Txosna Batzordeak deitu du bilkurara. "Ozen esan nahi dugu, emakume baten kontrako erasoa emakume guztion kontrako erasoa dela, eta ez dugu onartzen inoren aurkako erasorik", dio kolektiboak plazaratutako oharrak. "Txosna Batzordeak ongi daki eraso hau ez dela gertaera bakan bat izan. Indarkeria patriarkala mantentzen eta erabiltzen duen sistema oso baten baitan kokatzen dugu erasoa. Honen aurrean, txosnagunea gune aske bilakatzeko bidean, guztion laguntza eta konpromisoa beharrezkoa dela deritzogu".

Ardura "guztiona" den neurrian, herritar guztiak deitu dituzte elkarretaratzera.