Zazpi hizkuntzatan azpititulatu dute dagoeneko "Motxiladun umeei" buruzko 'Ur Handitan' saioa
Joan den astean ETB1 katean emititu zuten Ur Handitan saioa beste hizkuntzetan eskuragarri jartzeko ekimena abian da. Astebetean ondorengo hizkuntzetara itzuli du jendeak: gaztelaniara, frantsesera, katalanera, asturierara, galizierara eta ingelesera. Astelehen gauean alemanierara itzulpena amaitu dute eta hau da zazpigarren hizkuntza.
Lehen aldia da herritarrak modu honetan ETBko saio bat azpititulatzen dutela. Ekimena Eneko Oroz lasartearrak abiatu zuen, Twitterren @ameslaria gisa ezaguna.
Aurrez aipatutakoez gain, ondorengo hizkuntzetara itzultzen ere ari dira: Aragoiera, arabiera, esperantoa, irlandako gaelerara, italierara, gerogierara eta errusierara.
Edonork hizkuntza hauetako itzulpena lagundu nahi badu, edo beste edozein hizkuntzatara egin nahi badu, egin dezake. Amara zerbitzuaren bidez ari dira programa itzultzen. Loturan sartu eta goian eskuinean dagoen botoiarekin saioa hasi behar da. Sare sozialetako kontuekin egin daiteke, erregistratu gabe.
Youtuben bideoa hizkuntza horietakoren batekin ikusteko, azpitituluak aktibatu behar dira Youtubeko playerrean.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.