Sara, euskal liburuaren "beste" azoka izan da 31. aldiz

  • Sarako Idazleen Biltzarraren 31. edizioa egin zuten astelehenean. Lapurdi, Nafarroa Beherea eta Zuberoako euskal idazleen zita nagusia da Sarakoa eta bertaratutakoei autoreekin aurrez aurre hitz egiteko aukera eskaintzen die.


2014ko apirilaren 22an - 00:00
Azken eguneraketa: 2015-02-26 13:37:33
Sarako Idazleen Biltzarra Ipar Euskal Herrian ezinbesteko zita da euskal liburuentzat.

120 idazle inguru eta ehunka irakurle bildu ziren argitaletxe handi zein xumeen "erakusleiho" bilakatu den Biltzarrean. Ur Apalategi, Utriusque Vasconiae argitaletxeko ordezkari eta idazleak Sarako azokaren “izpiritu demokratiko, sinple eta herrikoia” azpimarratu du. Durangoko Azokan erakusmahai bat eskuratzeko 900 euro ordaindu behar badira, Saran erakusmahaia doakoa dela esan du Apalategik.

Bestalde, Hego Euskal Herriko idazleen presentzia eskasa ere nabarmendu du idazleak: “Gu hara, hangoak hona, eta nahasi” egin beharko litzakeela esan du.

Eneko Bidegain idazleak Saran “denak berdin” direla adierazi du, Berriako kazetari Nora Arbelbidek jasotako hitzetan: “Danak gara berdin. Berritasunak ukan edo ez, prentsan atera edo ez”.

Euskal argitaletxeen presentzia nabarmena izan da. Elkar, Pamiela, eta Maiatzek, adibidez, hiruna mahai bete zituzten. Euskaltzaindiak, berriz, hiru liburu berri aurkeztu zituen: Piarres Charritton eta Battittu Coyosen lanak besteak beste.

Baxok, Rouleay eta Pagolari omenaldia

Erramun Baxok hizkuntzalari, ikerle eta Euskal Kultur Erakundearen lehendakari izandakoa, Patrice Rouleay marrazkilaria eta Manex Pagola kantugile eta ikerlaria omendu zituzten Biltzarrean, eta iaz omendutako Jean Haritschelhar euskaltzainburu izandakoari ere eskaini zizkioten zenbait hitz, irailean hil baitzen Haritschelhar.


Kanal honetatik interesatuko zaizu: Euskal literatura
Otsoa dator!

Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]


Uxue Alberdi. Hamarkada bi idazten (I)
Aulkitik aulkira, euli-giro eta Jenisjoplin, kontrako eztarritik dendaostera

Uxue Alberdiren lanari begira jarriko gara oraingoan. Lehenengo artikulu honetan helduentzako idatzi dituen ipuinak, eleberriak, saiakera eta kronika hartuko ditugu kontuan. Bigarren artikulu batean ilustratutako anekdotez, istorioez, filosofia liburuez eta idatzizko bertsoez... [+]


2024-02-12 | Jakoba Errekondo
Indi gaztainondoaren gerrateak

Zuloan sartuta egotea ez duk txarrena –esan zion Manuk–, txarrena duk ez jakitea noiz aterako haizen, edo inoiz aterako haizen ere. Lander Garroren Gerra Txikia nobelan, non gerra bateko iheslarien gorabeherak azaltzen dituen, pertsonaien artean, Anna Frank dakarte... [+]


2024-02-06 | Estitxu Eizagirre
Gorka Setien idazlea hil da

Gorka Setien Berakoetxea poemagile hernaniarra hil da otsailaren 4tik 5erako gauean. Bost liburu idatzi zituen, irrati libreetako ahotsa izan zen eta gozo entzuten eta zaintzen zekien. 2019an autoedizioan argitaratu zuen bere poema liburu berriena, Naufragoen altzoa.


Eguneraketa berriak daude