Sinadura bilketa abiatu dute 1.200 eurotik gorako gutxieneko soldata eskatzeko

  • 1.200 eurotik gora ekimenak prekarietatea salatu eta soldata duinak aldarrikatzea du helburu. Prekarietatearen mapa osatu nahi dute jendearen bizipen eta iritzien bitartez.


2015eko urriaren 14an - 09:55
Prekarietate egoeran dauden zortzi lagunek abiatutako ekimena da 1.200 eurotik gora.

Euren lan-bizitzan prekarietatea bizi duten zortzi lagunen esperientziatik abiatutako ekimena da. Azaltzen dutenez, ekonomia hazten ari da, baina horrek ez du arazoa konpontzen. Izan ere, euren aburuz, “desberdintasunak handitu, eta lan prekarioa hedatu” egin da, batez ere emakume eta gazteen artean. “Jendarte osoari” eragiten dion afera dela adierazi dute, eta “ezinbestekoa” dela eztabaida sozialari ateak zabaldu, arduradunak salatu, erraietara joan eta guztiontzako onuragarriak izango diren irtenbideak topatzea.

Horregatik abiatu dute 1.200 eurotik gorako gutxieneko soldata eskatzeko sinadura bilketa. Milaka sinadura biltzea da euren helburua, ondoren, eragile ezberdinei helarazteko. Herritarrei eskatu nahi diete justizia sozialaren alde lan egin dezaten, erakundeei soldata justuagoak bermatzea, eta enpresei soldatak 1.200 eurotik gorakoak izatea.

Norberaren bizipenen berri emateko tokia

Norberaren bizipenak kontatzeko aukera ere badago. Webgunean deskargagarri dagoen maskararekin argazkia atera ostean, hau igotzeko aukera dago, horrekin batera norberaren izena eta lan egoeraren berri emanez. Sare sozialetan ere igo dituzte soldata prekarioen adibideak.


Kanal honetatik interesatuko zaizu: Enplegua
2024-03-14 | Gedar
Mercadonak %40 areagotu ditu irabaziak, eta %30 Inditexek

Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.


Indarberriturik atera dira sektore publikoko langileak, hirugarren greba egunean

Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]


Tubos Reunidos enpresako sindikatuek salatu dute amiantoa agertu dela labe batean eta zenbait egunez lana ez zela gelditu

Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.


2024-02-27 | ARGIA
Langile bat hil da Arrasaten; urtea hasi denetik, 17

Astelehen arratsean gertatu da ezbeharra, Arrasaten, hiru metroko sakonerara erorita.


LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Eguneraketa berriak daude