Sexu erasoak salatu dituzte Zorrotzan eta Barañainen
Bi eraso sexista izan dira iragan berri den asteburuan. Emakume bati lapurreta egiten eta bortxatzen saiatu zen gizon bat ostiralean Bilboko Zorrotza auzoan. Ondoren, larunbatetik iganderako gauean, gazte batek bere bikotekideari fisikoki eraso egin zion Barañainen.
Zorrotzan erasoa jasan duen emakumea oraindik ospitalean dago, erasotzaileak eragindako lesioetatik osatzen. Erasoa ostiral goizean gertatu zen, emakumea txakurra paseatzen ari zela gizon batek haren kontra bortizki jo zuenean. Ondoko parking bateko langileek emakumearen oihuak aditu, eta bortxaketa galaraztea lortu zuten. “Zorrotza Bizirik” koordinakundeak salatu du indarkeria kasu hau auzoko “gune beltz” batean gertatu zela. Halaber, koordinakundeko kideek jazoerak gaitzetsi, eta manifestazioa deitu dute gaur arratsalderako.
Eusko Jaurlaritzako Segurtasun Saileko iturriek Europa Press-i adierazi diotenez, emakumeak salaketa ipini ostean Ertzaintzak gertaturikoa argitzeko ikerketa abiatu du.
23 urteko gaztea atxilotu dute Barañainen
Barañaingo indarkeria kasuari dagokionez, larunbat gauean gertatu zen, 23 urteko gazte batek kaletik etxerako bidean bere bikotekideari eraso egin zionean. Udaltzaingoak gaztea atxilotu, eta erasotuak haren aurkako salaketa jarri du.
Egoeraren aurrean Barañaingo Udalak indarkeria sexistaren aurkako protokoloa martxan jartzea deliberatu du. Plazaberri.info-ri bidalitako txosten batean adierazi duenez, Barañainen gertatzen den biolentzia matxista kasu oro salatzen du eta salatuko du aurrerantzean. Era berean, iragarri du Barañaingo talde feministek azken erasoaren karietara antolatuko dituzten mobilizazio guztietan parte hartuko duela.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]