziperatutako Iñaki Abadek bideo bat aurkeztu du asteazkenean auziko zortzigarren saioan, non zalantzan jartzen baituen Guardia Zibilaren sarjentuak epailearen aurrean egindako deklarazioa.


2018-04-23 | ARGIA
Bi guardia zibil eta forense baten deklarazioekin ireki da epaiketaren bigarren astea

Bigarren astean sartu da Altsasuko gazteen kontra Madrilgo Audientzia Nazionalean egiten ari diren epaiketa. Gaur beren lekukotasuna hartu zaie Guardia Zibileko bi agenteri eta liskarrean zauritutako agenteak bezala beren bikotekideak artatu zituen mediku forentseak.


2018-04-23 | Miren Osa Galdona
Adituen deklarazioak funtsezkoak izango dira Altsasuko gazteen aurkako epaiketaren bigarren astean

Defentsa, akusatu eta hainbat testiguk pasa den astean deklaratu ostean, poliziaren txostena osatu zuten hamabost adituk hitz egingo dute epailearen aurrean bigarren asteko lehen egunetan. Akusazioaren bertsioa indartzeko balio lezake, orain arte ez Koxka tabernako jabeak ez zerbitzariek ez baitute eurek esandakoa babestu.


2018-04-20 | Xabier Letona
50,000 People Demand Justice for the Altsasu Young People

On 14 April the biggest demonstration in Iruñea for a long time was held in support of the ten young people from Altsasu, Navarre, who are going to be tried in Madrid. Some people thought it was the biggest demonstration ever held there: the municipal police state that 38,000 people took part, while the organizers say that 50,000 did. Claiming that a brawl in which they took part was "terrorism", the prosecutor has called for them each to be imprisoned between 50 and 62 years.


Altsasuko Gurasoen asteazkeneko kronika

Astelehenean eta asteartean bezala, goizeko 9:00etan Auzitegi Nazionaleko sarreran elkartu ginen, kamera batzuk gure zain zeuden jada, eta beste batzuk etorri ziren; hiru egun damazkigu eta pausu berberak errepikatzen dira beti.


Koxkako tabernariak deklarazioan "esan ez zituen gauzak" txertatutako dokumentua aurkeztu du akusazioak

“Nik igandean deklaratu nuen, baina esan ez nituen gauzak daude dokumentuan”, esan du Altsasuko Koxka tabernako jabe Iosu Muñoak.


2018-04-18 | Hala Bedi
Ertzaintza ikasleen aurka oldartu da Gasteizen, Altsasuko gazteen aldeko mobilizazioan

Baimen eza argudiatuta, Ertzaintza Gasteizko Campuseko ikasleen aurka oldartu da, hainbat ikasle kolpatuz. Datozen egunetan, Altsasuko gazteen alde “zarata ateratzeko” deia egin du Altsasukoak Aske Gasteiz plataformak: lau elkarretaratze ezberdin egongo dira.


Eguneraketa berriak daude