Sei maputxe gose greban, horietako bat 40 egunetik gora eta "bizia emateko prest"

  • Trangol anaiek haien sententziaren aurka protestatzeko eta Celestino Cordovari elkartasuna adierazteko hasi zuten gose greba uztailaren 4an. Beste hiru pertsona ere gose greban daude arrazoi beragatik

Asier Gonzalez de San Pedro @asiertxiki98
2018ko uztailaren 11
Celestino Cordova machi maputxea (Argazkia:el desconcierto)

Eliza ebanjeliko bat erretzea egozten diete bi anaiei. Pablo eta Benito Trangol presoek beren epaiketa bertan behera uzteko eskatuz ekin diote gose grebari. Frogarik gabe eta inork aurpegirik eman gabeko testigantzen bidez epaitu dituztela salatzen dute.

Resumen egunkari txiletarrari bidalitako oharrean jakinarazi dute Pablo eta Benito Trangolek “erabaki drastiko hau hartzera behartu” dituztela nahiz eta “aurreko gose greban hil zorian egon”.

Trangol anaiek argitaratutako oharra

Honekin batera, Celestino Cordova machi-ari (Maputxeen autoritate erlijioso eta espirituala) elkartasuna adierazi nahi izan diote. 102 egun pasa zituen lehenengo gose greban eta 40 egun bete ditu uztailaren 10ean urtebeteko bigarren gose greban, “Maputxe herriak sufritzen duen errepresioa salatzeko”. 2013an gertatutako hilketa bat egozten diote, Werner Luchsinger enpresariaren hilketa eta bere emaztearena Vivianne Mackay. Defentsak dio guztia muntaia dela eta bere bezeroa errugabea dela.

Beste hiru pertsona hasi dira gose greban elkartasuna adierazteko Celestino Cordovari. Honek eskerrak eman zizkien uztailaren 4ean argitaratu zuen audio baten bitartez eta “beharrezkoa bada bizia emateko prest” dagoela adierazi zuen.

Cristobal Reumay, machi-aren elkartasun sareko kidea, eta Manuel Salvatierra, rastafari mugimendu bateko kidea, uztailaren 1ean hasi ziren gose greban. Trangol anaien egun berean (uztailaren 4an), zuzenbideko ikaslea den Carlos Perezek gose grebari ekin zion, “machi-aren eskubideengatik, osasun eta ekintza espiritualen eskubideen alde”. Beste kolektibo batzuei gose grebara gehitzeko dei egiten die Cordova machi-ak.

Txileko Giza Eskubideko Unibertsitateko eta Unibertsitate Indigenako bi katedrek La Monedari bidalitako ohar batean elkartasuna adierazi diote machi-ari eta bere rewe, maputxeen antzinako erritua, aldaketako zeremoniara joateko elkartasuna adierazi diote.

Hainbat ekintzatan parte hartzera gonbidatzen dute gizartea, uztailaren 12an Santiago hirian egingo den ekintza musikalera gerturatzeko.

Hemen gose greban dauden maputxeen datuak:

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Maputxe herria  |  Txile

Maputxe herria kanaletik interesatuko zaizu...
46 egun daramatza gose greban Celestino Córdova preso maputxeak

Celestino Córdova maputxeak 2018ko urtarrilaren 13an hasi zuen gose greba. Córdova “Machi”-a da, alegia, maputxeen “arbasoen autoritate espirituala”, eta Temuco hiriko kartzelan dago preso.


2018-02-19 | ARGIA
Maputxeak Korrika, mapuzugunaren alde

Otsailaren 16an mapuzugunak Temuco hiriko plaza nagusia hartu zuen eta maputxeek festa giroan hizkuntzak espazioak errekuperatzeko aldarria egin zuten.


2018-01-05 | ARGIA
Aita Santuaren bisita dela eta protestak abiatu dituzte maputxeek

Temuco hiriburuko Garapen Indigenarako Erakunde Nazionalaren egoitza okupatu zuten dozenaka maputxek abenduaren 26an. Euren komunitatearen parte diren 7.000 lur hektarea itzultzeko eskatzen dute, lur horietan emango du meza Aita Santuak hil amaieran.


2017-10-18 | Andoni Mikelarena
Santiago Maldonado ekintzailearena izan daitekeen gorpu bat aurkitu dute Argentinan

Abuztuaren 1etik desagertuta dago gazte argentinarra. Azkeneko aldiz Herri Maputxearen aldeko mobilizazio batean ikusi zuten, poliziaren jipoiak jasotzen ari zela.


2017-09-01 | Xalba Ramirez
Benetton eta Argentinako estatua Maldonadoren desagerpenaren erantzuletzat jo dituzte

Abuztuaren batetik desagertuta dago Santiago Maldonado gazte argentinarra. Azkeneko aldiz herri maputxearen aldeko mobilizazio batean ikusi zuten Poliziak bera jipoitzen zuen bitartean. Benetton multinazionalak erositako maputxeen lurrengatik ari ziren protestan.


Txiletik kanporatu duten Iban Gartziaren bizipenak bideo batean

Uztailaren 21ean atxilotu zuen Gartzia Txileko Estatuko Poliziak. Bere aurka kanporatze agindua zegoela argudiatuta hurrengo egunean bidali zuten Espainiako Estatura. Askapena Euskal Herriko erakunde internazionalistak bideo batean bildu du Gartziak egun hartan bizitakoa.


2016-07-22 | Antxeta Irratia
Iban Gartzia irundarra atxilotu eta Txiletik kanporatu dute

Atzo arratsaldean atxilotu zuten, Txileko Estatuko Maputxe herriko komunitate batean zegoen euskal militantea. Ostegunero bezala, Maputxe herriaren historia ezagutzeko, eta Maputxeen Mapudungun hizkuntza ezagutzeko, unibertsitateko klasera zihoan militante irundarra. Momentu horretan, unibertsitatean, txiletar polizia agertu, atxilotu eta bere kontra kanporatze agindua zegoela esan zion.


2016-02-25 | Lander Arbelaitz
Maputxeraren ofizializazioa eskatu dute 2.000 lagunek Temucon

Maputxeraren ofizialtasuna eskatzeko manifestazioa egin dute Temucon ostiralean. 1.500 eta 2.000 lagun artean bildu dira Mapuexpress gunean jaso dutenez. Hizkuntzaren aldeko lanean ari diren hainbat erakunde eta alderdik deitu dute mobilizazioa.


2015-02-25 | Lander Arbelaitz
"Euskararen mugimendua ezagutzea senide batekin topo egitea bezala izan da"

“Zertarako lorpen guztiak, hizkuntzarekin batera nortasuna galtzen badugu?”. César Pilataxi kitxuaren gogoetak zabaltzen du Beltzean Mintzo: Ameriketako jatorrizko hizkuntzen arnasaz dokumentala. Zer ari da gertatzen Atlantikoaren bestaldean? Euskaldunon esperientziak nola lagun dezake prozesu horretan? Garabide elkarteak gaia mahai gainean jarri nahi izan du lan honekin.


Cantata a Ranquil
Txileko historiak ezkutatutako sarraskia bertsotan

Bada Txileko historiografia ofizialak gordeta duen pasarte lotsagarririk eta halakoen iturburua, hainbatetan, lurraren jabetza izaten da. Ranquileko sarraskia da horietako bat: Ivan Fernandez historialari eta konpositoreak ikertu eta ezagutzera eman du kantata baten bidez.


Eguneraketa berriak daude