Sare sozialetan zabaldutako mezuengatik Euskal Herrian “hainbat lagun” atxilotu dutela salatu du AEMk
Amnistiaren Aldeko eta Errepresioaren Aurkako Mugimenduak (AEM) jakin duenaren arabera, Espainiako Poliziak hainbat pertsona atxilotu du Euskal Herrian, sare sozialetan zabaldutako mezuen bidez “terrorismoari gorazarre” egitea leporatuta.
Informazio hau ez du beste ezein erakundek zabaldu, ezta Espainiako Barne Ministerioak ere. Horren aurrean, AEMk salatu du atxiloketei ez zaiela “bonbo informatiborik” eman, “jakina baita Euskal Herrian adierazpen askatasunaren aurkako era honetako erasoek ez dutela inolako babes sozialik”.