Sinadura bilketa Espainiako Estatuko parke nazionaletan ehizatzeko baimena luzatzearen aurka
Espainiako Parke Nazionalen Defentsarako Herritarren Ekimenak sinadura bilketa abiatu du PPren asmoak geldiarazteko helburuz. Adierazi dutenez, popularrek legedian ezarri nahi dituzten aldaketak parke nazionalen historiako ehun urteetan egindako erasorik handiena dira.
Gaur egungo legediaren arabera, 2017tik aurrera hainbat jarduera debekatuko dira parke nazionalen barruko lur eremu pribatuetan: ehiza, arrantza, zuhaitz moztea, meatzaritza…
PPk legearen erreforma bat abiarazi du; azaroaren 4an emendakinak aurkeztu zituzten Madrilgo Senatuan, eta horietako baten arabera, zenbait erabilera pribaturako baimena 2020ra arte luzatuko da. Are polemikoagoa izan zitekeen gaia PPk hasierako asmoa gauzatu balu: eperik gabeko luzapena ezarri nahi zuten.
Eragile ugari biltzen dituen parke nazionalen aldeko ekimenak uste du ehiza egiteko baimena dagoela aferaren muinean. “Euren lagun enpresariek parke nazionaletan ehizatzen jarraitu ahal izatea dute helburu”, adierazi dute sinadura eskea egiten duen web orrian.
Ekimenaren bultzatzaileen esanetan, oposizioko talde politiko guztiek, elkarte ekologistek eta Estatu Kontseiluak berak errefusatu egin dute parke nazionalen kontrako erasoa. Alabaina, PPk gehiengoa dauka Espainiako Senatuan, eta lege aldaketak aurrera egingo du. Momentuz, Ingurumen Batzordeak oniritzia eman dio, eta datozen egunetan osoko bilkurak onartuko du.
Maiatzean beteko dira 100 urte Euskal Mendizale Federazioa (EMF) sortu zela, orduan ere oihartzun handia izan zuen eta Elgetan izan zen ekitaldi batean (1924ko maiatzaren 18an). Mendeurren hau ospatuko du EMFk logikoki, eta izen aproposa ere asmatu diote: Mendiurrena.
Erdizko meategiaren kontrako plataforma herritarrak aldarrikapen eta besta eguna antolatu du joan den larunbatean Elizondon. Heldu diren asteetan epaiketa ukanen dute Magnesitas Navarra enpresaren kontra. Hain zuzen, auziak eraginen dituen gastuei buru egiteko sustengu... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.