Sexu industriaren inguruko egien bila, opera bidez

  • Sexu langileen errealitatea ezagutaraztea du helburu Sex Workers´Opera lanak. Asteartean estreinatuko da Londreseko Pleasance aretoan, eta bi astez izango da ikusgai.


2016ko maiatzaren 16an - 18:35
Sexu langileen errealitatea ezagutaraztea du helburu Sex Workers´Opera lanak.

“Sexu langileen ahotsa da”: horrela definitu dute Siobhan Knox eta Alex Etchart egileek emanaldia, Open Democracy webgunean. Emanaldian parte hartzen dutenen erdiak sexu langileak dira, eta munduko hainbat txokotako –Argentina, Txile edota Taiwan– langileen historiak bildu dituzte. Historia horiek uztartu dituzte dantza, antzerki fisikoa, poesia, jazz eta hip hoparekin.

“Ustekabeko konbinazio horrek ikusle ugari erakarri ditu azken bi urteetan. Horietako batzuk etorri dira tituluan aipatzen den sexu hitzak eragindako eszitazioak bultzatuta. Azkenean, gelditu egiten dira eta ikasi egiten dute”, adierazi du Knoxek.

Sexu langileek dilema “bikoitza” dute, egileen iritziz: batzuen ustez, erabat zapalduta daude eta ezin dute hitz ere egin. Beste batzuek, ordea, uste dute ez duela merezi esaten dutena aditzeak.

Emanaldiaren bultzatzaileek adierazi dute ez dagoela ogibidearen inguruko egia absoluturik: sexu langile batzuek gorrotatu egiten dute lana eta beste batzuek gogoko dute. Dena den, gauza batean ados daude: “Sexu lanaren gauzarik gogorrena da langileen aurkako indarkeria bultzatzen duen kriminalizazioa eta estigma”.

Errealitatea aldatzea helburu

“Langileei zuzenean eragiten die industriaren inguruko informazio okerrak, eta horri aurre egiteko beharrezkoa da kontra-narratiba bat sortzea, ogibidearen errepresentazioaren boterea langileek beraiek hartzea”, adierazi du Etchartek.

Kultura jo dute “bihotzak eta buruak irabazteko bataila-eremutzat” eta uste dute artea dela industria hori humanizatzeko bidea.

“Gehien estigmatizatutako identitatea denez, irekia izatea errazagoa da senideen eta familien babesa dutenentzat edota zuriak direnentzat”. Hori da ekimen horrek aldatu nahi duena: “Sexu industriaren inguruko aldaketa soziala bultzatzea" da xedeetako bat.

Zentzu horretan, argi dute lehen pertsonan bizi dutenek soilik konta dezaketela sexu langileen errealitatea. Hori da, hain zuzen, operaren muina: sexu langileek beren ahotsetik kontatzea egunerokoan bizi duten errealitatea.


Irakurrienak
Matomo erabiliz
Azoka
Kanal honetatik interesatuko zaizu: Prostituzioa
Carolina Clemente, sexu langilea
"Puta estigma emakume guztiok kontrolatzeko dispositibo bat da"

Ogibidea eta izatea bereizi ezin bizi da Carolina Clemente (Bartzelona, 1985). Sexu langilea da, eta duela hiru urte Donostiara etorri zen lanera eta bizitzera: «Euskaldunok duzuen indarra gustatzen zait, antolatzeko eta protestarako. Nire estigma borrokatzeko inspirazio... [+]


Bi pertsona atxilotu dituzte Gasteizen emakumeak prostituitzera behartzea leporatuta

Haien ia biktima guztiak egoera irregularrean dauden atzerritarrak dira, bizirauteko euren borondatearen kontra prostituitu behar izan direnak.


2023-09-07 | Irutxuloko Hitza
Venezuelako zazpi emakume Donostiako pisuetan prostituitzeaz akusatutako talde bat epaituko dute

Irailaren 14tik aurrera, bost gizon eta bi emakume epaituko dituzte, talde espainiar-venezuelar bateko ustezko kideak, ustez egunean 24 orduz, astean zazpi egunetan, Donostiako pisuetan “edozein motatako sexu zerbitzuak” ematera behartzen zituzten Venezuelako zazpi... [+]


Sexu langileen hitzak erdigunean

Puta zikinak liburua sexu langileen baldintza materialez, burutazioez, antolakuntzaz eta problemez mintzo da. Nerea Fillatek eta Hedoi Etxartek, Katakrak argitaletxeko editoreek, Iruñean aurkeztu dute liburua.


2023-03-14 | Euskal Irratiak
Sexu langileen lekukotasunak biltzen dituen liburu baten kontra oldartu da CAPP kolektibo feminista Baionan

Katakrak argitaletxearen Puta zikinak liburuaren kontra oldartu da CAPP Collectif Abolition Porno Prostitution kolektibo feminista Baionan, Elkar liburudendan. Juno Mac eta Molly Smith idatzi liburuaren azalak urratu eta "Prostituzioa: bezeroak, bortxatzaile... [+]


Eguneraketa berriak daude