Sententziaren zain geratu dira auzi politiko baten aurka protestatzeagatik epaitutako 50 lagunak

  • Alcala de Henareseko auzitegian izan da berrogeita hamar lagunen aurkako epaiketa. 2015eko epaiketa batean egindako ekimen sinboliko batengatik, desordena publikoa egotzi zieten, bost hilabeteko espetxe zigorra eskatuz bakoitzarentzat. Asteartean eman dute amaitutzat epaiketa, eta sententziaren zain geratu dira.

Topatu.eus @topatu_eus
2018ko urtarrilaren 10a

2013. urtean sortu berri zen Ernai Gazte Antolakundeak Gazte Danbada antolatu zuen Urduñan. Ekitaldi nagusiaren egunean, Xabier Lopez Peña preso politikoa espetxean hil izana salatu zuten. Fiskaltzak eta AVT elkarteak, terrorismoari gorazarre egitea leporatuta, bina urteko kartzela eskatu zuten Ernaiko zazpi kiderentzat. Topatu komunikazio proiektuko kide batentzat eta Periko Solabarriarentzat, berriz, urte eta erdikoa. Azkenean, ordea, azken honen aurkako karguak epaiketa hasi aurretik kendu zituzten. 

2015. urteko maiatzean jarri zuen epaiketarako data Angela Murillo epaileak, Segi gazte antolakundearen aurkako makro-epaiketan aste batzuk lehenago talde terroristako kide izatea egotzita zazpi gazte espetxeratu zituen epaile berberak. 

Epaiketa iristean, desobedientziaren aldeko hautua egin zuten epaituek ekimen sinboliko baten bidez. Zortzi akusatuak altxatu ziren, espetxeratuen argazkiak soinean zituztela eta herri harresi bat irudikatuz; publikoko kideek, berriz, gazteak babestu zituzten. Momentuko akusatuei zein publikoari, desordena delitua egotzi zieten. 

Hiru urteren ostean, asteartean izan dute epaiketa. Goizean goiz gerturatu dira epaituak Alcala de Henareseko epaitegira. Auzipetu guztiak izan dira deklaratzen lehenak. Publiko gisa zeudenek epaiketa hartan ez zutela txalotu eta ezer ez zekitela azaldu dute; auzipetuak zirenek berriz, herri harresia protesta sinboliko gisa egin zutela adierazi dute. 

AVTko abokatu baten txanda izan da ostean: lekuko gisa deklaratu du. Publikoko jendea oihuka hasi zela esan du, aulki gainera igo ez ote ziren gaineratuz. Epaiketaren unean aretoan zeuden bi poliziek ere eman dute euren lekukotza, publikoa pixkat bat tiratu eta ondoren euren kabuz irten zirela azalduz. 

Abokatuetako batek adierazi du ezin dela argudiatu publikoko kideetako bakoitzak txalotu zuenik; eta beraz, guztien absoluzioa eskatu dute defentsaren abokatuek, “eragozpena ez zelako larria izan eta ez dagoelako frogarik”. Fiskalak eskaerei eutsi die, bost hilabeteko espetxe zigorra bakoitzarentzat. 

Auzipetutako 50 lagunen irakurketa

"Bi urte baino gehiago igaro dira, eta hemen gaude berriro ere. Badirudi beste bizitza batean izan zela 2013an Urduñan Ernaik ospatutako Gazte Danbadako ekitaldiaren harira, bederatzi euskal herritar terrorismoari gorazarre egitea leporatu eta 2 urteko espetxe eskaerarekin Madrilera, Audientzia Nazionalera, jaitsarazi gintuztenetik. Xabier Lopez Peña euskal presoa hil zen bat-batean ospitalean, baina espainiar justiziak, nahiago izan zuen beste albo batera begiratu, eta gu ikertu. Gazteok ekitaldian berari eta bere sendiari egindako elkartasun keinua, baita Topatu proiektu komunikatiboak egindako albistea ere, delitu bihurtu zituzten. 

2015eko maiatzean jarri zigun epaiketarako data Angela Murillo epaileak, Segi gazte antolakundearen kontrako makro-epaiketan aste batzuk lehenago talde-terroristako kide izatea egotzita zazpi gazte espetxeratu zituen epaile berberak, hain zuzen. Hainbat hilabetez luzatu zen fartsa izan zen epaiketa hori, gazte mugimendua, gazte militantzia, eta oro har, euskal gazteria kriminalizatzea eta zigortzea helburu zuena. Azken hilabeteotan agerian geratu den espainiar justiziaren erabilera politikoaren bidegabekeria bat gehiago izan zen hura. Epiaketa politiko bat, finean. 

Horregatik, epaiketa iristean, interes politikoen gainetik dagoen justizia defendatzeko desobedientziaren aldeko hautua egin genuen ekimen sinboliko baten bidez: epaiketako une batean, zortzi akusatuok altxatu, eta akusatuok zein orduko publikoak soinean generamatzan 'Libre' kamisetak kendu eta Angela Murillok espetxeratutako gazteen aurpegiak utzi genituen agerian. Keinu sinboliko hori nahikoa izan zen zortzi akusatuak zein elkartasuna adieraztera joan ginen lagun guztiak desordena delitu baten aitzakiapean auzipetzeko. Epaiketa politiko bat hau ere. 

Ironikoki, aste batzuk geroago, Auzitegi Gorenak berak arrazoia eman zion gure aldarrikapenari eta Bergoi Madernaz, Ainhoa Villaverde, Xabat Moran, Marina Sagastizabal, Aiala Zaldibar, Igarki Robles eta Ibon Esteban aske utzi. 

Hala ere, hemen gaude denok berriz ere bi urte geroago, Alcala de Hernareseko epaitegian, Euskal Herri osoko eta Madrileko 50 gazte, bakoitzak bost hilabeteko espetxe eskaera bizkar-gainean. Euskal herritar gehiegik egin behar izan duten eta egiten jarraitzen dugun bidea eginez berriro. Elurrez eta izotzez betetako errepideetan bidea arriskatuz, soberan ez dugun dirua xahutuz eta indar fisiko zein psikologikoak ahituz. Duela ez hainbeste bide bera egin zuten lagun batzuek zioten bezala, 'basque lives matter', baina ez justizia espainolari. Denborak aurrera egingo ez balu bezala, epaitegietara kateatuta nahi gaituzte, isunek eta espetxe eskaerek itota, hari fin baten gainean kolokan beti... baina guk argi dugu, bide luze batean jarri nahi dizkiguten harriak dira, elkartasunak eta borrokak merezi dute. 

Horregatik, epaiketa honen zentzugabekeria salatu nahi dugu. Noren buruan sar daiteke kamiseta batzuk erakusteagatik, edo besterik gabe, lagunei elkartasuna adierazteko epaitegian bertan egoteagatik norbait auzipetzea? 50 lagun auzipetzea? Euskal Herria zapaltzeko errepresioa eta epaitegiak erabiltzen dituztenen buruan bakarrik. Badirudi ez dutela ulertu epaiketa bat gehiago ez dela nahikoa izango elkartasuna eteteko, lege eta sententzia injustuei men egiteko. Hamaika bider frogatu dugu alferrikako estrategia dela, eta gaur ere hala egingo dugu. Errepresioaren eta mehatxu judizialen gainetik, euskal gazteriak libre bizi eta borrokatzen jarraitzeko apsutua egiten dugu! 

Azkenik, bukaezinak diren prozesu judizial hauetan zehar utzi gaituen Periko Solabarria gogora ekarri nahi dugu. Danbadako ekitaldian auziperatu zuten hura ere, eta osasun arrazoiak zirela eta ezin izan zen madrilera jaitsi. Zalantzarik gabe, bestela, gurekin jaitsi beharko zuen hark ere. Azken unera arte borrokalari nekaezin, hilabete beranduago utzi gintuen. Azken unera arte LIBRE bizi izan zen, guk geuk ere egingo dugun bezala! 

50ok LIBRE! Epaiketa politiko gehiagorik ez!".

Albiste hau Topatu.eus-ek argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Epaiketak  |  Gazte mugimendua

Epaiketak kanaletik interesatuko zaizu...
2018-04-18 | Axier Lopez
Altsasuko auzia
Guardia Zibil baten emaztearen bertsioa gezurtatzen duen argazkia

Altsasuko gazteen aurkako epaiketan, asteartean Guardia Zibileko teniente baten emazteak –Maria Jose izenekoa–, behin baino gehiagotan adierazi zuen auzipetuetako bat, Adur Ramírez de Alda, kamiseta gorriz jantzita zegoela erasoak gertatu ziren gauean. Altsasuko gazteen gurasoek igorri duten argazki honetan argi ikusten da hori ez dela egia.


2018-04-09 | Lander Arbelaitz
Zer gertatzen da Errazkin eta Intxaurrandietaren epaiketarekin?

Ostegunean epaituko dituzte Madrilgo Kontu Epaitegian 2013an Gipuzkoako erraustegi gaindimentsionatua geratu zuten Iñaki Errazkin eta Ainhoa Intxaurrandieta. Lehena Ingurumen diputatua zen eta bigarrena Gipuzkoako Hondakinen Kontsortzioko burua, biak EH Bilduko kideak.


Altsasuko gazteen auziaren berri emateko martxa Iru˝errian izanen da asteburuan

Hiru bizikleta zutaberen bidez egituratuko dute deialdia larunbatean: Berriozartik aterako da bat, 10:30ean; bigarrena, Barañaindik, 11:00etan; eta, azkena, Atarrabiatik, 11:00etan. Gazteluko plazan elkartuko dira denak, 13:30ean.


2018-03-12
Ruben Ollo "Olazti" atxilotu dute Auzitegi Nazionalera eramateko

Ruben Ollo "Olazti", La Haine eta Ahotsa hedabideetako kolaboratzailea, poliziek atxilotu dute gaur eguerdiz Iruñean, dirudienez Madrilgo Auzitegi Nazionalera eramateko. 'Terrorismoaren gorazarre' egiteagatik atxilotua 2017ko irailaren 7an, urtarril honetan jakinarazi zuen uko egiten ziola Madrilen deklaratzera azaltzeari.


2018-03-09 | ARGIA
The Altsasu Case: a brawl, 480 days in prison, and support from thousands of people

A demonstration had been organised for 14th April in Iruñea in support of the three young people who have been held in prison for almost a year and a half, and to demand they be given a fair trial. After a pub brawl with two members of the Civil Guard (Spanish armed forces), they were arrested and have been held in custody since then.


2018-03-02 | Axier Lopez
Izendatu dute Altsasuko gazteen epailea: Valtonic espetxeratu eta Guardia Zibilaren saria jaso duen Concepciˇn Espejel

Concepción Espejel epailea izendatu dute Altsasuko gazteen epaiketa zuzentzeko. Gazteen abokatuek Espejel kasutik aldentzea eskatu dute, Guardia Zibilaren koronel batekin ezkonduta dagoelako eta Guardia Zibilak “Merezimenduzko Saria” eman ziolako, besteak beste.

 


2018-02-09 | Aiaraldea.eus
"Lasai eta indartsu noa kartzelara, badakit herri osoa dudala atzean"

Julen Ibarrolari (Amurrio, 1993) urtebeteko kartzela zigorra ezarri dio Espainiako Auzitegi Nazionalak, errotulki batekin pintaketa bat egiteagatik. Terrorismoa goratzea leporatzen diote.


Auzitegi Nazionalera joateari uko egin dio La Haine eta Ahotsako kolaboratzaile batek

Terrorismoa goratzea egotzi diote Ahotsa.info-ko eta LaHaine-ko kolaboratzaile Ruben Ollo Olazti-ri eta prentsa ohar baten bidez ohartarazi du "desobedientzia" ariketa egin, eta ez dela epaitegira azalduko.


2018-01-08 | Topatu.eus
50 lagun epaituko dituzte asteartetik aurrera Madrilen, epaiketa batean herri harresia irudikatzeagatik

Alcalá de Henareseko epaitegian izango da 50 lagunen kontrako epaiketa. Bost hilabeteko espetxe zigorra eskatzen dute bakoitzarentzat 2015eko epaiketa batean publiko gisa herri harresia irudikatzeagatik eta gazte auzipetuei babesa emateagatik.


2017-12-24 | Andoni Mikelarena
80 urteko zigor eskaera sei antifaxistarentzat
Zapaldua zapaltzailearekin parekatzeko saiakera

2013ko urriaren 12an, ustez, neonazi batzuei eraso egitea egotzita auzipetu zituzten Kataluniako sei antifaxista. Azaroaren 29an amaitu zen epaiketa eta auzitegiak erabakiko duenaren zain daude. Gorroto delituen Fiskaltzak hamabosna urteko kartzela zigorra eskatu du bost akusaturentzat eta lau urte eta erdikoa seigarrenarentzat. Zapaldua eta zapaltzailea maila berean jarri nahi izan dituztela salatu dute auzipetuek. Egoeraren berri emateko Euskal Herrian izan dira eta ARGIAk haiekin hitz... [+]


Azkenak
EGILEA
Eguneraketa berriak daude