Sanz, Maya eta Miranda inputatu dituzte CANeko dietengatik
Miguel Sanz Nafarroako presidente ohia, Enrique Maya Iruñeko alkatea eta Alvaro Miranda Nafarroako Gobernuko kontseilari ohia inputatu gisa deklaratzera deitu ditu Iruñeko Instrukzioko Epaitegiak, Nafarroako Kutxako (CAN) dieten aferagatik.
Sanz apirilaren 12rako deitu dute deklaratzera, Maya 15erako eta Miranda 16rako, Diario de Noticiasek jakinarazi duenez. Goizeko 10:00etan deklaratuko dute hiruek.
Era berean, epaileak Nafarroako Gobernuko Ekonomia eta Ogasun Sailari eskatu dio dietak jasotzeko baimen eta baldintzen inguruko dokumentazioa helarazteko.
Autoak dioenez, aipatu dietak "ordaindu eta kobratzeak" ez dakar ustezko sozietate deliturik, baina eroskeria edo soborno delitua egon daiteke.
Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.
Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.
Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.
Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.
Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.