"Sareri 2015ean konfiskatutako dirua itzultzeko eskatzen dugu"

  • Otsailaren 23an Espainiako Auzitegi Nazionalean Sarek jarritako helegitea aztertuko dutela eta, Euskal Herriko hainbat pertsona ezagunek, tartean bi lehendakari ohik, eskatu dute itzultzeko euskal preso politikoen eskubideen alde lanean ari den elkarteari 2015ean Guardia Zibilak inkautatutako 104.000 euroak.

Lander Arbelaitz @larbelaitz
2017ko otsailak 14
Prentsaurrekoa egin dute Bilbon atxikimendua eman duten hainbat pertsonak. (Argazkia: Sare)

Hauek izan dira manifestua sinatu duten pertsonak:

Carlos Garaikoetxea eta Juan Jose Ibarretxe lehendakari ohiak; Xabier Arzalluz EAJ-ko lehendakari ohia, Begoña Errazti EA-ko lehendakari ohia; Dani Arranz Bizkaiko Gobernadore Zibil ohia; Andoni Aizpuru, Pili Kaltzada, Xabier Euzkitze; Juan Kruz Lakasta, Mirentxu Purroy edo Martxelo Otamendi kazetariak; Iñigo Iruin, Felix Cañada, Juan Maunel Castells, Bego Atxa, Jone Goirizelaia, Jose Mari Compains, Elisabete Bizkarralegorra, Iñigo Santxo, Arantza Campos, Begoña Crespo, Pedro Ibarra edo Alvaro Reizabal abokatuak; Paul Rios, Maite Aristegi edo Juan Mari Olano; Ainhoa Etxaide, Jesus Uzkudun edota Xabier Anza sindikalistak; Iñaki Zarraoa, Getxoko alkate ohia eta Juan Karlos Goienetxea, Bermeoko alkate ohia; Ramon Zallo, Paco Letamendia, Iñaki Lasagabaster, Aitor Bengoetxea, Jule Goikoetxea eta Yolanda Jubeto unibertsitateko irakasleak; Xabier Oleaga, Kepa Junkera, Gontzal Mendibil edo Eñaut Elorrieta; Jesus Mari Zamora edota Iker eta Eneko Pou kirolariak; Karmen Galdeano biolentziaren biktima, Bixente Serrano Izko Geroa Baiko diputatu ohia eta Iñaki Aldekoa, Aralarko batzarkide ohia; Tontxu Campos edo Javier Madrazo Eusko Jaurlaritzako sailburu ohiekin batera.

Gogorarazi dute otsailaren 23an Espainiako Auzitegi Nazionalean aztertuko dutela Sarek jarritako helegitea. "Harritzekoa egiten zaigu, irizpide independente ezagatik barregarri geratu direnek, oraindik ere injustuki atxikituriko dirua ez itzuli izana. Are gehiago, urte bat geroago, 2016an, beste manifestazio bat egin zela eta bertan eginiko diru bilketa herrikoia ez zutela konfiskatu jakinda".

"Justiziaren politizazioan, gobernuaren eskua noraino iristen den ikusi ahal izango dugu, eta estaldura juridikodun erabaki politiko berri batek, Sareri sekula kendu behar ez zitzaiona, eta ekonomikoki itoz ahultzeko xedez kendu zitzaiona, berreskuratzea oztopatzen duen edo ez egiaztatzeko aukera izango dugu". Dokumentua sinatzen dutenek Sareren jarduera babeste dutela eta "bakean izango den euskal jendartea eta elkarbizitza bidean" baturik daudela adierazi dute.

Manifestazioko diruaren konfiskazioa

2015ean Guardia Zibilak Auzitegi Nazionalaren agindua betez 104.000 euro konfiskatu zizkion Sareri, "inongo sostengu legalik gabe", salatu dutenez. Sarek hurrengo egunean publikoki jakinarazi zuen diru hori manifestazioan zehar 150 poltsatan jasotako dirua zela, eta manifestazioaren antolaketa gastuak ordaintzeko zela.

"Eta guzti hau, enbarazu egiten dielako Sarek. Hain justu, arbitrarioa eta injustua den epsetxe politika salatzen duelako, eta mendekuan ainguratuta, sufrimenduan betikotu nahi dutenak agerian jartzen dituelako egiten du enbarazu", salatu dute.

Segidan, 2015ean, ARGIAk egindako bideo muntaketa Guardia Zibilak publikatutako irudiei Info7 irratian Teresa Toda Sareko kideak egindako adierazpenak gehituta.

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
2017-09-19 | Xalba Ramirez
Garcia Justo euskal presoaren bikotekideak izandako istripua salatzeko protestak egiten ari da Etxerat

Dispertsio politikak zortzigarren istripua eragin duela salatu du Etxeratek. Asier Garcia Justo euskal presoaren bikotekideak irailaren 16an Badajozeko espetxera bidean zela izan zuen istripua. Elkarretaratzeetara deitu dute Hegoaldeko lau hiriburuetan.


2017-09-13 | ARGIA
Irailaren 16an egingo dute LKRTSN Eguna Arrasaten

Preso, errefuxiatu eta iheslariekin Elkartasun Egunaren hamabigarren edizioa egingo dute irailaren 16an Arrasaten. Ume jolasak, bazkaria, manifestazioa eta musika asko izango dira. Irailaren 9an izan zen atarikoa, gaztetxean emandako kontzertuarekin.


2017-09-07 | Xalba Ramirez
Sarek aurrera begira lan egiteko dokumentua aurkeztu du

Sarek 0km kanpaina nola garatuko duen azaltzen du aurkeztu duten dokumentuak. Jada hasita dagoen kanpaina hau urtarrilaren 13an Bilbon egingo den manifestazioarekin bukatuko da.


2017-09-05 | Ahotsa.info
"Terrorismoa goratzeagatik" 24 lagun deitu ditu deklaratzera Guardia Zibilak

Guardia Zibilak, Espainiako Auzitegi Nazionalaren aginduz, "terrorismoa goratzeagatik" Barañaingo bederatzi lagun eta Garesko beste hamabost deitu ditu deklaratzera. Zitazioetan aipatzen da ustezko delitu horiek herri horietako jaietan eman zirela. Egun horietan, euskal preso politikoen eskubideen aldeko ekimenak izan ziren. Barañaingo Udaletxera ere joan dira txosnen inguruko informazioa eskatzera.


Izar Donostian eskolatzeko eskatu dute ehunka lagunek

Intxaurrondoko ikastolan matrikulatu dute Sara Majarenasen alaba eta hilaren 7an hasiko da ikasturte berria, baina bai Sara Majarenasek bai Izarrek Alcobendasen (Madril) jarraitzen dute, harrera-zentroan. “Izar ikastolara” ozen aldarrikatu dute ehunka lagunek Donostian.


Juana Rivas, Sara Majarenas eta XXI. mendeko miserikordia etxeez

Michel Foucault eta enparauak irakurriz beti pentsatu izan dut Frantziako Iraultzaren ostean kontrola gorputzaren barneraino sartzeko mekanismo gisa antolatu zutela kartzela egitura osoa. Aurretik, zigor publikoa jasotzen zuten araua betetzen ez zuten horiek: urkamendia, eskua moztu lapurrei, borreroak plaza erdian… herritar guztiek zuten aukera espektakulua ikusteko, eta bide batez, agintariek ohartarazi egiten zieten herritar matxinatuei gizalegezko hiritar ez baziren ondorio horiek... [+]


Euskal, espainiar eta frantses burgesiaren azken defentsa lubakia

Zer adierazi nahi dugu lerroburu horretan? Bada, beharrezko dutela aurrean duten euskaldunek funtsezko gaiei planto ez egitea. Hau da, Euskal Herria praktikan herrialde okupatu gisa onartzea, okupatzaileei aurre egin gabe.


2017-08-18 | Xalba Ramirez
Rafa Diezi ongi etorri jendetsua egin diote Lasarte-Orian

Jendetza bildu da Lasarte-Oriako Okendo plazan Rafa Diez preso politiko ohiari harrera egiteko. Ostegunean goizean goiz aske utzi dute El Duesoko kartzelatik (Santoña, Espainiako Estatua) eta Muskizen lehen ekitaldia egin ostean 19:30ean iritsi da jaioterrira.


2017-08-17 | Xalba Ramirez
Rafa Diez: "Ez dago eliteen Maltzagarik, sindikalgintzan edo arlo sozialean bilatu behar dugu"

Muskizera iritsi eta harrera ekitaldi xumea antolatu du LABek. Diezen lehen hitzak euskal preso politikoei eta beren senideei eskaini dizkie, eta baita kartzelakide Imanol Vicenteri ere. Espainiako Estatuak presoen auzia “bahitu duela” salatu du, bake eta burujabetza prozesua blokeatzeko. Zentzu horretan uztailean kartzelan hil zen Kepa Del Hoyo presoa izan du gogoan.


2017-08-17 | Xalba Ramirez
Rafa Diez askatu dute

Goizeko 8:30ean geratu da aske Rafa Diez LAB sindikatuko idazkari nagusi ohia. Bateragune auziagatik sei urte eta erdiko zigorra osorik bete du.


Eguneraketa berriak daude