Sidenorreko aurre-akordioak ez ditu denak ase

  • Sidenorreko zuzendaritzak eta CCOO, UGT, CSIF eta USO sindikatuek –ordezkaritzaren %76 dute lauren artean– aurre-akordioa lortu dute, azaroaren 28an enpresak Lan Erregulazio Txostena aurkeztu eta gero. Aipatutako lau sindikatuek ontzat jo dute akordioa; LABek eta ELAk, berriz, gogor kritikatu dute.

ARGIA @argia
2016ko abenduaren 28a
Sidenorreko Basauriko fabrika.

Langileek berretsiz gero, 2017-2021 bitartean izango da indarrean akordioa. Lanaldia eta soldatak handitzea ekarriko lituzke. Hala, 2017an %1 igoko dira soldatak; 2018an %3; 2019an %1,75, 2020an %1; eta 2021ean %1,25. Pizgarri bat ere espero da 2019tik aurrera. Horrez gain, behin-behinean dabiltzan langileen %15eri kontratu finkoa egiteko konpromisoa agertu du zuzendaritzak. USOren esanetan, aurre-akordioak langileen baldintzak hobetzen ditu.

ELAren esanetan, berriz, adostutako soldata igoerek ez dute bat egiten KPIren bilakabidearekin: “Sidenorren lan egiten dutenek 2012an %5eko galera jasan ostean, 2019ra arte itxaron beharko dute zazpi urte lehenagoko soldatetara itzultzeko”. Soldata bera izanda zazpi urte horietan hamabi egun gehiago lan egin beharko dutela ere kritikatu dute.

LABn ustez, aurre-akordioak enplegua desagerraraziko du. Lan Erregulazio Txostena (ERTE) adostu berritan, lanaldia handitzeak gutxienez 72 lanpostu suntsitzea ekarriko du.

ERTEaren ondorioz, 2018ra arte lan denbora %50era jaitsiko da batez besteko Sidenorreko lantokietan, baina ez denetan berdin. Euskal Herriari dagokionez –bertan daude taldeak dituen 2.300 langileetatik 1.500–, portzentaje hori %50ekoa izango da Basauriko bulegoetan eta Legazpiko fabrikan, %62koa Azkoitikoan eta %100ekoa Maltzagakoan. Azken horretako ekoizpena Gasteizera eramango da. Gasteizen, hain zuzen, baita Legution ere, %35ekoa izango da murrizketa, eta %20koa Basauriko fabrikan.        

Kanal hauetan artxibatua: Langile borroka  |  Prekarietatea  |  Basauri  |  Legazpi  |  Gasteiz  |  Azkoitia  |  Gipuzkoa

Langile borroka kanaletik interesatuko zaizu...
Estimulatu, kontsumitu, zorpetu: Aste Santuan zertarako saltokiak ireki?

LAB eta ELA sindikatuek mobilizazioak antolatu dituzte Donostian, egunotan ateak irekiko dituzten hainbat komertzioren aurrean. Eusko Jaurlaritzaren ustez turismoarentzako “estimulua” litzateke saltokiak irekita edukitzea.


2017-04-09
2 eurotan ezin da logelarik garbitu

Greba mugagabean zeuden Bilboko hoteleko garbitzaileek jabe berriarekin akordioa lortu dute eta euren lanpostuei eta lan-baldintzei eutsi ahal izango diete. Sektoreak azpikontratazioaren baldintza prekarioak jasaten ditu.


Ogia versus giza eskubideak?

Karl Marxek zioenez, sabela hutsik ezin da filosofian murgildu. Giza Eskubideen Kartak  oinarrikotzat jotzen du, besteen artean, gizakiak ondo elikatzeko duen eskubidea. Aurtengo urrian mendeurrena egingo duen Lehen Iraultza Sozialista, “ogia, bakea eta askatasuna!” aldarriekin hasi zen.

Alabaina, kapitalismo gerrazale eta neo-liberalaren hegemonia itogarriaren garaiotan geroz eta zailagoa zaigu eskubideak modu banaezinean uztartzea. Kapitalismoak, bata edo bestea, eskubide... [+]


Hotel Occidentaleko langileen borroka: 2 eurotan ezin da logelarik garbitu

Greba mugagabean zeuden Bilboko hoteleko garbitzaileek jabe berriarekin akordioa lortu dute eta euren lanpostuei eta lan-baldintzei eutsi ahal izango diete. Sektoreak azpikontratazioaren baldintza prekarioak jasaten ditu.


Zamaketariek EAJri aurpegiratu diote haiek kaleratu nahi izatea

Bilbo eta Pasaiako zamaketariek protesta egin dute Bilboko portuan eta EAJri aurpegiratu diote “langileen aldarrikapen zilegiekin negozioa egin nahi izatea”; zamaketaren liberalizazioaren alde bozkatu zuen EAJk Espainiako Kongresuan.


2017-03-26 | Juan Mari Arregi
Murrizketak irakaskuntza publikoan

Aste honetan, asteazkena hilak 22, EAEn izaten ari diren hezkuntza murrizketen lekuko izango da euskal jendartea. Hezkuntzaren kalitateari eta irakaskuntza publikoari eraso zuzena dira, baita bere langileen egonkortasunaren kontra ere.


Emakume langileak Araban, ezinbesteko irudiak

XX. mendean emakumeek lurralde horretako ekonomiaren garapenean izan zuten garrantzia erakusten du argazki erakusketa batek, Gasteizko Oihaneder Euskararen Etxean.


2017-03-20 | ARGIA
Bizkaiko erresidentzietako langileek kanpaldiari ekin diote Foru Aldundiaren aurrean

Bizkaiko zahar-etxeetako gatazkaren korapiloa ez da askatu. Erabiltzaileen bizi-kalitatea eta kalitate asistentziala ere hobetuko luketen lan-baldintza duinak eskatzen dituzte grebalariek.


PPk, EAJk eta UPNk porrot historikoa jasan dute, zamaketarien lege dekretuak ezetza jasota

Espainiako Gobernuak atzera bota du lortu zamaketa sektorea liberalizatzea helburu zuen legea, Kongresuaren ezezkoa jaso ondoren. Porrot historikoa izan da, 1979tik ez baitzen errege dekretu bat atzera botatzen. Zamaketariek greba deialdia ezeztatu dute.


2017-03-07 | ARGIA
Greban zeuden 130 banatzaile bota ditu Bimbok

Enpresari egunero 125.000 euroko galera eragitea aurpegiratuta, Hego Euskal Herriko 130 banatzaile kaleratu ditu Bimbo enpresak. Erabakiaren berri posta elektronikoz jaso dute kaleratutakoek. Bi aste daramate greban, fakturazioa murriztuarazi izanak oso egoera zailean jarri dituelako protestan.


Azkenak
EGILEA
Eguneraketa berriak daude