Sei atxilotu Arabako Aldundiaren zaintzapeko adingabekoen prostituzio kasua dela eta

  • Sei pertsona atxilotu dituzte orain arte Sansoheta (Gasteiz) zentroan bizi ziren hainbat adingabekoren ustezko prostituzioari buruzko ikerketaren barruan, EAEko Barne Sailak baieztatu duenez. Arabako Foru Aldundiaren ardurapeko zentroa da Sansoheta; gurasoei zaintza kendu ostean erakunde horren zaintzapean geratu diren adingabekoak bizi dira bertan. Kudeaketaz Urgatzi arduratzen da, irabazi asmorik gabeko Bizkaiko elkarte bat.


2016ko azaroaren 15an - 16:35
Sansoheta zentroko sarrera.

Prostituzioagatiko lehen salaketa apirilean ipini zen, baina orduan abiatutako ikerketak ez zuen aurrera egin. Gaia urrian berpiztu zen, Sansohetan bizi diren gazteetako batek tutoreari esan zionean prostituitu egiten zela. Zentroko arduradunek horren karietara nerabeekin egindako elkarrizketen arabera, guztira 14 eta 17 urte arteko bost gazte daude inplikatuta (bederatzi, zenbait iturriren arabera).

Sei atxilotuetako bat psikologo klinikoa da. Aldundiko Gizarte Zerbitzuetako diputatu Beatriz Artolazabalen esanetan, pertsona horrek ez ditu inoiz nerabeak zuzenean artatu. Prostituziorik izan bada zentrorik kanpo gertatu dela gaineratu du Artolazabalek. Sansohetan bizi diren adingabeak erregimen irekian daudela gogoan izan behar da.

Beste bost atxilotuak azaroaren 15ean atzeman ditu poliziak, eta hau idazteko unean ez da zabaldu haiei buruzko daturik. Gasteizko bigarren instrukzio epaitegiak sekretupean jarri du sumarioa.     


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Adingabekoen eskubideak
2024-03-08 | ARGIA
Espainiako Eliza Katolikoak 1.000tik gora pederastia kasu aitortu ditu

Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]


Haurren eta nerabeen aurkako sexu-abusu kasuak atzemateko protokolo berriak eskatu ditu Gasteizko Legebiltzarrak

Neurri eta gomendioak biltzen dituen txosten bat aurkeztu du Legebiltzarreko batzordeak; esaterako, Osakidetzan, ikastetxeetan eta Ertzaintzan protokoloak berrikusteko eta eguneratzeko premia.


Indarkeria sufritzen duten hamar adingabeetatik zortzi neskak dira

Save the Children erakundeak adigabeen kontrako sexu erasoei buruzko sententziak aztertu ditu. Datuok soilik “icebergaren punta” direla azpimarratu dute, kasuen %15a baino ez baitira salatzen.


2023-09-24 | Estitxu Eizagirre
Entrenatu gaitezen indarkeria ez erabiltzen

Kirola ahalik eta jende gehienek eta ahalik eta urte gehienetan egitea mesede da gizarte osasuntsu baterako. Baina ikerketen arabera, kirola egiten duten hamarretik ia zortzik indarkeria egoeraren bat jasan du. Izan daitezke irainak, oihuak, kolpeak, zigor fisikoak, arretarik... [+]


Eguneraketa berriak daude