Sexu erasoen aurka milaka lagun atera dira kalera Iruñean

  • Manifestazioa Gaztelu plazatik atera zen ostegunean 21:00etan eta bertan parte hartu zuten milaka lagunek gogor salatu zituzten Sanferminetan gertatu diren sexu erasoak.

ARGIA @argia
2017ko uztailaren 14a
Milaka pertsonak protesta egin zuen Iruñean sexu erasoen aurka. (Argazkia: Ekinklik)

Erasoen aurkako Emakumeen Plataformak eta Gora Iruñeak egin zuten deialdia, eta Peñen Federazioak eta udal agintariek bat egin zuten protesta bilkurarekin. Peñetako pankartak morez jantzi zituzten. Gaztelu plazan hasi, hiriaren erdiguneko hainbat kale zeharkatu eta abiapuntuan amaitu zen manifestazioa. Bertan egindako hitzaldian, Sanferminetan hiru sexu eraso izan direla aipatu zuten antolatzaileek.

Horietako batean, gizonezkoak ukituak egin zizkion Gaztelu plazako Iruñea kafetegian dantzan ari zen emakumezko bati, eta emakumeak bere burua defenditu zuenean, aurpegian kolpatu zuen lurrean konorte gabe utziz. Tabernatik alde egin ondoren, geroago atxilotu egin zuten kalean eta epaileak espetxera sartu du, akusazio partikularrak hala eskatuta. 

Gisa honetako eroso gogorrez gain, beste eraso sexista asko ere izaten ari direla salatu zuten mikrofonotik. Azpimarratu zuten eraso hauek ez direla Sanferminetan edo festetan bakarrik izaten, egunerokoak direla eta mundu osoan gertatzen direla. Festetan gozatzeko eskubidea dutela aipatu zuten eta beldurrik izan ez arren, ez dutela “ausartak izan nahi, libreak baizik”.

Argazkiak: Ekinklik


Sexu abusuak kanaletik interesatuko zaizu...
"Konturatu gabe eraso sexista baten partaide pasiboa bihurtu nintzen"

Alberto Fernandez Torresek iritzi testua bidali du Aiaraldea hedabidera Gabonzaharretako eraso matxista bat salatuz.


2017-12-20 | ARGIA
Bernard Law hil da, Bostongo apaizen pederastia kasuak ezkutatu zituen artzapezpiku ohia

Bernard Law kardinal estatubatuarra Erroman hil da asteazken goizean 84 urterekin. Bostongo artzapezpikua izan zen eta eliza katolikoaren pederastia kasuak ezkutatzeaz akusatuta utzi zuen kargua. Duela bi urte film onenaren Oscar saria irabazi zuen Spotlight filmeak berriz ekarri zuen lehen lerrora eskandalua.


2017-11-29 | Euskal Irratiak
"Gardentasuna falta da Elizak egindako sexu abusuen gaian, garbiki hitz egitea"

“Ez duzu abusatuko. Pederastia kasuak Euskal herriko Elizan”. Liburua hau plazaratu dute hiru kazetarik. Iñigo Astiz, Miren Rubio eta Alberto Barandiaranek. Alberto Barandiaran, goiz berriko gomita ginuen:


Sinesten dizugu

Aurrena, atari batean bost gizonek bortxatzen zaituzte, bideoz grabatu eta aldean zenituen gauza apurrak lapurtu. Ondoren, espiatzen zaituzte, umiliatuta ere,  bizitza “arrunta” daramazula esateko.


2017-11-21 | Jon Torner Zabala
Haurren kontrako sexu indarkeriaz jardunaldiak Leioako campusean

Hainbat datu gordin eman du EHUk, jardunaldiak testuinguruan kokatze aldera: lau neskatotik batek eta zazpi mutikotik batek sexu indarkeria jasan dute 13 urte bete aurretik. Kasuen %90etan, haurraren familia edo inguru hurbilekoa da erasotzailea


2017-11-20 | Arabako Alea
Gizon bat atxilotu dute Gasteizen, emakume bati erasotzea egotzita

Eraso matxista Gasteizko Santa Barbara plazan gertatu zen igande goizean. Gertaera gaitzesteko elkarretaratzea deitu dute astearterako. Udaltzaingoak gizon bat atxilotu zuen igande goizean bertan.


"Sinesten zaitugu", hainbat hiritako kaleak bete dituen garrasia

"Nazkatuta gaude, ikusteaz nola sexu-indarkeriaren biktima den etengabe auzitan jartzen dena". Sanferminetako bortxaketaren epaiketako gehiegikeria judizialak salatzeko, milaka pertsona bildu dira azken egunotan Irun, Madril, Bartzelona, Sevilla edo Valladolid bezalako hirietan.


Bortxatuak izango direnentzat bost ohar

Bortxatzen bazaituzte, 1) egiozu aurre erasotzaileari, baita bost gizonkote badira ere; shock egoeran, isilik eta geldi, begiak itxita jasaten baduzu bortxaketa, sexu-erasoa onartu ote zenuen planteatuko dute epaiketan eta iritzi publikoan.


Sanferminetan emakume bat bortxatzeagatik epaiketa hasi da astelehen goizean Iruñean

22 urte eta 10 hilabeteko espetxe zigorra eskatzen du fiskalak ustezko bost bortxatzaileetako bakoitzarentzat. 10:00etan hasiko da epaiketa eta azaroaren 24an amaituko da. Andrea-Lunes Lilas elkarteak agerraldia eginen du epaiketa horren harira euren ikuspuntua azaleratzeko.


Lantokiko sexu gehiegikeriei aurre egiteko, protokoloa

Harvey Weinstein produktoreak emakume aktoreen aurka urte luzez eta industriaren konplizitateaz egindako sexu jazarpen eta gehiegikeriak azaleratu ostean, bere produktoratik eta Hollywoodeko Akademiatik kanporatu dute. Gurean ere badira botere-harremana baliaturik lan munduan sexu-erasoak egiten dituztenak, ez ordea halakoak atzeman eta neurriak hartzeko protokoloa duten enpresa askorik.


Azkenak
EGILEA
Eguneraketa berriak daude