Seaskako ikastolek argia itzaliko dute ordubetez, Kaskarotenearekin elkartasunean
Seaskako 31 ikastolek ostiralean argirik gabe emango dituzte klaseak 11:00etatik 12:00etara. Ziburuko ikastolari elkartasuna adierazi nahi diote horrela, bertako haurren egoera irudikatzeko eta, bide batez, argindarraren ekarpenaz jabetzeko.
Ikastoletako lehendakari eta ordezkariak Kanbon elkartu dira asteazken arratsaldean, Kaskarotenea ikastolaren egoera aztertzeko. Guy Poulou auzapezak argindarra moztu dienetik, elektrizitate sorgailu batekin dabiltza martxan.
Naizek jaso duenez, Kaskaroteneari gertatu zaiona "beste edozein ikastolari" gerta dakiokeela ohartarazi du Seaskak, euskara ofiziala ez den bitartean.
Kaskaroteneako haurrak Marinela gunetik kanporatu nahi ditu Ziburuko auzapezak. Argindarra mozteaz gain, eguneko 100 euroko isuna ordaintzera behartuta daude.
Informazio gehiago:
Laida Mujika Kaskarotenea ikastolako zuzendariari elkarrizketa.
10.000 euro emango dizkio Udalbiltzak Ziburuko ikastolari.
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.
Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.
Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]
Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.